John 17:26 - BAIBEL (BSI)

²⁶ Ino panoqo pelo oje ithiveape eno ino ti ithiape nani, tishianguno nono kishi ikimiye keno tipau kikimiye panoqo lolo apeni, eno niye panoqo lolo apenike.”

Sümi Tiqhelimi Bible

²⁶ I no panongu pelo O je ithivepe ae, eno tamo no no ithi ape nani tishianguno nono kikimiye I ghenguno akeu toi panongu lolo apenike, eno ni ampi no panongu lolo ape niye ke.”

Sumi Naga CL (Re-edited) Bible (BSI)

²⁶ I no panoqo pelo O je ithive ape eno I no tishi anani, tishianguno Nono I kimiye keu kikimiye no panoqo lolo apeni, eno ni ghi panoqo lolo anani.”

John 17:26 ပူးပေါင်းရင်းမြစ်များ

LESHELE 22:22

Ithikuzumiqo gholo ino oje piphetsuni, panoqo hoholo ino osheqheni.

John 14:20

Tipa tsalanino, niye iPuh lolo akeu eno nonguno ilolo akeu eno niye nongu lolo akeu nonguno ithi nani.

John 14:23

Jisu no pa khochile, “Khunono ikimiye keno ino kutsu keu gholu cheni eno iPuno pa kimiye nani eno iPuh ngo ni ngo ishi pa lau ighi puzu pa sasu nani.

John 15:15

Hinguno hilauye niye nongu pesu aqemi ipimae kughengu aqemi lakhiye pa mipeuno kiu shicheni kela mthae. Ikemu niye nongu vilo shompami kepi kuni kughengu iPuh lau ino chilukeu tsa kumtsu nongu vilo pivae.

John 15:4

Igholo kimepe achelo eno ino nongu gholo kimepe anani. Aloka lakhino atsayibolo kimepe moke thaqhu loye pa likhi pa kutoshiye axathi pithimla ketoi nonguye igholo kimepe moke thaqhu loye athi pithimlae.

John 15:9

Apuh no ikimiye ketoi niye nongu kimiye cheni, ike iwu kikimiyelo kimepe achelo.

John 17:23

ino panongu lolo akeu eno nono ilolo akeuno kupukulu shike kutolo panonguye lakhi shi apenike, tishianguno nono ipuwu kepi ayeghiqha pelo ithi peni eno nono ikimiye kehutoi panoqo kimiye akeu ithipenike.

John 17:6

“Ayeghilomi gholono nono khunoqo ikhiphe pesu itsu keno tipanoqomi lau ino oje pephe piyevae. Panonguye owu ake, eno nono panongu itsuke, eno panonguye otsa peluvae.

John 17:8

Kughengu nono atsa khipaqo itsu keno ino panoqo tsuvae, eno panonguye tipaqo ikhiluvae; kuchouno niye olauno ighi kepi panonguno ithi ani eno nono ipuwu kepi panonguno pululuvae.

John 6:56

Timi khunono ishi aji chuni eno shoni keno igholo xukuqha ani eno niye pa gholo xukuqha ani.

John 8:50

Niye ilikhi ijekipipu phuchemoe. Tipau phuchekemi lakhi ani eno pano kughathani keuke.

Rommi 8:10

Ikemu Khristo no nongu lolo ani aye, axine ghenguno nongu phimpiye thi aghiepinamu Aghungu ye nongu ghenguno akuxupu, kughengu nonguye Alhou lau achipikape qhivae.

1 Kor. 1:30

Alhou no nongu pelo Jisu Khristo sasu kimelupe, eno Alhou no Khristo pesu ningu wu suqekighithi shitsue; pa vechewo Alhou sasu achipi shiaghilupe, eno Alhou timiqo shilupe, eno ningu xaphetsuke.

1 Kor. 12:12

Kughengu aphimpiye lakhi puzu aphiau kutomoke, eno aphiau jeli kutomo shianamu aphimpiye lakhike, ike Khristo gholoye tihutoike.

Galatiami 2:20

ikehu niye ighoshi xu movae ikemu Khristo no ilolo ani. Eno aphi ashilo itehi ino xuakeu kuxuye Alhou Nuno ikimiye puzu ighenguno pa kuxu tsuvekehu tipau shou puluvekeu lono ino xuani.

Ephesiami 1:6

hiye pawu kupukini kimthe jukuvupu khikhi pano Kimiyekicheu gholono kumsano ningu tsukeu sheqhepe niyeke.

Ephesiami 3:17

akupulu vechewo Khristo pelo nongu mlolo pa kungoa shilupeni. Nonguye kimiyekinino nongu boqha shilu eno kimiyekini kuhu qusulu penike,

Ephesiami 5:30

kughengu ninguye Khristo phi a-uqoke.

Ephesiami 5:32

Tuqhou tsa hipauye kuchou kije lakhike eno hile Khristo ngo akukuhou kuma ghenguno kepi ino ithitoi ani.

Kolosiami 1:27

Kughengu Alhou kukughuye hike: pawu tuqhou pesu timiqo pithiniyeke, ike tiye Judakumomi kumtsu ghenguno kinikulupu eno akimthe jukuvupu shi tuqhou pano puakeu huke. Tuqhouye hike: Khristo ye nongu lolo ani, eno tipau kiqiye Alhou kimthe jukuvu kusaje nikeu lajupu anie.

Kolosiami 2:10

eno pa gholo xukimepe akeu lono xukuchopu lukepu nongu tsuvae. Paye akuka eno ayehkipe kumtsu shou akughushuuke.

Kolosiami 3:11

Hipau kuxuloye Grikmi, Judami, aphighu yiko ghakeu, ghamokeu, ayekumthami, akupusho akuxulo achekemi, aquaxemi momu timi qechemokemi ipi kututa shiakepu kuhae, ikemu Khristo ye thwokhalo ke eno kumtsu gholo anie.

2 Thes. 2:16

NiMpeu Jisu Khristo ampino, eno niPuh Alhou, khuuno ningu kimiye acheni eno kupukini vechewo lhokta lokughunopu ngo lajupu kivi pesu ningu tsukeno,

IBRIMI 2:12

Pano ishipiketoi, “O Alhou, Ino ithikuzumi vilo oje piphetsuni, Ino aqo-aho zulono osheqheni.”

1 John 3:24

Khunono Alhou zahkutsu pelu nikeno panonguye pa sasu xukimepe acheni. Alhou no pa Ghungu ningu tsukeu lono paye ni sasu xukimepe anikepi ninguno ithi ani.