John 17:23 - BAIBEL (BSI)

²³ ino panongu lolo akeu eno nono ilolo akeuno kupukulu shike kutolo panonguye lakhi shi apenike, tishianguno nono ipuwu kepi ayeghiqha pelo ithi peni eno nono ikimiye kehutoi panoqo kimiye akeu ithipenike.

Sümi Tiqhelimi Bible

²³ I no panongu lolo ani eno nono I lolo ani—tishi keu vechewo panoqo pelo qhoi küqhakulu shilu peniye ke. Tishianguno ayeghilomi ye nono I puwu eno nono I kimiye ketoi panongu kimiye kepi ithi nani.

Sumi Naga CL (Re-edited) Bible (BSI)

²³ I no panongu lolo, eno Nono I lolo, tishikeu lono panongu ye kupukülai kubocholu peni, tishianguno ayeghiqha pelo Nono I puwu eno Nono I kimiye ketoi panoqo kimiye cheni kepi ithi penie.

John 17:23 ပူးပေါင်းရင်းမြစ်များ

John 10:38

ikemu ino tipaqo shiaghi aye nonguno ishou pulubemo namu nonguye ikumla likhimu pulu kepue, tishianguno Apu ye igholo ani eno niye Apu gholo ani kepi nonguno mutsumishei ithi apenike.”

John 13:35

Nongu lakhino lakhi kimiyekile aye, tileno nonguye ino kutsuluvekeqo kena ipi timi kumtsuno ithi nani.”

John 14:10

Niye Apu lolo ani eno Apuh ye ilolo ani kepi noye pulu chemo kesha? Ino nongu vilo kiu picheni keno tiye igho-apulou lono kumo ikemu Apu ilolo achekeu huno pa kumla shichenie.

John 14:23

Jisu no pa khochile, “Khunono ikimiye keno ino kutsu keu gholu cheni eno iPuno pa kimiye nani eno iPuh ngo ni ngo ishi pa lau ighi puzu pa sasu nani.

John 15:9

Apuh no ikimiye ketoi niye nongu kimiye cheni, ike iwu kikimiyelo kimepe achelo.

John 16:27

kughengu apuh ampino nongu kimiye cheni. Nonguno ikimiye eno niye Alhou launo ighikepi nonguno pululuke ghenguno pano nongu kimiye cheni.

John 17:11

Itehi niye ayeghilo ngomoake, eno niye olau cheake, ikemu panonguye ayeghiqhalo ani. Apu Akimtheu, oje kuka ti nono itsukeuje pesu panoqo khe tsulo, tishianguno nikujono lakhi shiake toi panongu ghi lakhi shi penike.

John 17:21

tishianguno panongu kumtsu lakhi shipenike. Apuo, nono ilolo aketoi eno ino ololo aketoi panongu ghi nigholo apeni, tishianguno nono ipuwukeu ayeghiqhano pulu penike.

John 17:24

Apuo! niye nono khunoqomi itsuve akeno tipaqo pelo niye khile ani keno igholo apenikeu ipulou ani, eno ayeghiqha lhophemphi lono nono ikimiye puzu akimthe jekipi itsukeu panongu pelo ikimthe jekipi ithulupeni shi ani.

John 17:26

Ino panoqo pelo oje ithiveape eno ino ti ithiape nani, tishianguno nono kishi ikimiye keno tipau kikimiye panoqo lolo apeni, eno niye panoqo lolo apenike.”

John 17:3

Lhokta kuxuye hike; olikhino kuchou Lhou kepi panonguno ithikeu eno nono puwukeu Jisu Khristo ithikeu ke.

John 17:8

Kughengu nono atsa khipaqo itsu keno ino panoqo tsuvae, eno panonguye tipaqo ikhiluvae; kuchouno niye olauno ighi kepi panonguno ithi ani eno nono ipuwu kepi panonguno pululuvae.

John 3:17

Alhou ye ayeghilo akemi shou kughatha keu betsu nike ghenguno pa Nu puwuke kumoe, ikemu pa vechewo ayeghilo akemi xaluniye ke.

John 6:56

Timi khunono ishi aji chuni eno shoni keno igholo xukuqha ani eno niye pa gholo xukuqha ani.

1 Kor. 1:30

Alhou no nongu pelo Jisu Khristo sasu kimelupe, eno Alhou no Khristo pesu ningu wu suqekighithi shitsue; pa vechewo Alhou sasu achipi shiaghilupe, eno Alhou timiqo shilupe, eno ningu xaphetsuke.

2 Kor. 5:21

Khristo ye axine kuhae, ikemu Alhou no pa pesu axine kughulhovetsu, tishianguno pa gholo kuqhape akeu lono ninguye Alhou mikucho kusajelupeniye ke.

Galatiami 3:28

Ikehu Judami ngo Judakumomi dolo mu aquaxemi ngo kuqhopheve kemi dolo kiptimi ngo totimi dolo pinamu kutuqukeu kuhae, Khristo gholo kimepe akeu lono nongu kumtsu lakhie.

FILIPIAMI 3:15

Ningu khunoqono akupululo tekhoyivea keno tikithipu kumsukepuke; eno nongu gholo khamino kiuwala kutau kukumsu aghiaye tighi Alhou no nongu lau piye nanike.

Kolosiami 1:28

Ikehu ninguno Khristo pesu asheshu cheni, alokutsu kighithi jeli pesu kumtsu kutughu acheni eno kumtsu shika acheni, tishianguno milakhikhino Khristo gholo akeulo tekhoyivekemi shipesu Alhou zulo qhitsuniyeke.

Kolosiami 2:2

Tishianguno panongu mlo kuloghi shilupe, kimiyekinilo ghokumqolu eno ithikutolu keu lono sughiche keu kinikulu kumtsu alupeniyeke. Tishikeu lono panonguno Alhou wu tuqhou ti Khristo ithilu nani.

Kolosiami 3:14

Hipaqo kumtsu nguno alauno kikimiye pepulo, kughengu kikimiyeno thwokha, kupukulupushi tsugha kuqhatsu cheni.

1 Peter 5:10

Ado ikhonhei nonguno aghime shive kethiu, Khristo gholo nonguno xukimepe akeu lono lhokta kimthe jukuvulo nongu kuluvekeu Lhou, kukumgha kumtsu akeu Lhou huno pa ampino nongu shikumto, shiqhetsu eno nongu boqha shitsu nani.

1 John 1:3

Khipau nino ithulu eno chiluve keu ghili nongu lau pikulha ani, tishianguno nongu pelo nigholo kuposhulu peniyeke. Ninguno Apu ngo paNu Jisu Khristo ishi sasu kuposhulu acheni.

1 John 3:1

Apuno kishi shishe ningu kimiyeve akeno julo. Pa kikimiye ighono kije ke ninguye Alhou nuliqo kepi kuluvae, eno kuchouno ninguye tike. Highenguno ayeghilomino ningu mtha eno Alhou mtha ishike.

1 John 4:19

Ninguno kimiye cheni, kughengu Alhou paghino ningu kimiyeke.

Piyeküsü 3:9

Julo, ti khunoqono panonguye Judami kepi cheni kemu panonguye ti kumo puzu kimkimiqo keno, panonguye Satan laumi qoke, ino panongu pelo ighi puzu opukhu phivilo itsaiqipe nani, eno ino okimiyeche keu panonguno ithi nani.