John 16:32 - BAIBEL (BSI)

³² Nongu kumtsu pututa shelo pututa kilo apanagha halesuveno ilikhi qhivenikeu tuqhudo hu cheni eno hi cheae. Ikemu niye ilikhi ani chemoe kughengu Apuh no igholo ani.

Sümi Tiqhelimi Bible

³² “Ado lakhi chenie eno kuchou lo ye tihu ighivae, tipa ghuloki lo nongu ye pütüta ki lo apanaghave nani. Nongu ye I likhi qhive nani. Ikemu ni ye I likhi ani chemoe, kughengu I pù ye I gholo ani.

Sumi Naga CL (Re-edited) Bible (BSI)

³² Julo, atüqhüdo cheni, eno mtsüqheino ighivae, nongu kümtsü pütüta kilo apanaghave nani, eno I likhi qhive nani. Ikeghi ni ye I likhive monani, kughengu Apu no I gholo ani.

John 16:32 ပူးပေါင်းရင်းမြစ်များ

ZEKHARIA 13:7

Aqokitikhi MPEU no pi, “Idathughilo, azutakihi ipunukhoi mlachekeu bherikheu ghiqhilo! Pa ghiqhilo eno bheriqoye hapiye pighive nani. Ino iwu timiqo leni cheni,

MATTHEW 26:31

Tilehi Jisu no panoqo vilo ishipi, “Itiji nongu kumtsu pokhave nani eno ilikhi qhiveni cheni, kughengu kuchoyesulo ishi yepuani, ‘Ino bherikheu heqhipithive nani, tileno bheri lojiye apanagha kohave nani.’

MATTHEW 26:56

Ikemu tungkupumino kuchoyesulo yepuakeu shikupu nike ghenguno hipaqo kumtsu shi ani.” Tileno akhopemi kumtsuno pa qhiveno pove.

Mark 14:27

Jisu no panoqo vilo pi, “Nongu kumtsu ipheve nani eno ilikhi qhive nani; kughengu kuchoyesulo ishi pipuani, ‘Ino bherikheu ghaqhi nani, eno bheriqoye apanagha kohave nani.’

Mark 14:50

Akhopemi kumtsuno pa qhiveno pokhave.

John 12:23

Jisu no panoqo vilo pi, “Itehiye Timi Nu jekipipu shinikeu tuqhudo ighivae.

John 16:2

Panonguno Sinagog lono nongu hapheve nani. Aghuloki hu cheni kughou timi khunono nongu pithiluni keno paye ti shilukeuno Alhou huthulu ani kepi kumsu nani.

John 16:25

“Kimighipiyekeu lono niye thime hipaqo pesu nongu vilo pivae, ikemu niye kimighipiyekeu lono nongu putsamo puzu mututuyi keu tsa lono Apu ghili nongu vilo pikepu tuqhudo cheni.

John 16:31

Jisu no panoqo khochile, “Nonguye itehino pululu ani kya?

John 19:27

Tishieno pano akhopeu vilo pi, “Hino ozake!” Ike tipamtsano akhopeu huno liye pano kilo auve peniye sawuve.

John 20:10

Tithiu akhopemiye akilo idewokhave.

John 4:21

Jisu no li vilo pi, “O totimi, ipululo, naghuto hipaulo na Jerusalem lonamu Apuh mllamo kepu ghuloki ighi nani.

John 4:23

Ikemu kucho kuchoshi mlla kemino Alhou Ghungu eno kuchou lono Apu mlla nikepu ghuloki wochea eno tiye itehike. Kughengu Apuye hitoi kemiqono pa mlla penike phu cheni.

John 5:25

Kuchouno ino nongu vilo pini, aghuloki hu cheni, kithimino Alhou Nu sutsa chilu nikeu ghuloki hu cheni, eno aghuloki hu ighiva, eno pa sutsa chilukemi qoye xulu nani.

John 5:28

Hipau pikeulo akichiqhi kevilo; kughengu akumokilo kithimi kumtsuno pa sutsa chilu nikeu ghuloki cheni,

John 8:16

Ikemu ino kughakutha shikepu shive aye ino kughakutha shi keuye achipiu shi nani, kughengu tiye ilikhino kughatha chemoe, ikemu ni eno Apu ipuwukeu huno igholo ani.

John 8:29

Khuuno ipuwu keno pano igholo ani, paye ilikhi qhivemoke kughengu ino pulhapuju pa lokiqipu shi cheni.”

Apostolmi 21:6

Tithiu ningu kinikileve, nino ashukakilo ikuve eno panonguno akilo idewove.

Apostolmi 8:1

Tipanino Jerusalem lo akukuho shou shishe akijipusakeu ipeghive. Apostolmi thono kupulumi kutamiqoye kumtsu Judia ngo Samaria bocholo apanagha kohave.