John 2:11 - BAIBEL (BSI)

¹¹ Jisu no amchipu kumla shikeu gholo hino atughushi Galil yeghi lo Kana phu lono shike, eno pa kimthe jukuvu pephepiyeno pa khopemino pa puluve.

Sümi Tiqhelimi Bible

¹¹ Jisü no hile Galilee qhalo mishiphu Cana lo kiu shi keno tiye pa juküvü pephe-piye keu michipuqo gholo atüghiu ke; ikelo pa khopemiqo no pa shou pülüluve.

Sumi Naga CL (Re-edited) Bible (BSI)

¹¹ Jisü no amchipu kümla shikeqo gholo hi Galilee cheaxü Cana lo shikeu no atüghüu, eno hileno pa juküvü pephe piye; eno pa khopemi no pa pülüve.

John 2:11 ပူးပေါင်းရင်းမြစ်များ

KUKAMI ATUGHIU 17:24

Lino khochile, “Noye Alhou wu timi ipi ino ithivae eno AMPEU no mutsuqheyi ovechewo pitsu chenie!”

LESHELE 72:19

Alhokupujulo paje kipipu sheqhelo! Pa jukuvuno ayeghiqha kumtsu chhilu pelo. Amen! Amen!

LESHELE 96:3

Pa kimthe jekipi pesu ashiayeh kumtsu lau kutughu wolo, eno timi kumtsu vilo pano akughushu kumla shikeu asheshulo.

IPEKULU 14:31

AMPEU no akuka kije pesu Ijipmi leluvekeu Israilmino ithulu puzu AMPEU msaveke eno panonguye AMPEU lau eno pa qeu Muse shou akupulu auve.

IPEKULU 4:9

Akumzapu michi hikuma ithuluve kethiu ghi panonguno pulumlano auve aye eno nono kiu pikeno tipau initsumo kepi auve aye, Nayil ghoki lono azu pesuwo ayeghilo leqhilo. Azuye ahji shive nanike.”

YETSAPIU 9:7

Wupuzu oghakiqishi ochuqupu chualo; oji shoalo olo pivilo, Alhou ye thwokha kumtsu lo achipishi anike.

ISAIAH 40:5

Tileno AMPEU kimthe jukuvu pephe piye nani, eno timi kumtsuno tipau ithulu nani. AMPEU ampino hipau piqhipe puani.”

MALAKI 2:2

Nonguno mla ithakeulo igihu kepu shimasa. Nonguno ino pikeu inimo aye ino nongu shou musuini keu sughi nani. Nongu chuqupu ithulu keu shou ino musuini bevetsu nani. Mutsuqheyino, ino tipaqo shou musuini bevae kughengu nonguno ino ahza tsukeu amlo tsuqhiyi ikhilumoke.

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

John 1:17

Alhou no Muse vechewo Ayezah tsuke, ikemu kimiye kini eno amikuchouye Jisu Khristo vechewo ighi.

John 1:43

Tishiwo thoghiu Jisu ye Galil lo wunikeu shi kughuve. Pano Filip sasu kusholu kelo pa vilo ishipi, “Igholo ighilo!”

John 1:50

Jisu no pi. “Ino ovilo nono khughuthibo qholo ake lono noithuluvae pikeu ghenguno noye pulu ani kesha? Hinguno alau thwokha kije nono ithulu nani.”

John 10:41

Timi kutomono pa lau ighi, eno panonguno ishipi: “Johan ye amchipu kumla kumu shimoe ikemu Johan no timi hipau ghili pikeu kumtsu kuchouke.”

John 11:15

ikemu nongu ghenguno niye tilau aghimovekeuno imlokiqi shivae tishianguno nongu pelo pululu peniyeke. Ningu pa lau wuni kholo.”

John 11:47

Ikehu Farisimi ngo Achinetomino kuhokumqono ishipi, “Ninguye kishini kya? Kughengu timi hipauno amchipu kumla kutomo shi auvae.

John 12:18

Timi aqokitikhino pa sasu kushokeu kiqiye Jisu no amchipu kumla hipau shikeu panonguno chiluke ghengunoke.

John 12:37

Panoqo zulo pano amchipu kumla kutomo shikeghi panonguno pulumoe;

John 12:41

Isaya no hipau pikeuye pano Jisu jekipipu ithuluke ghenguno pa ghili pike.

John 14:13

Nonguno ijeku puzu kiu kiumu khuni keno ino shitsuni, tishikeu lono Anu vechewo Apu jepipilu penike.

John 16:27

kughengu apuh ampino nongu kimiye cheni. Nonguno ikimiye eno niye Alhou launo ighikepi nonguno pululuke ghenguno pano nongu kimiye cheni.

John 16:30

Itehiye ninguno ithiveake noye thwokha ithi ani eno khunomu ovilo iniju akepu kuhavae. Hipau lono noye Alhou launo ighikemi kepi ninguno pululuve peke.”

John 2:1

Atsala akuthuni Galil yeghilo Kana ipikeu phulo kulakupu lakhi shia eno Jisu paza ghi tile ae,

John 2:23

Hechekulu Ghulhu lo Jisu no Jerusalem lo akelo, timi kutomono pano amchipu kumla shikeu ithulu puzu panonguye pa shou pulubeluve.

John 3:2

Pano putho lono Jisu lau ighieno pa vilo pi: “Rabi, nino ithianike noye Alhou launo ighikemi akukutsuu lakhie. Alhou no timi lakhi gholo aghimokeloye timi khunomu nono amchipu kumla shilu akeqo shiluni chemoe.”

John 4:3

Jisu ye Judia qhive puzu Galil lo idewo,

John 4:46

Ike Jisu ye Galil Kana phulo pano azuno atsayiji kughulhotsu keulo itaghi ighi. Tilehi ayehkipemi lakhi-a eno panuye Kapernaum lo suae.

John 4:54

Jisu no Judia lono Galil lo ighi kethiu amchipu kumla shikeu hino akiniuke.

John 5:23

tiye panonguno Apu gihu ketoi kumtsuno Anu gihupeniyeke. Khunono Anu gihumoni keno pa puwu puakeu apuh hu gihumovae.

John 6:14

Jisu no amchipu kumla hipau shikeu timiqono ithulu puzu panonguno pi, “Kuchouno ayeghiqhalo tungkupu ighiniepi chekeu hu hike!”

John 6:2

Timi aqokitikhino pa pape che kughengu pano akumzapu lono kusukinimi shipivikeu panonguno ithulu puake.

John 6:26

Jisu no panongu khochile, “Kuchouno ino nongu vilo pini: Nonguye amchipu kumla ithuluke ghenguno kumo puzu nongu ghakiqishi asho chuluke ghenguno iphu cheni.

John 6:30

Ike panonguno pi, “Tishiaye ninguno opulupenike ghenguno noye kiu michipu kumla shipe ningu piyeni kya? Noye kiu kumla shilu nani kya?

John 7:31

Timiqo gholo kutomono pa pululuveno pi, “Kughou Mesiya ighini keno paye timi hipau nguno alau amchipu kumla shilu nani kema?”

John 9:16

Farisimi khamino pi, “Timi khuno hipau shikeno paye Alhou launo ighikemi kumoe kughengu paye Sabat yezah hebideke.” Tishimu khamiye ishipi, “Timi axinemi lakhiye kishi puzu amchipu hipaqo shiluni kya?” Tilehi panoqo gholo kuqhakumla ipeghive.

2 Kor. 3:18

Ningu kumtsuno agi kuzupumono Ampeu kimthe jukuvu yebide achenipe, eno tipau kimthe jukuvu huno pa kimihi kuchoulo akimthe jukuvu alau lono ningu pesu miviu tsu acheni; kughengu hiye Ampeu khuu Aghungu keno pa launo ighikeuke.

2 Kor. 4:17

Ninguno ghicheghime dolo ikhonhei sholu akeu huye kiunomu pe kimghimlakeu lhokta kimthe jukuvu lakhi saghitsu nani.

2 Kor. 4:6

Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.

ZAKINIU 5:24

pike,’AMPEU ningu Lhou no pa kuloghi eno pa kimthe jukuvu ami lono putsakeu ninguno chilu kelono nipiyeke! Ishi tsala lono nino ithuluve ake Alhou no timi putsave kethiu pinamu timiye xuakulupu shilukeu anike.

1 John 5:13

Nongu Alhou Nu pulu kemi lau ino hipau yelu ani, tishianguno nonguye lhokta kuxu anikepi ithipe niyeke.