John 14:6 - BAIBEL (BSI)

⁶ Jisu no pa khochile, “Niye alaghi, niye kuchou eno niye akuxupuke, ivechemo keloye timi khunomu Apu lau wumlae.

Sümi Tiqhelimi Bible

⁶ Jisü no khochile, “Ni ye alaghi eno kuchou, eno aküxü ke. I vechemo kelo ye timi khumu Apù lau ighi mülae.

Sumi Naga CL (Re-edited) Bible (BSI)

⁶ Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 14:6 ပူးပေါင်းရင်းမြစ်များ

MATTHEW 11:27

“Ipuh no thwokha kumtsu itsuvae. Apuh likhino kumoaye khuu nomu Anu mthae eno Anu likhino kumoaye khuu nomu Apuh mthae, eno Anu no khunoqo pelo Apuh ithipe nike pephepiye nikeno tipaqono kumoaye khuunomu Apuh mthae.

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

John 1:17

Alhou no Muse vechewo Ayezah tsuke, ikemu kimiye kini eno amikuchouye Jisu Khristo vechewo ighi.

John 1:4

Atsa huye pa lolo akuxupu ae, eno akuxupu hipauno timi lau akuvu sughitsu.

John 10:28

Ino lhokta kuxu panoqo tsucheni eno panonguye khilemu hauvemo nani; eno khunomu i-u lono panoqo suxasuwuvemla nani.

John 10:7

Jisu no itaghi panoqo vilo pi, “Kuchouno ino nongu vilo pini: Niye bheriqo ghenguno ahukikha ke.

John 10:9

Niye ahukikha ke; khunono ivechesu iloni keno xalu nani; paye ipe ilolu nani eno achuqupu phulu nani.

John 14:19

Ado kitila apuzu ayeghilomino ijuthumlave nani ikemu nonguno ijuthulu nani; ino xu anike ghenguno nongu ghi xu nani.

John 15:1

“Niye atsayibo kuchouke eno iPu ye alukichiu ke.

John 18:37

Ikelo Pilat no pa iniju, “Tishiaye noye akukau lakhi kesha?” Jisu no khochile, “Niye akukau lakhi kepi nono pianie. Ipunukeu eno ino ayeghiqhalo ighikeu kimijiye highenguno ke: Kuchou ghili ashepe tsuniyeke. Khunono kuchou laumi keno paye isutsa inicheni.”

John 5:21

Kughengu Apuh no kithimi xaputhupe puxu ketoi Anu ghi pano khunoqo puxu nishi keno tipaqo puxutsu nani.

John 6:33

Kughengu Alhou no tsukeu sho huye kungugha launo iqighikeu eno ayeghilo akuxupu tsukeuke.”

John 6:51

Niye timi puxulukepu sho kungugha lono iqighie. Timi khunono hipa sho chuni keno paye alhokupuju xu nani, eno ino asho tsuniye akeuye ishi ajike, hi ayeghiqha puxunike ino tsu anie.”

John 6:57

Apuh xuakeu huno ipuwuke eno Apu ghenguno nighi xulu ani. Tihutoi khunono ishi iji chu-shoni keno ighenguno paye xulu nani.

John 6:68

Simon Pitor no pa khochile, “Ampeu, ninguye khuu lau wukepu ani kya? Nono lhokta kuxupu tsukepu tsa anie.

John 8:32

nonguno kuchou ithi nani eno kuchouno nongu xaphe nani.”

John 8:51

Kuchouno ino nongu vilo pini, timi khunono itsa peluni keno paye khilemu thimo nani.”

Apostolmi 3:15

eno nonguno akuxupu Mpeu pithiveke. Ikemu Alhou no akithi lono pa xaputhuve eno ninguye tipau thopimike.

Apostolmi 4:12

Xakulupuye palikhi vechewo ithulu nani, kughengu ayeghiqha kumtsulo ni-xakulupu aje hinguno kutau Alhou no timi tsupe puamoe.”

Apostolmi 9:2

Damaska lo Sinagog qo lau kilethi sutsukeu yesu khu, tishianguno tilau Ampeu La papekemiqo kiptimi na totimi namu pano phulukemi thaqhu tshu sasu Jerusalem lo saighi nikeu shi.

Rommi 15:16

Judakumomi kudau Jisu Khristo qeu shipenike Alhou launo ighikeu tsakiviu pikulhakeu lono niye achinemi kumlho shi ani, tishianguno Judakumomi pelo Alhou no ikhikulupu akumllagho lakhi shilupe, eno Alhou lau Aghungu Kimthe no shikimthe pesu tsukeu shilupeniye ke.

Rommi 5:2

Hi kupukini khile ninguno puthugholu ani keno pa vechewo ilolukepu shiveke. Ikehu ninguye Alhou jukuvu kusajenikeu lakuju akeulo ninguye alokivishini nolo.

Rommi 5:21

Ikemu, axineno akithi peitha puzu qhasuke toi, Alhou kupukinino achipikalu keu peitha puzu qhasupe lhokta kuxulo ni Mpeu Jisu Khristo vechewo nisasu wu cheni.

1 Kor. 15:45

Tighenguno kuchoyesulo ishi pipuani: “Timi atughiu Adam ye akuxu kua lhoxu shi lhopheke.” Ikemu ashekhau Adam ye akuxu tsuchekeu ngughapuke.

Ephesiami 2:18

Kughengu Khristo vechewo ningu Judami ngo Judakumomi amuqo kinikujo Aghungu lakhilo Apu lau ighikulupu shitsue.

Kolosiami 2:17

Hipaqoye kiu ighini cheni keno tipau yekukhuke, ikemu ampi kuchouye Khristo ke.

Kolosiami 2:9

Kughengu Khristo philo Alhou lhoayeh kuchopu kupu anike,

Kolosiami 3:4

Nongu kuxu kuchouye Khristo ke, eno kughou pano ipeghini keno tileno nongu ghi pa gholo ipeghi nani eno pa kimthe jukuvupu kusaje nani!

IBRIMI 7:25

Ikehu, khunono pa vechesu Alhou lau ighini keno, paye tipaqo itehi ghi eno pulhapujulo xakulupu shilu anie, kughengu panoqo ghenguno Alhou vilo qhuiniju tsunike paye alhokupuju xu acheni.

IBRIMI 9:8

Hitoi kutopuakeulo Aghungu Kimthe no ningu vilo piyetsukeuye khalau phikibo akethaqhuloye Akimthe nguno Akimthe alo ilolunikeu shimla aphie.

1 Peter 1:21

Pa vechewo nonguno Alhou shou pulubekeu ani, pano akithi lono Khristo xuputhuve eno akimthe jekipi pa tsue, tishianguno nongu kupulu eno lajupuye Alhou shou apeniyeke.

1 Peter 2:4

Timino kideqhivekemu Alhou no amekushopu kepi kishelu keu akuxupu tuqu Ampeu lau ighilo.

1 Peter 3:18

Kughengu Khristo ghi axine ghenguno ghuthu khavilo kumtsu ghenguno thiveke, amikuchouno amikuchokumomi ghenguno thive, tishianguno Alhou lau ningu saghiniyeke, eno aphimpi lono pa pithive ikemu angu-aghapu kuxulo pa xuputhuve;

1 John 1:8

Ninguye axine kuha kepi ninguno pi aye nilikhi ni pishiqhi ani eno nilolo kuchou kuhae.

1 John 2:23

Kughengu khunono Anu miliveni keno Apu ghi milive anike eno khunono Anu ikhiluni keno Apu ghi ikhilu ani.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.

1 John 5:6

Jisu Khristo ye azu ngo ahji lono ighikeuke, azulo likhino kumoe ikemu azu ngo ahji kini kujo lono ke. Hiye Aghungu no kuchou kepi ashepe shiani, kughengu Aghungu ye kuchouke.

2 John 1:9

Timi khuu khumu Khristo kukutsulo checheghimo keuye Alhou pa gholo kuhae. Khunono akukutsu tipaulo checheghini keno paye Apu, Anu kinikujo ani.

Piyeküsü 1:5

eno Jisu Khristo no amikuchoshi ashepe shichekeu, kithimi gholono xuputhu tughiu, ayeghilo kukami shou ayehkipeu launo kupukini eno aloinokeu nongu wu shilupeniu. Khuno ningu kimiye eno pa jih vechewo axine lono ningu xaphelu,

Piyeküsü 19:11

Tileno kungugha khaqhikeu ino ithulu eno tilehi khurshi akimiye lakhi ae. Tipau shou iku puzu chekeu pesu Pukhukulu eno Kuchou ipi kutsue; pano achipiu xakutha pesu kughatha eno aghu shiche.

Piyeküsü 20:15

Kuxumi kakulo khunoqo je yepuku puaghimo keno tipaqoye amiyizulo vesuve.

Piyeküsü 22:1

Kungumi huno akuxupuzu akeu ghoki ghi ipiye, tiye mlapuyi mulla- ide ae, eno Alhou ngo Bheriti kuka lakhu lono qoipeghi puzu

Piyeküsü 22:17

Aghungu eno kulaliuno piani, “Ighilo!” Khunono “Ighilo” ipikeu sutsa chilu keno tipaqo pelo ighi pelo. Khunono tughuthi anikeno ighilo, khunono lunishi ani keno akuxupuzu kumsagho shighi ikhilulo.

Piyeküsü 3:14

“Laodikia kukuhoulo kungumi akeu lau yelu ani: “Atsape hipauye Amen launoke, pukhukuluu eno ashepeu kuchou; Alhou no lhophe puakeqo shou atughiu launoke.

Piyeküsü 3:7

“Filadelfia akukuhoulo kungumi akeu lau yelu ani: “Hiye akimtheu eno amikuchou tsapeke. Paye David khadu peani, pano khaqhi aye khunomu tipau khavemlae, pano khavekeu khunomu khaqhimlae.