John 3:21 - BAIBEL (BSI)

²¹ Ikemu khunono kuchou shi cheni keno akuvu lau ighi cheni, tishianguno panongu kumlaye Alhou pukhubekeu lono mlapuani kepi akuvu pephe piyeniyeke.

Sümi Tiqhelimi Bible

²¹ Ikemu khuno no amikucho shi xü cheni keno pano ye aküvü lo ighi cheni, tishianguno panongu no kiu müla keno tiye Alhou nhekithe lono müla ke ipi mütsümishei ithulu peniye ke.

Sumi Naga CL (Re-edited) Bible (BSI)

²¹ Ikemu khukhumu kuchou shi chekemi no aküvü lo ighi cheni, tishianguno pa kümla ye Alhou pulou lono mla püanie pi mtsümishei ithulu cheni.

John 3:21 ပူးပေါင်းရင်းမြစ်များ

LESHELE 119:105

Otsaye ila piyenikeu kulu lakhike, eno ilaghilo akuvu lakhike.

LESHELE 119:80

Ipelo thwokhalo ozahkutsu ghokulu shino tomlavekeu kukujo launo ngolupelo.

ISAIAH 26:12

AMPEU, nono kinikulu ningu tsu nani; ninguno shiqhilukeu kumtsu nono shiakeuke.

ISAIAH 8:20

Nonguye panoqo vilo ishi khochilelo, “AMPEU no kiu pesu nongu shikapiye keno inilo! Tumumi tsa ini kevilo, panonguno nongu vilo kiu pinikeno tiye akivipu shimlake.”

HOSIYA 14:8

Israil lo akemiqoye ajulho shisukeu sasu kiumu kutshu kime kepu shimove nani; Ino panongu kighini khochiletsu nani eno panoqo tuchohiju nani. Ani ighimokeu subo lakhi toi ino panoqo kusuqholuve nani; Niye panoqo wu kukumgha jeli pukike.”

John 1:47

Nathana-el no pa lau cheghikeu Jisu no ithulu puzu, pano Nathana- el ghili ishipi, “Israilmi kuchou lakhi hichenike julo. Pa lolo pishikiqhi kuhae.”

John 3:20

Khunono alhoksa kumla shi cheni keno akuvu mithi eno pa kumla lhoksa ithuluvenosa kelauno akuvu lau ighi chemoe.

John 5:39

Nonguno kuchoyesu phukide kudaju cheni, kughengu nonguno tipaqo lono lhokta kuxu phulu nani kepi kumsu cheni. Eno tipaqono thopi shi ani,

John 7:17

Khunono Alhou pulou shini shikeno tipanono ino kutsukeuye Alhou launo keo momu ilikhi ilotsu lono piani keno ithi nani.

1 Kor. 15:10

Ikemu Alhou kupukini lono niye kiukeno tike, eno pa kupukini ilau tsukeu huye adou shivepemoe, tike kumo puzu, niye apostolmi kutami nguno alau ghichhe ghime kumla shi cheni, kuchouno ino shilu anike kumo puzu Alhou kupukini igholo akeu huno shilu anipeke.

2 Kor. 1:12

Ningu kijivilo chekeuye hike; nilolo kivikusa lokumsuno ashepe nitsu akeuno ayeghi hipaulo nikuxuye Alhou launo ighikeu kimthe eno musumulai xuchekeu ayeghilo suqekighithi lono kumoe ikemu Alhou wu kupukini pesu xucheke, eno tiye akhotono nongu lau tishi kutshupe xucheke.

Galatiami 6:8

Timi khunono timi lhoayelo xusuni keno paye tipau launo akithipu xolu nanike; ikemu khunono Aghungu lo xusuni keno paye tipau launo alhokupuju kuxu xolu nani.

Ephesiami 5:9

Kughengu akuvulo chechekeu lono akivipu, achipiu eno kuchou ipeghilupe cheni.

FILIPIAMI 1:11

Alhou jekipipu eno shekiqhepu ghenguno Jisu Khristo lau likhino ighichekeu mikucho xathino nongu shepichhiluve nani.

FILIPIAMI 2:13

kughengu Alhou zukuvupu akivi mlalupeni eno pulolupe nike ghenguno Alhou no nongu lolo mla acheni.

Kolosiami 1:29

Hi shiluniaye, Khristo no tsukeu kumto kuka ilolo shishe hakitetsu akeu peitha puzu ino pukaputsa ghichheghime shi acheni.

IBRIMI 13:21

pa pelo thwokha kivi jeli pesu nongu tsupuzu pa pulou shilupeniu, eno pano Jisu Khristo vechewo pa lokiqipushi nilolo shilupeniu; alhokupuju lono alhokupuju ghenguno pa lau akimthejekipi achepelo! Amen.

1 Peter 1:22

Itehiye nonguno kuchou lau aghokulu shino nongu kuxu shikimthevae eno kupulumi akusamiqo mutsuqheyino kimiyekeu anie, tishiaye nonguno amlo tsuqhiyi shino lakhino lakhi kimiyekilelo.

1 John 1:6

Tishiaye, ninguno akuzulo cheche pulaghi ninguye pa gholo kuposhulu ani kepi aye, ninguye miki ani eno kuchou kiqi lono xuchemoe.

3 John 1:11

Kimiyeche keu, alhoksa pape kevilo ikemu akivipu papelo. Khunono akivipu shi cheni keno panoye Alhou laumike; khunono alhoksa shi cheni keno paye Alhou ithulu chemoe.

Piyeküsü 3:15

Ino okumlaqo ithi ani; noye mukomughai keumu kumo momu shukuthuyi keumu kumoe. Noye shukuthuyikeu momu mukomghai keu shipenishike!