John 16:22 - BAIBEL (BSI)

²² Tihutoi nongu ghi itehiye amloksa shi ani, ikemu niye itaghi nongu sasu kusholuni aphi, tileno nongu mlolo alokivino chhitoilu nani, eno khunomu nongu lokivi ikhisuwuvemla nani.

Sümi Tiqhelimi Bible

²² Ikehu nongu ghí itehi ye nongu mloghuju shikeu do ke, ikemu itaghi I no nongu sasü kusho nani eno nongu no alovishe nani, eno timi khunomu nongu lokiqi ikhisüwuvemo nani.

Sumi Naga CL (Re-edited) Bible (BSI)

²² Tihutoi nongu ghi itehi ye amloksa shiani, ikemu ni ye itaghi nongu kusholuni aphi, nongu no alokivi shinani, eno khunomu nongu lokivi süwuve tsümla nani.

John 16:22 ပူးပေါင်းရင်းမြစ်များ

JOB 34:29

Ashiayeh lakhi shou na timi lakhi shou shiaghi namu, Alhou no tshuyimu shimove aye eno pa gi kusuluve aye khuuno pa pipusa momu pa ithulu kepu kya?

LESHELE 146:2

Ino xuake thaqhulo niye iLhou shipilini. Ikuxu kupujulo niye iLhou shipilini.

LESHELE 33:21

Ninguye pa ghenguno alovi acheni; paje kimthe ninguno pukhu acheni.

ISAIAH 25:9

Tipa tsalalo kumtsuno ishi pinani, “Paye niLhou ke! ninguno pa pukhu khecheke eno pano ningu xapheluke. Paye AMPEU ke! Ninguno pa pukhu khecheke; itehiye pano nixaluke ghenguno ninguno alokiqishi alovini.”

JEREMIYA 31:12

Panonguno Zion Tolo ighi puzu alokivi launo ale phe nani eno ino kumsagho tsukeulo azukuvu shive nani kumsagho tipaqoye athi, atsayiji, oliv teli, bheriqo ngo amshiqo. Panonguye azu akivishi suchekeu ghutu toive nani; panonguno avehupu shikeu kumtsu aluve nanike.

MATTHEW 28:8

Ikehu panonguye musa pulaghi alokivino chhitoive puzu akumoki lono mtazu wuve eno Jisu khopemi vilo pinike panonguno posu wuve.

Luke 10:42

Ikemu thime lakhi avehupu shi ani. Maria no thime akiviu kisheluvae eno tiye li launo ikhisuwuve mla nani.”

Luke 16:25

Ikemu Abraham no pi, ‘Kumsuchilejulo, anu, okuxu kupuju akivi nhemgha ithulu ache eno Lazar ye shilukusa kumtsu ithulu ache ikemu hileye paye alokughuno tsu ani eno nono ime ani.

Luke 19:26

Pano khochile pi, ‘Ino nongu vilo pini, khunono ani keno tipano alau tsu nani; ikemu khunono kuha keno, pano kitila aghikeu ghi pa launo ikhisuwuve nani.

Luke 24:41

Tishimu panonguno alokivi launo eno akumza kelauno pulu mlano auve kehu pano panongu vilo pi, “Hile kiuala chukepu ani ma?”

John 14:1

“Nongu mlo kutakihi kevilo, nonguno Alhou pulu cheni, eno ishou ghi pulu acheni.

John 14:19

Ado kitila apuzu ayeghilomino ijuthumlave nani ikemu nonguno ijuthulu nani; ino xu anike ghenguno nongu ghi xu nani.

John 14:27

Ino alokiqipu nongu gholo qhitsu ani; alokiqipu ino nongu tsuani; ayeghilomino tsuchekeu hutoi nongu tsuanike kumoe. Nongu mlo kutakihi akevilo momu msakevilo.

John 16:16

“Ado kitila apuzu nonguye ni ithumlave nani, itaghi ado kitila thiuno nonguno ni ithulu nani.”

John 16:20

Kuchouno ino nongu vilo pini: Nonguye igha qah nani ikemu ayeghiqhano alokivi shi anani; nonguye amloksa shi nani ikemu nongu mlokusa hu alokivipu shive nani.

John 16:6

Eno ino itehiye nongu vilo hipaqo thime pive kelauye nonguye amlo ghimeno chhitoi auvae.

John 21:7

Jisu no kimiyechekeu akhopeuno Pitor vilo pi, “Hiye Ampeu ke!” Kughou Simon Pitor no “Hiye Ampeu ke!” ipikeu chilu keno pano pa ku-uphi uluve, kughengu paye tipau xaveno ake, eno azulo ika ilove.

John 4:14

ikemu khunono ino tsukeu zu shoni keno paye khilemu tughuthi kithemo nani. Ino azu pa tsukeu huno pa lolo lhokta kuxu zupuki lakhi shi qoipeghi ache nani.”

Apostolmi 13:52

Antiok lo pululuvekemiqoye alokivi eno Aghungu Kimthe lono ahuteqhi teleyi ae.

Apostolmi 16:25

Ikemu zubumtalo Paul ngo Sila pamaye Alhou lau akighini shi, ale phe eno akughumi kutamino pama tsa ini ae.

Apostolmi 2:46

Tsalakipetsu achinekilo kumtsa wu, panongu kilo kumtsa kuchukusho shi, alokiqi eno alophaphaleyi keu lono pano chuqupu chu.

Apostolmi 5:41

Apostolmino Judami Hoho lono alokivishi cheve, kughengu Jisu je ghenguno shikukujo pekepushi Alhou no panonguye akuzuepi kishelupe kehu.

2 Kor. 6:10

amlo ghimepu shitsu anamu ninguye pulhapuju alovi acheni; kumlhomi toi anamu timi kutomo pelo kinimi shilupe acheni; kuha ketoi anamu ninguye thwokha aghi cheni.

2 Thes. 2:16

NiMpeu Jisu Khristo ampino, eno niPuh Alhou, khuuno ningu kimiye acheni eno kupukini vechewo lhokta lokughunopu ngo lajupu kivi pesu ningu tsukeno,

IBRIMI 10:34

Nonguno akughumi sasu imekuqhae eno kughono nongu wu tinhemgha kumtsu sukisheluvetsu keno nongu mlo hauvemono kutuuluveke, kughengu nonguye kuakini akiviu khikhino alhokupuju ache nani keno tipau achephikepi nonguno ithi akehue.

IBRIMI 6:18

Tishiaye thime hikumaye kilivemlake eno hipaulo Alhou ye khilemu akimiki shiaghivemla nanike. Ikehu ningu khunoqono susholu peniye poluve akeno ninguye nizulo lajupu qhitsu keu mutotoi tsuqulu peniye shishe shikumtovae.

1 Peter 1:8

Nonguye pa ithulumo kemu nonguno pa kimiye cheni; nonguye itehi pa ithumla pinamu nonguno pa pulu cheni; ikehu nonguno akiqheu eno atsano piphekumla lokivi lono alokiqishi ani,