John 18:20 - BAIBEL (BSI)

²⁰ Jisu no pa khochile, “Niye timi kumtsu zulono piche; niye pulhapuju Sinagog lo ngo Achinekilo khile Judami kumtsuno kuhokumqo aghikeno tileno ino kutsuche; niye kusuuno kiumu pipuamoe.

Sümi Tiqhelimi Bible

²⁰ Jisü no khochile, “Ni ye ikhikiphe shi ayeghilomi vilo pivae. Ni ye alhokuthu Jewmiqo kümtsü no ighino kumqo chekeu-a synagogqo momu achineki lo kütsü achenie. Ni ye tuqhou shi kiumu pipüamoe.

Sumi Naga CL (Re-edited) Bible (BSI)

²⁰ Jisü no khochile, “Ni ye ayeghiqha zülono piche. Ni ye sinagog ngo achineki khile Jewmi kümtsü no kumqo cheni keno, tile kütsüche; ni ye küsüuno kiumu pi püamoe.

John 18:20 ပူးပေါင်းရင်းမြစ်များ

LESHELE 22:22

Ithikuzumiqo gholo ino oje piphetsuni, panoqo hoholo ino osheqheni.

LESHELE 40:9

Owu timiqo hoholo nono ixalukeu tsakivi ino pivae, nono ithianike, niye pimono imtsu lakhape amlake, O AMPEU.

ISAIAH 45:19

Niye tuqhouno pipuamoke momu ipulouye kusupesu qhipuamoe. Niye Israilmi vilo munamghai keu alo iphujulopi pi puamoe. Niye AMPEU ke eno niye kuchou tsa picheni; kiuno achipi keno ino ithipe acheni.”

ISAIAH 48:16

“Itehi ipunu ighilo eno ino kiu pini keno inilo. Inahuu abothu lono ino aqha zulono pivae eno pulhapuju itsaye kuchou shi aghipe cheni.” (Itehiye Alhou AMPEU no pa kuka itsuke eno ipuwuke.)

MATTHEW 24:26

Ikehu, khualano nongu vilo, ‘Julo paye timi kughunamokeu-alo anie!’ ipi namu, tilau wu kevilo; momu panonguno, ‘Paye hilau itshu anie! ipi namu, tipau pulu kevilo.

MATTHEW 26:55

Tilehino timi kumzapu ighikeqo vilo Jisu no ishipi, “Niye heqhi- buqhi chekemi toi nonguye azutakihi ngo asulu pesu ikughaniye ighi ani kesha? Ghulo atsu-tsu ino achinekilo iqano kutsuche mu nonguye ikughamoe.

MATTHEW 26:65

Tile Achinetouno pano uakeu phi suxuve puzu pi, “Paye kixikila tsa pivae! Ninguye thopimi kutau kiumu avehupu kuhavae! Itehi hileno pano kixikilatsa pikeu nonguno chiluvae!

MATTHEW 4:23

Jisu no Galil qha kumtsulo wupuzu Sinagog lo timiqo kutsu eno akukayeh wu lokivipu sutsa pesu asheshu, eno timiqo gholo akusu puaghikeu jeli eno kusukini shi aghi keu jeli kumtsu pano shipivitsu.

MATTHEW 9:35

Jisu no aphughilo ngo aphulo wupuzu Sinagog qo lono kutsu eno Alhou yehkipe wu lokivipu sutsa pesu asheshu, kusukinimi eno tomochhimokeu kusumi ajeli kutomo pano shipivitsu.

Mark 8:32

Pano kiumu kusumono hipau pi. Ikehu Pitor no pa sawu puzu pahakhakeu tsa pi.

Luke 21:37

Tipaqo tsalalo Jisu ye achinekilo kutsukeu lono ado puwo ae, eno kughono kijiliu shive nikeno paye wu puzu Oliv to lono putho tsala puwo che.

Luke 4:15

Pano panongu Sinagog qolo kutsu eno kumtsuno pa sheqhe.

John 18:21

Ike noye kushiye ni iniju ani kya? Khunoqomino itsa chilu puani keno tipanoqo vilo niye panongu vilo kiu piche keno inijulo, kughengu ino kiu piche keno panonguno ithi anike.”

John 6:59

Hiye Kapernaum lo Sinagog lono Jisu no kutsukeu ke.

John 7:14

Aghulhu shikeu tsalaqo tuxa shivekethiu Jisu no achinekilo wu eno timiqo kutsuthuve.

John 7:26

Juniwa, paye timiqo zulono atsa piani eno khumu pa shou kiumu piamoe! Khilehi nitimi sakiphemi qoye paye Mesiya kepi kuchouno ithivea kesha?

John 7:28

Ike pano achinekilo kutsukelo asheshu ghi pi: “Nonguye kuchouno niithi ani eno niye khilano ighikeno ithi ani kesha? Ikemu niye ighopulou shi ighi anike kumoe. Khuno ipuwukeno paye kuchouke eno nonguye pa mthae,

John 7:4

Kughengu timi kumtsu pelo ithipenishi aye timi khumu pano kiu mla ani keno kusuve chemoe. Nono hipaqo shilu ani keaye ayeghiqha pelo no ithi pelo.”

John 8:2

Thanau inaqhe itheno paye achinekilo ideghi. Timi aqokitikhino pa suhope kumqo ighive, ike pano iqave puzu panoqo kutsu ae.

John 8:26

Niye nongu shou pikepu eno kughakepu thime kutomo anie, tishiepimu khuno ipuwukeno paye kuchouke, eno pa launo kiu chilu keno tipaqo likhi pesu ayeghiqha vilo ino picheni.”

Apostolmi 26:26

Akukau Agripa. Nono hipaqo vehu kumtsu ithi anike ghenguno niye ighumono ovilo pi ani. Ino mutsuqhei jukelo hipaqo vehu lakhimu nono muthakeu kumoe, kughengu hiye acheku lakhi lono shike kumoe.