John 21:16 - BAIBEL (BSI)

¹⁶ Jisu no ghuthu akiniu pa vilo pi, “Johan nu Simon, noye iqhuivu cheni ma?” “Iye, Ampeu, ino okimiye chekeu nono ithi anie” ipi pano khochile. Jisu no pa vilo pi, “Iwu bheriqo jukide kudayilo.”

Sümi Tiqhelimi Bible

¹⁶ Itaghi Jisü no pi, “John nu Simon, no ye I kimiye chenima?” Pa no khochile, “Iyei, Ampeu, I no O kimiye chekeu nono ithi anie.” Jisü no pi, “Iw ambeqo tucho-mjo lo.”

Sumi Naga CL (Re-edited) Bible (BSI)

¹⁶ Pa no ghuthu akiniu Peter vilo pi, “John nu Simon, no ye I qhuivü anima?” “Iyei, Ampeu, I no o kimiye keu nono ithi ani,” ipi pa no khochile. Jisü no pa vilo pi, “I mbeqo tucholo.”

John 21:16 ပူးပေါင်းရင်းမြစ်များ

LESHELE 100:3

AMPEU ye Alhou kepi khilemu kumsuma kevilo. Pano ni Lhoke eno ninguye pawu ke; ninguye pawu timi eno pawu bheri lojiqoke.

LESHELE 95:7

Paye ni Lhou; Ninguye pa tsuni kumzami timi qoke, eno pano tuchomujo chekeu lojike. Ishitsalalo nonguno pa sutsa hi chilulo:

ZEKHARIA 13:7

Aqokitikhi MPEU no pi, “Idathughilo, azutakihi ipunukhoi mlachekeu bherikheu ghiqhilo! Pa ghiqhilo eno bheriqoye hapiye pighive nani. Ino iwu timiqo leni cheni,

MATTHEW 2:6

‘Judia ghakhulo O Bethlehem, Judia lo ayehkipe phughi gholo noye aghulou ye kumoe; kughengu olau no ayekipemi lakhi ipeghi nani, pano iwu Israilmi saphe nani.’ ”

MATTHEW 25:32

Ashiayeh kumtsu pa zulo kumqowo ngo nani eno bherikheuno bheri ngo ane kututa shike toi panoqo pesu lakhino lakhi launo kututa shitsu nani.

MATTHEW 26:72

Itaghi Pitor no pa ye ti mthakepi tushoqhi ghi ishipi, “Niye timi hupau mthaputsae!”

Luke 19:10

Kughengu Timi Nu ye puhavekeu phu nike eno xalu nike ighie.”

John 18:17

Ahukikhalo ayiliu akeuno Pitor vilo pi, “Noghi timi hupau khopemi lakhike kumo kesha?” Pitor no khochile, “Moe, niye kumoe.”

John 18:25

Pitor ye tikutolo puthughope ami pugha ae. Panonguno pa vilo pi, “Noghi pa khopemi gholo lakhi kekumo kesha?” Ikemu Pitor no tipau lahghi pi, “Moe, niye kumoe!”

John 21:17

Jisu no ghuthu akuthuu pa vilo pi. “Johan nu Simon, noye ikimiye cheni ma?” Pitor ye amlo shimove kughengu Jisu no pa vilo ghuthu akuthuu “Noye ikimiye cheni ma?” ipi iniju kehu. Pano Jisu vilo pi. “Ampeu, nono thwokha ithi ani, eno ino okimiyechekeu nono ithi anie!” Jisu no pa vilo pi, “Iwu bheriqo jukide kudayilo.

Apostolmi 20:28

Nongu likhi nongu jukutsukiyi lo eno Aghungu Kimthe no nongu pelo jukidekuda peniaye qhipuatsukeu loji hu jukutsu-kiyi tsulo. Alhou kukuhou kheu shilo, tiye pa Nu kithi vechewo pawu shilupe puanike.

IBRIMI 13:20

Itehiye alokughunopu Lhou, khuno niMpeu Jisu akithi lono xuputhuvekeno, pa ji pesu lhokta kutolo puloshoqhi mekhatsukeu bheriqo wu Akheu Akijeu;

1 Peter 2:25

Nonguye bheri ala puhavekeqo toike, ikemu itehiye nongu ngulho Kheu eno nongu Pighiu papelu penike nongu sachile saghivae.

1 Peter 5:2

Alhou bheriqo khekutolo, tsuyikhomo shilo pikeu ghenguno kumoe ikemu Alhou no nongu pelo shipenishi ketoi puloniqhiyi tipau shilo. Ajume ithulukeu ghengu likhino kumoe ikemu amlo lono qenikeu puloqhiyi pupuzu shilo.

Piyeküsü 7:17

Kughengu akuka lakhu mutalo akeu Bheritino panongu kheu shive nani, pano panoqo sasu akuxupu zupukilo sawu nani; eno Alhou no panongu nhezu isuvetsu nani.”