John 3:34 - BAIBEL (BSI)

³⁴ Alhou no khuu puwukeno pano Alhou tsa pesu pitsu, kughengu Alhou no pa Ghungu kupukunoshi pesu pa tsuke.

Sümi Tiqhelimi Bible

³⁴ Kughengu Alhou no khuu puwu keno pa ye Alhou tsa pi cheni, kughengu Alhou ye kihikütha küha no Aghungu tsü cheni.

Sumi Naga CL (Re-edited) Bible (BSI)

³⁴ Alhou no khuu puwu keno pa no Alhou tsa pesü pike, kughengu Alhou no Pa Ghungu kupukuno shi pa tsüe.

John 3:34 ပူးပေါင်းရင်းမြစ်များ

KUKAMI AKINIU 2:9

Tipa-a lono Elija no Elisha vilo pi,”Isasu kunguu ikumphi lono noye ipelo olau kiu shitsu penishi ani kya?” “Ipelo okuka kusajelu pelo, tishikeu lono niye ozuqhu shilupe kepu shitsulo, “ pi Elisha no qhuiniju.

LESHELE 45:7

Noye achipiu kimiye eno alhoksapuye mithike. Tighenguno Alhou, oLhou no okisheluke eno alokivi pesu kukami kutami nguno alau oshou betsuke;

ISAIAH 59:21

Ino nongu sasu puloshoqhi lakhi shiani: Ino ikuka ngo ikukutsu alhokupujulo nowu shipe nike nongu tsu ani, hinguno hilauye nonguye igholuno nongu nuliqo eno nongu tianuliqoye ighinikeu ghuloki kutolo igholu che penikeu shika masake.”

ACHINE 7:35

Hipau leqhiye AMPEU lau piti mllavekeu lono Aron ngo panuliqo pesu achinemi shipenike akimthepu shiveke tsala lono panoqo tsuvekeuke.

AKIKIHI 11:25

Tithiu AMPEU no khungkusu lono iqighino pa putsa. Pano anguagha Muse tsupua keu hami pesu sakiphemi lhotsuniqo tsue. Kughono aghunguno panongu lau ighi keno panonguye tungkupu toi ighono asheshu atsa pilu ikemu ado kushuwo ghenguno kumoe.

MATTHEW 12:18

“Julo, ino kisheluvekeu iqeu, Ino qhuivulai chekeu, pa shou imlo kiqi acheni. Ino pa shou iGhungu betsu nani, Pano Ashiayeh jeliqo vilo iwu kughakutha sheshu tsu nani.

Luke 4:18

“Ampeu Ghungu ishou ani, Asutsa kiviu kumlhomi lau asheshu penike pano teli pe ni nukishetsue, Akughumi lau khakiqhi kutughu penike, eno anhethi ichekemi lau ithukulupu sughi penike ipuwue. Nedaqoda puakeqo phepuwu penike ipuwue.

John 1:16

Pawu kupukini chhitoi akeu lono pano kukumgha beghi ningu kumtsu tsuke.

John 15:26

“Ikemu Shikumtokutsuu kuchou Ghungu, Apu kudauno ipekighiu hu, Apu launo ino nongu lau puwu nani. Kughou pano ighini keno, pano ishepe shitsu nani.

John 16:7

Tishiepimu ino nongu vilo kuchou tsa pini: nongu ghenguno ino wuvekeu pavi kughengu ino wuvemo aye Shikumtokutsuu ye nongu lau ighimo nani. Ikemu ino wuve aye nongu lau ino pa puwuni.

John 3:17

Alhou ye ayeghilo akemi shou kughatha keu betsu nike ghenguno pa Nu puwuke kumoe, ikemu pa vechewo ayeghilo akemi xaluniye ke.

John 5:26

Apuh ampino akuxupu laghike, ike titoi pano pa Nu pesu akuxupu laghi shilupeke.

John 7:16

Ike Jisu no khochile, “Ino kiu pesu kutsucheni keno tiye iwu kumoe, ikemu Alhou ipuwu puakeu launo ighikeu ke.

John 8:40

Alhou launo kiu chilukeno kuchouno ino tipau likhi pesu nongu vilo pipuani, ikelauye nonguye ipithive niye kutoveke; ikemu Abraham ye hikithipu shipuamoe!

John 8:47

Khuuno Alhou laumi keno pano Alhou tsa initsu cheni. Nonguno initsumokeu kiqiye nonguye Alhou laumi kumoe.”

Apostolmi 1:2

kungughalo saikuveke tsala kutolo mlakeuke. Pa saikuve mphilo Jisu no Aghungu Kimthe vechewo apostolmi khunoqo pano kishelukeno tipaqo vilo ahza kutsu shike.

Apostolmi 10:38

Alhou no kishi Nazaret noghami Jisu shou Aghungu Kimthe eno akuka lepuku keno nonguno ithi ani. Alhou no pa gholo ake ghenguno pano aqha kumtsu wu puzu akivi kumla shi eno tughami kuka qholo aghikeqo kumtsu shipivitsu.

Rommi 8:2

Kughengu Jisu Khristo gholo akuxupi Ghungu yezah huno axine ngo akithi kuma yezah lono ikuqhophevae.

Ephesiami 3:8

Niye Alhou timiqo gholo kumtsu nguno aku amighiu ke, ikeghi Khristo gholo kihikhamlakeu kini akeu Judakumomi vilo atsakiviu pikulha penike Alhou wu kupukini itsuke,

Kolosiami 1:19

Kughengu Alhou no Anu lolo Alhou lhoayeh kumtsu apenikeu shike,

Kolosiami 2:9

Kughengu Khristo philo Alhou lhoayeh kuchopu kupu anike,

Piyeküsü 21:6

Pano pi, “Hiye tavae! Niye Alfa eno Omega ke, abothu eno kishekhakeuke. Khunono tughuthi anikeno akuxupu zupuki lono azu sholu kepushi ino kumsano tsu nani.

Piyeküsü 22:1

Kungumi huno akuxupuzu akeu ghoki ghi ipiye, tiye mlapuyi mulla- ide ae, eno Alhou ngo Bheriti kuka lakhu lono qoipeghi puzu