John 15:16 - BAIBEL (BSI)

¹⁶ Nonguno ikisheluke kumoe, ikemu ino nongu kishelu eno nongu hekutsulu eno wupuzu tamono axathi kutomo pithipeni yeke. Tishianguno nonguno ije lono Apuh vilo kiu kiumu khu aye pano nongu tsu nani.

Sümi Tiqhelimi Bible

¹⁶ Nongu no I kishelu ke kumoe, ikemu I no nongu kishelu eno nongu pelo wu no axathi ado kushuwa pithí chekeu pithipe niye süküsü shilu ke eno tishi keu vechewo nongu no I je lono kiu-kiumu khu aye I pù no nongu tsü nani.

Sumi Naga CL (Re-edited) Bible (BSI)

¹⁶ Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.

John 15:16 ပူးပေါင်းရင်းမြစ်များ

BOTHUBO 18:18

Abraham ye ashiayeh kije eno akumto shi nani eno ayeghilo ashiayeh kumtsuno pa kumghatsuke toi kumghatsulo pi nani.

LESHELE 145:4

Nono kiu mlatsukeno tiqheli lakhi lono lakhiu kutolo sheqhe akepuke; nono akughushu kumla shikeu ghenguno panonguno asheshu nani,

LESHELE 71:18

Tihutoi kitemi eno asa mpave namu pianiaphi, O Alhou, ipheve kevilo! Tiqhelimi kumtsu vilo okuka kumto ghili piakelo igholo chelo.

AHOLE 11:30

Amikuchono akuxupu tsucheni ikemu hekiqhi bukiqhi no tipau ikhisuwuve cheni.

ISAIAH 27:6

Ighinikeu tsalalo, Israil lo akemi, Jakob lagha qoye asubo lakhi toi akuhu qusu nani eno panonguye mini puzu apishe ipeghi nani. Panonguno axathi pithikeuno ayeghi nhakhaluve nani.

MICAH 5:7

Israil lo akemi khunoqo xu aghi luni keno tipaqoye ashiayeh kutomo ghenguno AMPEU no aloponiyi keu tsuzu puwukeu toi nani, panoqoye atsuni thu ipeghi akeulo tsughupuku keu toi nani. Panonguye timi shou kumono Alhou shou pukhube nani.

MATTHEW 21:22

Eno nonguno akighini shikelo kiukiu khuepinamu, nonguno akupulu aghiaye, nonguno ti ithulu nani.”

MATTHEW 7:7

“Khulo, eno ti nongu tsu nani; phujulo eno nonguno phulu nani; kukhulo eno nongu khaqhitsu nani.

Luke 6:13

Atsala ipeghi kethiu pa papekichemiqo kulu eno panongu gholono chighi kini kishelu, pano tipaqo pesu Apostolmi ipi kuvetsu.

John 13:18

Niye nongu kumtsu ghenguno piamoe; ino khunoqo kishelukeno ino ithi anie. Ikemu kuchoyesulo akeu kupuve masa kehu, ‘Igholo kumtsa chukeu timi huno ishou chhophisue.’

John 15:19

Nonguno ayeghiqha laumi keaye, ayeghiqhano pano laumi kimiyeni cheke. Ikemu ayeghiqha launo ino nongu kishelu eno nonguye tipau laumi kumoe, tighenguno ayeghiqhano nongu mithi cheni.

John 15:5

Niye atsayiboke eno nonguye alokaqoke. Khunono igholo ani eno ino khuno gholo ani keno, tipanono axathi shishe pithi cheni, kughengu isumo keloye nonguye kiumu shimlae.

John 6:70

Jisu no panoqo khochile, “Ino no chighikini kishelu kekumo kesha? Ikeghi nongu gholo lakhiye tughamie.”

Apostolmi 1:24

Tile panonguno inikhughi pi, “O Ampeu, nono timi kumtsu mulo ithi ani. Ike hi pama gholo nono khuu kishe pesu

Apostolmi 1:8

ikemu kughou Aghungu Kimthe nongu shou ighi nikeno nonguno akumto ithulu nani, nonguye Jerusalem lo ngo Judia qha kumtsulo. Samaria lo eno ayeghi shekha kutolo ishepemi shimasa nani.”

Apostolmi 10:41

Timi kumtsu lau ipeghipiyeke kumoe ikemu Alhou no kisheluvekeqo, ningu khunoqo thopimi keno tipaqo lau likhi ipeghi piyepeke. Pano akithilo xuchilethughi kethiu ninguno pa sasu kumtsa chu shoe.

Apostolmi 22:14

Ikelo Anania no ishi pi, ‘Nipu asu Lhou no okothaphelu puzu pa pulou ithilupe, Amikuchomi hu ithulupe eno pa ampino putsakeu chilu ishi peke.

Apostolmi 9:15

Tile Ampeu no pa vilo pi, “Wulo, kughengu pa pelo iqe penike eno ije pesu Judakumomi, kukami eno Israilmi lau pewu penike ino pa kishevae.

Rommi 1:13

Athikuzumiqo, nongu pelo hi ithi penishi ani; ghuthu kutomo niye nongu putsa ighiniye kughu acheni, ikemu kiunokela pulhapuju ipelo tishimlano achenipeke. Ino Judakumomi mlo pekide tsuke toi nongu gholo ghi tishilu penishi ani.

Rommi 1:5

Pa vechewo Alhou no ningu pesu apostolmi shitsuke.

Rommi 15:4

Tighenguno puzuu kuchoyesulo khijehi yepuani keno ningu shikapenike yepuani, tishianguno kuchoyesulo kheakulu eno shikumtokile akeu ningu tsukeu vechewo ningu pelo lajupu apeniyeke.

Rommi 9:21

Alikishiuye pa gho pulou shi-ghi aghani peitha cheni eno ayeghi muqo lakhi kughapesu ali kini mlapheno ali lakhino jukivi aghilepushi mlaphe eno lakhiye inapugha peitha kepushi mlaphe ishi cheni.

1 Kor. 10:11

Hipaqo kumtsu panongu shou ikughi keu huye kichekipiyeke, ikemu hipaqo yepe qhipuaghikeuye ningu kutughuakeu ke, kughengu ninguye kishekha wochekeu ghulokilo xuayae.

Galatiami 1:15

Ikemu ipunu mphi lono Alhou no pawu kupukini vechewo ikishephelu eno pa qepenike ikulue.

Ephesiami 2:10

Ninguye Alhou ghenguno mlakuqha chekeqoke, eno Khristo Jisu gholono akumla kivi shipeniye pano ningu lhoqhike, ningu pelo tipaqo shipeniye Alhou no puzuuno kutope qhiveke.

Kolosiami 1:23

ikemu nonguye akupululo aboqha kumto shou mutotoi achemoayesake. Nonguno atsakiviu chilu puzu lajupu tsukeu lono iqevekepu kumoe. Atsakiviu tipau huye ayeghiqha kumtsu asheshuvae, eno ni Paul pelo hipau peithakutsumi lakhi shipeke.

Kolosiami 1:6

Nonguno Alhou wu kupukini hu kuchou kepi chilu eno ithi kuthuluke tsala lono nongu gholo athi pithilu eno thuwulu akehutoi, ayeghiqha kumtsu atsakiviuye athi pithilu eno thuwulu ani.

1 Tim. 2:7

Hipau ghenguno ipelo Judakumomi vilo akupulu ngo kuchou tsape pesu asheshupe nike apostolmi lakhi eno akukutsuu lakhi shi susuno puwuke. Niye kuchou tsa piani kethono miki amoe.

2 Tim. 1:11

Atsakiviu hipau pikulha penike ghenguno apostolmi lakhi eno kutsuchekemi lakhi shighi Alhou no isukusu shie,

2 Tim. 2:2

Thopimi kutomo kua lono ino pikulhache keu tsaqo nono chilupua keu hu ikhilulo, eno tipau pesu nono pulubekulumi, khunoqono kutami kutsupiyelu nani keno tipaqo lau pichebetsulo.

Titus 1:5

Kreta lo ino oqhivekeuye kiu shikithe kepushi anikeno tipaqo kithikiyi shipeniyeke eno taun kumtsulo akukuholo kichimi susupeniyeke. Ino kichepiyeveke toi

IBRIMI 11:4

Akupulu lono Abel ye Kain nguno akiviushi Alhou no ikhikulupu lhoxu heqhipe mllakeu lakhi shilue, eno pa kupulu vechewo paye amikuchomi kepi Alhou no ikhilukepu shilue, kughengu Alhou ampino pa kumllagho ikhilukeu shepe shitsuke. Abel ye thive pinamu pa kupulu vechewo itehi ghi piacheni.

James 3:18

Amikucho ghile hulukeuye alakishimino alashikeu piti xusukeu lono ke.

1 Peter 3:15

Ikemu nongu mlolo Khristo sukumsa qhilo eno paye Ampeu kepi gihulo. Nongu lolo lajupu akeu lhepiyelopi khualano nongu vilo iniju aye tipau khochile kepushi pulhapuju kutokupuyi pesu alo, tishimu akumtsha lono eno Alhou sumsakeu nongu mlolo xapughi tishilo.

1 Peter 3:2

kughengu nongu ghushoghiliye kiutoi mithemitheyi eno Alhou sumsaqhiyi keno panonguno ithuluve nani.

1 John 4:10

Kikimiye ye hipauke: ninguno Alhou kimiyeke kumoe ikemu pa no ningu kimiyeke eno pa Nu puwu puzu ningu xine pevetsu nike ghenguno aghakishiu shivepeke.

1 John 4:19

Ninguno kimiye cheni, kughengu Alhou paghino ningu kimiyeke.