John 3:29 - BAIBEL (BSI)

²⁹ Kulapuuno kulaliu sa-anikeu ke; ikemu kulapuu kusau huye puthugho puzu ini acheni eno kughou kulapuu sutsa chilu nikeno paye alokivi shi cheni. Tihutoi ilokivi hipau shikupuvetsuae.

Sümi Tiqhelimi Bible

²⁹ Külaliu ye külapu’w ke. Shompami khuu no külapuu khe eno ini cheni keno pa ye kughou külapuu sütsa chiluni keno alokiqi no chhitoive cheni. Alokivi tipau ye iw ke eno tiye kupukülaivae.

Sumi Naga CL (Re-edited) Bible (BSI)

²⁹ Khuu no külaliu sa ani keno, pa no külapuu ke; külapuu küsau khuu puthugho no atsa ini cheni keno, pa no külapuu sütsa chilu no shishe alovi cheni. Tihutoi itehi I lokivi hipau ye kupu luvae.

John 3:29 ပူးပေါင်းရင်းမြစ်များ

ALE KIMCHI 3:11

Zion lo totimiqo ighilo eno Akukau Solomon julo. Paye pazano pakutsu qhopipekeu kutsuqho pepu ani, tiye pa kukula tsalanino pepipe keu, pa lokivi eno pa lokughunopu tsalanino pepipe keuke.

ALE KIMCHI 5:1

Imlokuchuu, iwu kulaliu, niye ighutulo iloghiluvae. Niye vekuju mukhu ngo musughuta pekutsu ani; niye akhingozu ngo akhi kutsu chu ani. Niye atsayiji ngo akichhizu ye ani! Akusamiqo, kikimiye shomzumoke kutolo chu-sho alo!

ISAIAH 54:5

OLhophekeuye oghenguno akimi lakhi toive nani, pa jeye Aqokitikhi MPEU ke. Israil Lhou akimtheuno oxalu nani paye ayeghiqha shou ayehkipeuke.

ISAIAH 66:11

Nonguno li kinikulu kusaje nani, liye angano aza kichhi niake toinanike.

JEREMIYA 2:2

hipau tsape pesu Jerusalem lo timi kumtsu lau asheshulo pike. “Kughou nonguno alhothe shi akeno nonguye kiutoi pukhukulu keno ino kumsulu ae, ningu kulakupu shitughuloye nonguye kiutoi ikimiye chekeno; Nonguno asayeqhalo kishi ipapelu chekeno, yisumokeu yeghilo achekelo.

EZEKEL 16:8

“Itaghi ino vechesu wuchekelo noye alokile kimiye kepu ghuloki shivekeu ino ithulu. Ino uchekeu phi pesu ophi kumsa akeu ino opu uve eno okimiyeni keu shi ovilo piqhive. Iye, ino osasu kulakupu shinikeu puloshoqhi shike eno noye iwu shiluveke.” Hiye Akughushu MPEU no piani.

HOSIYA 2:19

Israil, ino opelo inipu shipeni; niye kuchou eno amikucho shini; Ino lhokta kikimiye ngo kupuqhiyikeu otsuni, eno noye alhokupujulo iwu shini.

MATTHEW 22:2

“Kungugha yehkipeye kukami lakhino pa nu ghenguno kulakupu ghulhu kutope qhikeu toike.

MATTHEW 25:1

“Kungugha yehkipeye ilimi chighino amizu kulu pesu kulapuu sasu kushoniye wukeu kimihi shi nani.

MATTHEW 9:15

Jisu no ishi panoqo khochile, “Kulakupulo kusu puakeqoye kulapuuno panoqo gholo aphiloghi amlokusa shi achenipe kesha? Khilemu tishi chemoe! Ikemu panoqo gholono kulapuu ikhisuwuve kepu tsala ighi nani, tithiuno panonguno kumvu nani.”

Luke 15:6

akilo idewono paw shompami ngo aki sughumi ku kutsu cheni. Pano panongu vilo picheni. ‘Igholo alovi kuqhalo, kughengu iwu bheri puhavekehu phuluvae’

John 15:11

“Ino nongu vilo hipaqo piakeuye ilokivi nongu lolo apeniyeke, eno nongu lokivi shikupu lupeniyeke.

John 16:24

Itehi kutolo nonguye ije lono kiumu khujumphike; khulo eno nongu tsu nanike, tishianguno nongu lokivi shikupulu penike.

John 17:13

Itehi niye olau chea, eno ayeghilo akelo ino hipaqo tsa piakeuye panongu pelo panoqo mlolo ilokivi kupu alupeni kehuke.

John 3:30

Paye chuqumughayi ikuvemasa eno niye chuni-iqivemasae.”

2 Kor. 11:2

Nongu ghenguno niye Alhou no anheshu akeshi nongu jupe inheshu ani; kughengu ilimi amikuchomi lakhi timi lakhino luniye inipe puakeshi niye nongu sawo Khristo tsuniye shiake.

FILIPIAMI 2:2

Tishiaye, nonguno akukumsu aphiphishi, kimiyekeu aphiphishi, kuloni kughuvuyi shi eno akukumsu lakhi shikeu lono ilokivi kuputsulo.

1 John 1:4

Nino hipau yelu akeuye ningu lokivi shikupulu peniyeke.

2 John 1:12

Niye nongu vilo avehu kutomo pikepushi ani ikemu niye akiye loye tipaqo ye-akhamlavae, tighenguno niampino nongu sasu kusho puzu kuptsa nikeu kumsupu ani, tishainguno ningu kumtsu alokivi shilukha nani.

Piyeküsü 21:9

Kungumi tsuni pusa bohu tsuni peakeqo gholo lakhino ilau ighino pi, “Ighilo, Kulaliu, Bheriti nipu opiyenike.”