John 2:24 - BAIBEL (BSI)

²⁴ Ikemu Jisu ye timi kumtsu akivishi ithi ake ghenguno panoqo shou pulukibe kuhae.

Sümi Tiqhelimi Bible

²⁴ Ikemu Jisü ye pa likhi pa pesü panongu shou pükhübemoe, kughengu pa ye timi kümtsü ithi ake.

Sumi Naga CL (Re-edited) Bible (BSI)

²⁴ Ikemu Jisü ye timi kümtsü ithi akehu panongu shou pa küpkhü qhimoe.

John 2:24 ပူးပေါင်းရင်းမြစ်များ

KUKAMI ATUGHIU 8:39

panongu kighini chilutsulo. Oki kungugha lono inijutsulo, panongu kipimi qhivetsulo eno panongu kuphutsulo. Kughengu olikhino timi mulo kukumsu ithi ani. Pututa kumla kiqi lono kiu tsukuzupu keno tishi shitsulo.

YEKIKITHI ATUGHIU 28:9

Pano Solomon vilo hi pi, “Inu, ino ohakite ani opu Lhou pukhalulo eno omlo kijevemono eno okukumsu iqemono pa huthulo. Pano ningu kukumsu eno ninguno lunishi keu kumtsu ithi anie. Tsala nono pa phuwu aye pano no ikhilu nani; ikemu tsala nono pa launo pove aye pano alhokuthu ghenguno okumsumave nia.

YEKIKITHI ATUGHIU 29:17

Ino ithi noye timi kumtsu mlo ithi piliju ani eno puloniqhiyikemi wu ikhilu chenie. Amikucho lono eno puloniqhiyi keu lono hi kumtsu ino otsu anie eno owu timiqono kishi alokivi shi akumllagho pesu ighino otsu anikeno ino ithulu anie.

JEREMIYA 17:9

‘Khuuno timi mlo ithikuthu luni kya? Tiye kutau kumtsu nguno pishikiqhiu ke; tiye vimo kutuke.

MATTHEW 9:4

Panonguno kiu kumsupu akeno Jisu no ithiveno ishipi, “Kushiye nonguye amlolo alhoksa tikithipu kumsu cheni kya?

Mark 2:8

Jisu no paikhavi lono panonguno tuqhouno kumsuju akeu jupililuve kehu panoqo vilo ishi pi, “Nonguye kushiye tikithipu amlolo kumsuju ani kya?

John 1:42

Tishi puzu pano pa sasu Jisu lau ighi. Jisu no pa ju puzu pi, “Noye Johan nu Simon ke. Oje Kefa ku-tsunie.” (Tiye Pitor ipikeu eno pa kiqiye “Atuqu.”)

John 16:30

Itehiye ninguno ithiveake noye thwokha ithi ani eno khunomu ovilo iniju akepu kuhavae. Hipau lono noye Alhou launo ighikemi kepi ninguno pululuve peke.”

John 21:17

Jisu no ghuthu akuthuu pa vilo pi. “Johan nu Simon, noye ikimiye cheni ma?” Pitor ye amlo shimove kughengu Jisu no pa vilo ghuthu akuthuu “Noye ikimiye cheni ma?” ipi iniju kehu. Pano Jisu vilo pi. “Ampeu, nono thwokha ithi ani, eno ino okimiyechekeu nono ithi anie!” Jisu no pa vilo pi, “Iwu bheriqo jukide kudayilo.

John 4:16

Jisu no pi, “Wolo, eno okimi kusasu ighilo.”

John 5:42

ikemu ino nongu ithianike, nongu lolo Alhou kimiyekeu kuhae.

John 6:15

Timiqono ighi puzu pa pesu tsumomo akukau shipeniye akeu Jisu no vethaluve, ikehu itaghi paye pa likhi chesu naghuto kudau wuve.

John 6:64

Ikeghi nongu gholo khamiye pulumoe.” (Kughengu khunoqono pulumo nani keno eno khuno pa kughape atheshive nikeu keno Jisu ye abothu lono ithi ae.)

Apostolmi 1:24

Tile panonguno inikhughi pi, “O Ampeu, nono timi kumtsu mulo ithi ani. Ike hi pama gholo nono khuu kishe pesu

Apostolmi 15:8

Timi mulo ithi achekeu Lhou no ningu tsuketho lono Judakumomi lau amlo kiqi piye ghi Aghungu Kimthe panongu tsue.

ZAKINIU 31:21

tighenguno kutsakungo keu kumsapu kutomo panoqo shou ikughi nani. Ikemu ale hipauye itaghi phe ache nani eno tipauno pano shou thopi shinani. Itehi ghi, ino panoqo tsunikeu shi tushoqhive keu yeghilo ino panoqo sailo mphilo pinamu panonguno kiu kumsupu ani keno ino ithi ani.”

IBRIMI 4:13

Alhou zuloye lhophepua keu kiumu kusuvemlae, ikemu thwokha pa zuloye nhamono thebei ithulu ani; eno pa lau ningu kumtsu kihikulayi pesu tsu nani.

Piyeküsü 2:23

Li pape chekemiqo ghi pithive nani, tileno akukuhou kumtsuno niye timi kukumsu eno timi mlo lhejuchekeu kenapi ithi nani. Nongu kumla qhemi lono milakhikhi lau ino ajume tsu nani.

SAMUEL ATUGHIU 16:7

Ikemu AMPEU no pa vilo pi, “Pano kishi qhemghai eno ajukivi shi aghinamu tiye jukevilo. Niye pa milivae, kughengu niye timino kughathabe ketoi kughathabe chemoe. Timiye ashou jukivi phucheni, ikemu niye timi mlo likhi jucheni.”