John 16:20 - BAIBEL (BSI)

²⁰ Kuchouno ino nongu vilo pini: Nonguye igha qah nani ikemu ayeghiqhano alokivi shi anani; nonguye amloksa shi nani ikemu nongu mlokusa hu alokivipu shive nani.

Sümi Tiqhelimi Bible

²⁰ Kuchou no I no nongu vilo pìní, ayeghiqha no alovishe akelo nongu ye qanimlo nani. Nongu ye amlokighishi shi nani, ikemu nongu mlokighishi ye alokiqipu shive nani.

Sumi Naga CL (Re-edited) Bible (BSI)

²⁰ Kuchou no I no nongu vilo piani, ayeghiqha no alovi akelo nongu ye mloqa nani. Nongu ye amloksa no chhitoi nani, ikemu nongu mloküsa ye alokivipu shive nani.

John 16:20 ပူးပေါင်းရင်းမြစ်များ

JOB 20:5

kusakughami wu tokulu ye ado ikhonheyi, eno pulotshumi lokiviye asuchedo kitila ghengu likhike kumo kesha?

LESHELE 30:11

Nono imloksa pesu alokivishi ilhekeu shivetsue; nono imlo ghime xaqhivetsu puzu alokivi pesu ipu-uke.

LESHELE 30:5

Pa mlo kighideye ikhonhei ke do ghengunoke, eno pano alokeuye akuxu kupuju ghengunoke. Putholo anhezu piji aghiluvi, ikemu inaqheye alovi ighi cheni,

LESHELE 97:11

Akuvuno amikuchomi shou yepuku ke, eno akivimi shou alovipukuke.

ISAIAH 12:1

Timiqono ishi shipilini keu tsala lakhi ighi nani, “ino osheqhe ani O AMPEU! noye ilau aloghu ide ake ikemu itehiye nono ilokughunotsu eno ologhuye ilauno chevae.

ISAIAH 61:3

Zion lo muloqa akemi vilo amlo ghime thelilo alokivi eno aloino keu tsupeniyeke, amloksa thelilo sheqhekeu le tsupeniye ke. Panonguye AMPEU ampino shosu keu subo toive nani. Panongu kumtsu kiuno achipi keno tipau shi nani, eno Alhou no kiu shitsukeno tipaqo ghenguno pa sheqhe nani.

ISAIAH 66:5

AMPEU no kiu piani keno tipau inilo, nongu pa sumsa eno pa gholu chekemiqo: “Nonguno ilau amikucho shi xuachenike ghenguno nowu timi khamiye nongu mithi cheni eno pano gholo nongu sasumove cheni. Panonguno nongu thaighaghi pi, ‘AMPEU no pa jekipi piyepelo eno oxaluju pelo tishianguno nonguno alokivishi aghikeu nino junike!’ Ikemu panoqouno kujomzave nanike!

JEREMIYA 31:25

Khunoqo aghuthisu ani keno ino aghuthi puxu tsu nani eno akhuamzu lono miqemileive kemiqo kumtsu ino achuqupu pesu aghapiqitsu nani.

MATTHEW 21:38

Ikemu kughou mishi-chichekemino anu ithulu keno, panongu lakhino lakhi vilo ishipi, ‘Hino amheghi kiyighiuke. Ighilo, ningu pa pithiveno pa mheghi luveni nolo.’

MATTHEW 5:4

‘Mlo qa chekemi kumghae, kughengu Alhou no panoqo lokughuno tsu nanie!

Mark 14:72

Tipa mtsa awuduno ghuthu akiniu igha. Pitor vilo kishi Jisu no pipuakeno kumsuchilelu. “Awuduno ghuthu kini ighamphilo noye ghuthu kuthu kutolo imthae pi nani.” Pano kunotshutshushi qa.

Mark 16:10

Lino wu puzu likusamiqo vilo hipau pi. Panonguye mlo-qa eno ighaqa ae.

Luke 22:45

Pa kighini lono ithughino akhopemiqo lau ideighi, ikemu panongu mulo ghime kije akehu panonguye zu aghive.

Luke 22:62

Pitor no khalau ipeve eno shisheno qah auve.

Luke 23:27

Timi aqokitikhino Jisu papeche eno tipaqo gholo totimi khamino pa ghenguno qah che.

Luke 24:17

Jisu no pama vilo iniju, “Nokujoye alalo chechekelo kiu tsa kutsalakile chenikya?” Pamaye agi khummuyi inaqhoi puthughove.

Luke 24:21

Ikemu nino laju achekeuye pano Israilmi xachileluni chekeu shiake! Tinguno alauno ti shivekeu ishi kuthu shi ani,

Luke 6:21

‘Nongu itehi muzuthi akeqo kumghae; nongu ghapiqi tsulu nani: Nongu itehi qa akeqo kumghae; nonguno nulu nani.

John 16:33

Ino nongu vilo hipau pikeuye isasu kimepe akeu lono nongu pelo alokiqi apeniyeke. Ayeghilomino nongu shikimghi nani, ikemu amlo mutotoi shilo! niye ayeghiqha theqhiluvae!”

John 16:6

Eno ino itehiye nongu vilo hipaqo thime pive kelauye nonguye amlo ghimeno chhitoi auvae.

John 20:20

Pano hipatsa pive puzu pa-u ngo pa jibo ishi panoqo piye. Ampeu ithulu kelo akhopemiqoye shishe alokivishive.

Apostolmi 5:41

Apostolmino Judami Hoho lono alokivishi cheve, kughengu Jisu je ghenguno shikukujo pekepushi Alhou no panonguye akuzuepi kishelupe kehu.

Rommi 5:11

Tishike likhi kumono, Ampeu Jisu Khristo vechewo Alhou sasu kulashiluve akehu pa vechewo Alhou gholo alokivishi acheni.

2 Kor. 6:10

amlo ghimepu shitsu anamu ninguye pulhapuju alovi acheni; kumlhomi toi anamu timi kutomo pelo kinimi shilupe acheni; kuha ketoi anamu ninguye thwokha aghi cheni.

Galatiami 5:22

Ikemu Aghungu xathiye Alhou launo ighikeu kikimiye, alokiqi, alokivi, kheakulu, alokeu, akivi, pichebekulu,

1 Thes. 1:6

Ampeu no xupiyekeu eno nino xupiyekeu toi nonguno xuke; eno nonguye akijiksa shishe sholukemu Aghungu Kimthe launo ighikeu tsape alokivishi ikhiluke.

James 1:2

Ithikuzumiqo, kughou nonguno akijikusa jeli sholuni keno tikumtsulo nonguye mughashe ani kepi kumsululo,

Jude 1:24

Itehiye, nongu pelo veqhipemono jukutochekeu lau eno pa kimthe jukuvupu kungo-alo alokivishi eno tukutiye shimono nongu saghilu nikeu lau,

Piyeküsü 11:10

Ayeghilo akemino timi hipama thivekeu ghenguno alokivishi nani. Panonguno alovi ilhe eno agho chhekile nani, kughengu tungkupumi hupamano ayeghilo akemi shou pitipuzaqhi keu sughicheke.

Piyeküsü 18:7

Lino ajekipi eno nibonileyi pepimheke hutoi Aghime eno amlo kusapu tijehi li tsulo. Kughengu lino li likhi li vilo ishi piche; ‘Akukaliu lakhi shighi ino hile iqa ani! Niye chimemi lakhi kumoe, Niye khilemu amlo kusa shimo nani!’