John 14:23 - BAIBEL (BSI)

²³ Jisu no pa khochile, “Khunono ikimiye keno ino kutsu keu gholu cheni eno iPuno pa kimiye nani eno iPuh ngo ni ngo ishi pa lau ighi puzu pa sasu nani.

Sümi Tiqhelimi Bible

²³ Jisü no khochile, “I kimiye chekemiqo ye I kükütsü ikhilu nani. I pù no panoqo kimiye nani, eno I pù ikujo no panongu lau ighino panoqo gholo ngo nani.

Sumi Naga CL (Re-edited) Bible (BSI)

²³ Jisü no pa khochile, “Khunono I kimiye keno, pa no I tsa pelu nani eno I Pu no pa kimiye nani, nikujo no pa lau ighi no pa sasü xünani.

John 14:23 ပူးပေါင်းရင်းမြစ်များ

John 14:21

Khunono ino ahza tsukeu ikhiluni eno tipaqo peluni keno timi tipauno ikimiye cheni. Khunono ikimiye chenikeno iPuno pa kimiye nani, eno nighi pa kimiye nani eno ilikhi ino pa pephe piye nani.”

John 14:15

“Nonguno ikimiye cheni aye ino ahza tsukeu pelulo.

1 John 2:24

Nonguno abothu lono kiu tsape chiluve akeno tipau nongu mlolo qhipua chelo. Nonguno tipau tsape qhipua cheaye nonguye Anu ngo Apu gholo xukimepe ache nani.

1 John 4:4

Ikemu itianuliqo, nonguye Alhou laumike eno kichile tungkupmi shou theqhiluvae, kughengu Aghungu khipau nongu lolo anikeno paye ayeghi laumi gholo akeu nguno akijeuke.

2 Kor. 6:16

Alhou chineki ngo asu-atu ajulho pama kiu lono pulokile kepu ani kya? Kughengu ninguye xuakeu Lhou chineki ke, Alhou no ishi piveke toi: “Ino panoqo lolo xuni eno panoqo gholo acheuveni; Ino panoqo Lhou shini eno panonguye iwu timi shiveni.”

LESHELE 91:1

Timi khunono Shishe Akiqheu kicheqholo acheni. khuno Akughushuu sukusholo acheni keno,

John 10:30

Ni eno Apuh ye lakhie.”

ISAIAH 57:15

Niye akiqheu eno akimthe Lhou, alhokupujulo xu chekeuke. Niye akiqheu eno akimthe alo acheni ikemu niye aqhokighemi eno xaideghive kemi gholo ghi xuacheni, tishi anguno ino panoqo kupukhu eno panoqow lajupu sachile saghitsunike.

John 6:56

Timi khunono ishi aji chuni eno shoni keno igholo xukuqha ani eno niye pa gholo xukuqha ani.

John 14:17

Ayeghilomiye pa ikhilumla, kughengu panonguno pa ithuluni chemoe momu pa ithini chemoe; ikemu nonguye pa ithi ani, kughengu paye nongu sasu acheni eno nongu lolo acheni.

BOTHUBO 1:26

Tileno Alhou no pi, “Ningu julho eno ningu kimihi shighi timi mlapheni nolo eno panoqo pelo azughilo akhaqo, ayeghilo aghauqo, tikishi ngo tughashiqo eno itikiche lhoxuqo kumtsu shou qhasulupenie.”

Piyeküsü 21:22

Niye aphughi tipaulo achineki ithumlae, kughengu tipau phughi chinekiye Ampeu, Alhou Akumtou eno Bheritike.

BOTHUBO 11:7

Ighilo, ningu aqhou iqino panongu tsa kubangu vetsuni nolo, tishianguno panongu lakhino lakhi tsapi ithi pemonie.”

Piyeküsü 22:3

Alhou no ghushovekeu jeli kiumu aphughi tipaulo ithumla nani. Alhou kuka lakhu ngo Bheriti kuka lakhuye aphughi alou ake eno pa qemiqono pa mlla nani.

LESHELE 90:1

O AMPEU, noye pulhapujulo nino ngo chekeu ake.

John 8:51

Kuchouno ino nongu vilo pini, timi khunono itsa peluni keno paye khilemu thimo nani.”

John 8:52

Judami qono pa vilo pi, “Itehino ninguno mtsuqheyi ithiveake noye tughami ololo aniputsae. Abraham ye thivae, eno tungkupumi qoye thivae, ikeghi nono pikeuno, ‘Timi khunono itsa peluni keno paye khilemu thimo nani’ ipike.

John 14:24

Khunono ikimiye chemokeno itsa pelu chemoe; eno nonguno khipatsa chilu anikeno tiye itsa kumoe, ikemu iPuh ipuwukeu launo ighikeu tsake.”

John 15:10

Ino iPuhno ahzatsukeu papelu puzu pawu kikimiyelo kimepe acheke toi, ino ahzatsukeu nonguno papelu aye nonguye iwu kikimiyelo kimepe anani.

John 16:27

kughengu apuh ampino nongu kimiye cheni. Nonguno ikimiye eno niye Alhou launo ighikepi nonguno pululuke ghenguno pano nongu kimiye cheni.

Ephesiami 3:17

akupulu vechewo Khristo pelo nongu mlolo pa kungoa shilupeni. Nonguye kimiyekinino nongu boqha shilu eno kimiyekini kuhu qusulu penike,

1 John 2:5

Ikemu khuno pa tsa papeluni keno timi tipau lolo kuchouno Alhou kimiyechekeu shikupulu ani. Ninguye Alhou gholo xukimelu akeu mutsuqheyi shilunikeuye hipauke:

1 John 5:3

Kughengu ninguno Alhou kimiye cheni ipikeu kiqiye pano ahza tsukeu ninguno pelu chenike. Pano ahza tsukeqoye puqhekumlapu kumoe,

2 John 1:6

Ninguno pano ahza tsukeu peluaye tiye kimiyekeuke. Inahu abothu lono nongu kumtsuno chiluveake, ahzakutsu huye hike: nongu kumtsu kimiyekeulo xuchelo.

Piyeküsü 21:3

Akuka lakhu lono asutsa kuloghi lakhi ishi pikeu ino chilu: “Julo, itehiye Alhou no timi gholo acheuvae! Pano panoqo gholo xu nani eno panonguye pawu timi shive nani. Alhou ampino panoqo gholo anani eno paye panongu Lhou shive nani.