John 17:6 - BAIBEL (BSI)

⁶ “Ayeghilomi gholono nono khunoqo ikhiphe pesu itsu keno tipanoqomi lau ino oje pephe piyevae. Panonguye owu ake, eno nono panongu itsuke, eno panonguye otsa peluvae.

Sümi Tiqhelimi Bible

⁶ “Ayeghilomi khunoqo ikhiphe pesü I tsü keno tipaqo lau I no O je pephe-piyevae. Panongu ye ow ke; no no panongu pe I tsü eno panongu no O tsa ghokulu shike.

Sumi Naga CL (Re-edited) Bible (BSI)

⁶ “Ayeghiqha lono Nono khunoqo ikhiphepe I tsü keno tipaqo lau I no O je pephe piyevae. Panongu ye Ow, Nono panongu pesü I tsü, eno panongu ye O tsa peluvae.

John 17:6 ပူးပေါင်းရင်းမြစ်များ

LESHELE 119:11

Ohekibide xine shimonike ino otsa imlolo kusuluvae.

LESHELE 22:22

Ithikuzumiqo gholo ino oje piphetsuni, panoqo hoholo ino osheqheni.

IPEKULU 9:16

Ikemu ikuka opiyenike ino opelo xuaghi anipeke tishianguno ijekipiye ayeghiqha kuchopulo vekuphawo peniyeke.

AHOLE 2:10

Noye alotsu kithelu nani eno okighithino alokiqipu tsu nani.

AHOLE 23:23

Kuchou, alokutsu, akighithi eno akukumsu kivi, hipaqoye ame tsukuzuke oghenguno tipaqoye ame kushoke jekevilo.

John 1:18

Khunomu Alhou ithumla aphi. Ikemu Anu khuu Alhou sasu aphiphi keno pa vechewo Alhou ye kiu toi keno ningu lau pephe piyetsu.

John 12:28

O Apuh, oje kipipu shilulo!” Tileno kungugha lono asutsa lakhi ishi ighi. “Niye ajekipipu shivae eno itaghi ajekipipu shi nani.”

John 15:19

Nonguno ayeghiqha laumi keaye, ayeghiqhano pano laumi kimiyeni cheke. Ikemu ayeghiqha launo ino nongu kishelu eno nonguye tipau laumi kumoe, tighenguno ayeghiqhano nongu mithi cheni.

John 15:3

Ino nongu vilo pivekeu tsaqo vechewo nonguye mitheluvae.

John 15:7

Nonguno igholo kimepe aye eno itsano nongu lolo aye, nonguno kiu pulo keno khulo, tipau nongu ghenguno shitsu nani.

John 17:12

Ino panoqo gholo akeloye oje kuka pesu panoqo khepe qhicheke. Ino panoqo susho cheke eno kuchoyesu kupunike ghenguno ti puhave nikeushi akeu timi lakhi thono panoqo gholo lakhimu puhatsumoe.

John 17:14

Ino otsa panoqo tsuke eno ayeghi laumino panoqo mithi, kughengu ino ayeghi laumi kumo kehu toi panonguye ayeghi laumi kumoe.

John 17:16

Ino ayeghi laumi kumo kehu toi panonguye ayeghi laumi kumoe.

John 17:2

Kughengu nono khunoqo pesu pa tsukeno tipanoqo lau lhokta kuxu tsupeni kehu lhoxu kumtsu shou nono akuka pa tsuvae.

John 17:24

Apuo! niye nono khunoqomi itsuve akeno tipaqo pelo niye khile ani keno igholo apenikeu ipulou ani, eno ayeghiqha lhophemphi lono nono ikimiye puzu akimthe jekipi itsukeu panongu pelo ikimthe jekipi ithulupeni shi ani.

John 17:26

Ino panoqo pelo oje ithiveape eno ino ti ithiape nani, tishianguno nono kishi ikimiye keno tipau kikimiye panoqo lolo apeni, eno niye panoqo lolo apenike.”

John 17:7

Nono thwokha itsukeu olauno ighikepi itehiye panonguno ithi ani.

John 18:9

Jisu no hipau pikeuye pano ishi piqhipuakeu shikupuni kehuke: “Apuo, nono itsuvekemiqo lakhimu puhatsumoe.”

John 6:37

IPuh no itsukemiqo kumtsu ilau ighi nani, eno ilau ighikemiye khilemu hapheve moe,

John 6:39

Ipuwu puakeu ghopulouye hike: pano khunoqomi itsuveakeno niye tipaqo lakhimu puhavepemo niyeke, eno ashekha tsalalo niye tipaqo kumtsu akuxupu shi xuputhu peniyeke.

John 8:51

Kuchouno ino nongu vilo pini, timi khunono itsa peluni keno paye khilemu thimo nani.”

John 8:52

Judami qono pa vilo pi, “Itehino ninguno mtsuqheyi ithiveake noye tughami ololo aniputsae. Abraham ye thivae, eno tungkupumi qoye thivae, ikeghi nono pikeuno, ‘Timi khunono itsa peluni keno paye khilemu thimo nani’ ipike.

Apostolmi 13:48

Kughou Judakumomino hi chilukeno, panonguye alokivi shive eno Ampeu tsa sheqhe; eno khijehino lhokta kuxupulo kishesuve akeno tipaqoye puluve.

Rommi 11:2

Alhou ye inahuuno pano kisheluvekemi peve mphie. Kuchoyesulo Elija no Israilmi shou Alhou vilo qhuinijukeu kiu pipuani keno nonguno ithi ani:

2 Kor. 4:6

Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.

Kolosiami 3:16

Khristo tsa pelo nongu lolo kinikulushi achepelo. Alokutsu kighithi kumtsu pesu lakhino lakhi kutsupiyekile eno aloshiputsukilelo. Nongu mlolo Alhou shikimthi keu xapusu leshele, akishele eno aghungulo le phelo.

2 Tim. 1:13

Nono ilauno chilupua keu kuchou tsa ghola hu papechelo, eno Khristo Jisu gholo akupulu eno kikimiye akeulo xuachelo.

IBRIMI 2:12

Pano ishipiketoi, “O Alhou, Ino ithikuzumi vilo oje piphetsuni, Ino aqo-aho zulono osheqheni.”

IBRIMI 3:6

Khristo ye anu kehu Alhou kilo pukhubekulu shike. Ninguno ithamono mutotoi akeu tsuqupe eno ningu wu lajupulo amlo kuloghishi aye, ninguye Alhou kike.

1 Peter 1:1

Jisu Khristo wu apostol Pitor no Pontu, Galatia, Kapadokia, Asia eno Bithiniya lo Apanagha hapiyepighi pesu akemiqo lau yelu ani.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.

Piyeküsü 2:13

Nono khile acheni keno Satan kuka lakhu ghi tile anipi ino ithi ani. Noye ije mutotoi tsuqupe cheni eno kughou nongu gholono ishepekishiu, ino pukhukulu Antipa ghiqhiveke tsala ghulokilo ghi, Satan no achekeulo, noye ishou akupulu achekeu phevemoe.

Piyeküsü 3:10

Kutuu khelulo pi ino ahzatsukeu nono peluke ghenguno nighi shilukusa tuqhudo lono ayeghiqha shou akemi pejuniye akeu launo oxapheluve nani.

Piyeküsü 3:8

Ino okumlaqo ithiani; julo ino ozulo ahukikha lakhi khaqhi puatsu ani, tipauye timi khunomu khavemla nani; ino ithi anike noye akuka kitila likhi ani ikeghi noye itsape hu pelu acheni eno ije pevechemoe.