John 4:14 - BAIBEL (BSI)

¹⁴ ikemu khunono ino tsukeu zu shoni keno paye khilemu tughuthi kithemo nani. Ino azu pa tsukeu huno pa lolo lhokta kuxu zupuki lakhi shi qoipeghi ache nani.”

Sümi Tiqhelimi Bible

¹⁴ ikemu khukhumu I no tsü keu zü ye kemi ye tüghüthi kithemo nani. I no azü panongu tsü keu hu no panongu lolo lhokta küxü zü qò ipeghi anani.”

Sumi Naga CL (Re-edited) Bible (BSI)

¹⁴ ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

John 4:14 ပူးပေါင်းရင်းမြစ်များ

ISAIAH 49:10

Panonguye khilemu muzuthi tughuthimo nani. Tsukinhe ngo asayeqha kushuno panoqo shipusamo nani, kughengu panoqo kimiye kicheuno pano ngu tughushi sawu nanike. Pano panoqo azupukilo sawu nani.”

ISAIAH 55:1

AMPEU no pi, “Khunoqono tughuthi anikeno, ighilo, Azu hilau anike! Ighilo, nongu pisa kuhakeqo, athi qhupesu chulo! Ighilo! atsayi ji ngo akichhizu qhululo, noye ame kiumu tsumo nanike!

ISAIAH 58:11

Pulhapuju ino nongu sapiye eno thime kivi pesu nongu lopiqitsu nani. Ino nongu pelo mutotoi eno akivishi apenani. Nonguye aghutu lakhi azu pofushi akeu toi nani, azupuki khilemu qhaive chemokeu toi nani.

JEREMIYA 2:13

kughengu iwu timiqono axine kini shivae: panonguye ni azu kuxu zupuki launo tsughusu chevae, eno panonguno atu tughuko chhu ani, ipovekeu tughuko loye azu mighepe puamla nanike.”

JEREMIYA 31:25

Khunoqo aghuthisu ani keno ino aghuthi puxu tsu nani eno akhuamzu lono miqemileive kemiqo kumtsu ino achuqupu pesu aghapiqitsu nani.

EZEKEL 47:9

Aghokitino khilekhile qowunikeno, tilehi ashi aghau jeli kumtsu anani. Aghokiti huno Amiti Zughi zu akuxu shivetsu nani eno tipauno khile khile qowuni keno akuxupu sughi nani.

ACHINE 11:36

ikemu kiu kiu mithekumo lhoxu kithi kumo no azupuki momu azu tughuko dilu namu tiye mithe anani.

MATTHEW 25:46

Panonguye alhoghimepulo puwuve nani, ikemu achipikalu chekeqoye lhokta kuxulo wu nani.”

MATTHEW 5:6

‘Achipiu-mikucho shi nishikeuno apulou akiqheu shi chekemi kumghae, kughengu Alhou no panoqo lopiqitsu nani!

John 10:10

Kupukamiye puka heqhi eno kutsanike ghengu likhino ighi cheni. Ino ighikeuye panongu pelo akuxu apenike eno akuxu tipau kupukunoshi apeni yeke.

John 11:26

eno khunono igholo xuani eno ishou pulube ani keno paye khilemu thimo nani, noye hipau pulu anima?”

John 4:10

Jisu no khochile, “Alhou no agho tsukeu nono ithi aghike aye eno ovilo azu piyelopi khuakeu ithiaghike aye, noye pa vilo akuxupu zu khunicheke eno pano tipau otsunicheke.”

John 4:11

Totimi huno pa vilo pi, “Akijeu, noye shophelukepu kiumu kuha eno azukikheye thonheyi ishike, noye kishi shino akuxupu zu aghini kya?

John 4:13

Jisu no li khochile, “Hipa zu shokemi kumtsu tughuthi kitheve nani,

John 4:36

Ghilelo huakeu timi huye ajume ithuluvae eno lhokta kuxu ghenguno athi pekutsu ani; tishianguno xusukeu ngo ghile huakeu pama kumtsa alovi kuqhanike.

John 6:27

Puhavekepu chuqupu ghenguno ime mla kevilo, ikemu lhokta kuxupu kutolo achekepu chuqupu ghenguno ime mlalo. Achuqupu tiye Timi Nu no nongu tsu nani, kughengu Apu Alhou no pa shou pa ghaqikeu michipu bevae.”

John 6:35

Jisu no panoqo vilo pi, “Niye akuxupu shoke, khunono ilau ighi nikeno khilemu muzuthimo nani, eno khunono ipulu nikeno khilemu tughuthimo nani.”

John 6:58

Tishiaye kungugha lono iqighikeu shoye hike, tiye nongu puasu qono chu puzu thive keu sho toi moe. Timi khuno asho hipau chuni keno alhokupuju xulu nani.”

John 7:37

Aghulhu shiakeulo atsala ashekhauno kumtsu nguno akhotou tsalake. Tipani Jisu no puthugho puzu ighamuku asheshu ghi pi: “Khukhumu tughuthi aghiaye, ilau ighieno yelulo.

Rommi 5:21

Ikemu, axineno akithi peitha puzu qhasuke toi, Alhou kupukinino achipikalu keu peitha puzu qhasupe lhokta kuxulo ni Mpeu Jisu Khristo vechewo nisasu wu cheni.

Rommi 6:23

Kughengu axine jumeye akithi ke, ikemu Alhou no niMpeu Jisu Khristo vechewo agho tsukeuye lhokta kuxu ani.

2 Kor. 1:22

eno pawke pikeu michipu ningu shou amchi shivetsu eno ningu ghenguno pano kiu puani keno tipau tsutha puaghi keu shi ningu mlolo Aghungu Kimthe tsuvae.

Ephesiami 4:30

Alhou Ghungu Kimthe Shikulosu kevilo, kughengu xakulu Tsalalo nonguye pawu kepi aghungu nongu shou amichishipe qhivae.

1 Peter 1:22

Itehiye nonguno kuchou lau aghokulu shino nongu kuxu shikimthevae eno kupulumi akusamiqo mutsuqheyino kimiyekeu anie, tishiaye nonguno amlo tsuqhiyi shino lakhino lakhi kimiyekilelo.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.

Piyeküsü 7:16

Panonguye khilemu muzuthi tughuthimo nani, tsukinhe momu kutau kululo panongu phuqhimo nani.

Piyeküsü 7:17

Kughengu akuka lakhu mutalo akeu Bheritino panongu kheu shive nani, pano panoqo sasu akuxupu zupukilo sawu nani; eno Alhou no panongu nhezu isuvetsu nani.”