John 3:18 - BAIBEL (BSI)

¹⁸ Khunono Anu pulu nikeno kughakutha bemovae; khunono pulumo nikeno tipano shou kughakutha bevae, kughengu panonguye Alhou Nu lakhi likhi akeu shou pulubemoe.

Sümi Tiqhelimi Bible

¹⁸ Khuno no pa pülüni keno kiléqhivemoe, ikemu khuno no pülümo nike no kiléqhive aghí cheni kughengu panongu no Alhou Nu lakhi likhi akeu je shou pülümo ke.

Sumi Naga CL (Re-edited) Bible (BSI)

¹⁸ Khukhumu Pa pülü keu ye küghathabe movae; ikemu Pa pülümo kemi ye küghatha bevae, kughengu Pa no Alhou Nu lakhi likhi akeu pülübe moke.

John 3:18 ပူးပေါင်းရင်းမြစ်များ

Mark 16:16

Khunoqono pulu puzu baptiz shilu nikeno xalu nani, ikemu khunono pulumo nikeno peve nani.

John 1:12

Ikemu khamiye ikhilu eno pa shou pulubeke, ike tipanoqo pelo Alhou nuli shikulupu kuka pano panoqo tsue.

John 1:18

Khunomu Alhou ithumla aphi. Ikemu Anu khuu Alhou sasu aphiphi keno pa vechewo Alhou ye kiu toi keno ningu lau pephe piyetsu.

John 20:31

Ikemu hile yesupe puakeuye nongu pelo Jisu ye Mesiya, Alhou Nu kepi pululu peniyeke eno tipau kupulu vechewo paje lono akuxupu alupeniyeke.

John 3:16

Kughengu Alhou ye ayeghilomi kimiyekutuke ghenguno pa Nu lakhi likhi akeu tsuke, tighenguno khunono pa shou pulube nikeno puhavemo nani, ikemu lhokta kuxu ithulu nani.

John 3:36

Khunono Anu shou pulube nikeno lhokta kuxu ani; khunono Anu gholumo nikeno tipanoye akuxupu kuhave nani, ikemu tipano shou Alhou loghu acheuve nani.

John 5:24

“Kuchouno ino nongu vilo pini, khunono itsa chilu puzu ipuwupuakeu pulu nikeno lhokta kuxu ani. Pa shou kughakutha bemo nani, ikemu paye akithi hechesu akuxulo wuluvae.

John 6:40

Kughengu iPuh ghopulouye hike: khunono Anu ithulu puzu pa pulubelu nikeno lhokta kuxupu apeniyeke; eno ashekha tsalalo akuxupushi ino pa xuputhu nani.”

John 6:47

Kuchouno ino nongu vilo pini: timi khuno pulu ani keno lhokta kuxupu ani.

Rommi 5:1

Tighenguno ninguye akupulu lono Alhou lau achipikaluve akehu, ningu Mipeu Jisu Khristo vechewo ninguye Alhou sasu kulashiluvae.

Rommi 8:1

Tighenguno khunoqono Jisu Khristo gholo xuani keno itehi panonguye Alhou no levemoe.

Rommi 8:34

Khualano panoqo ghushokulupu kesha? Jisu Khristo thivekeu huno keo? Tikekumono, paye akithi lono xaputhuve puzu Alhou u-ajeu ngono ningu ghenguno qhuinijutsu ani.

IBRIMI 12:25

Tighenguno, khuno pi ani keno tipau tsa inimovekeu shikevilo, kughengu ayeghi lono Alhou tsape shipesu panongu kutughukeu inimovekelo panonguye pomlave aye, tishiaye kungugha lono atsape shipesu kutughukeu ninguno initsumoaye ninguye kitilamu pokulupu kuhae.

IBRIMI 2:3

Tishiaye, ninguno xakulupu kije hikithipu kughuchove aye ninguye kishipuzu polu nani kya? Ampeu pa ampino atughushi xakulupu hipau pesu asheshuke eno tipashelo khunoqono pa launo chilukeno tipaqono nivilo tipau huye kuchou kepi mutsu qheyi shive tsuae.

IBRIMI 3:19

Ike ninguno ithulu anike panonguno tipaulo ilomlavekeuye pulumoke ghengunoke.

1 John 3:23

Pano ahza tsukeuye hike ninguye paNu Jisu Khristo jelo pulube kepue eno lakhino lakhi kimiyekile kepue.

1 John 4:9

Alhou kikimiye ningu gholo pephepiyeve keuye hipauke: Alhou no paNu akighipi akeu pesu ayeghiqhalo puwutsu, tishianguno pa vechewo ningu pelo xulupeniyeke.

1 John 5:10

Ikemu khuno Alhou Nu shou pulubeni keno pa mlolo hipau shepe acheni; ikemu khunono Alhou shou pulubemo nikeno pa pesu akimkiu shivetsu cheni, kughengu Alhou no pa Nu ghili pikeulo pulubemo kehue.

1 John 5:12

Khuno lolo Anu ani keno akuxu ani; khuno lolo Anu kuhakeno akuxu kuhae.