John 14:12 - BAIBEL (BSI)

¹² Kuchouno ino nongu vilo pini, khunono ipuluni keno paye ino mlakeu kumla ghi mlalu nani, eno ino Apu lau wuniake ghenguno paye hipaqo kumla nguno akumla kije mlalukha nani.

Sümi Tiqhelimi Bible

¹² Kuchou no I no nongu vilo pìní, khukhumu I shou pülü kemi ye I no shi chekeu kümlàqo shi nani, eno panongu ye hipaqo nguno akijeu kümlà ghí shi nani, kughengu ni ye Apù lau wucheni ke.

Sumi Naga CL (Re-edited) Bible (BSI)

¹² “Kuchou no I no nongu vilo piani, khunono I pülüni keno pa ye I no mlakeu kümlaqo shinani; eno ni ye Apu lau wuchea kehu pa no hinguno akijeu mla nani.

John 14:12 ပူးပေါင်းရင်းမြစ်များ

MATTHEW 21:21

Jisu no ishi panoqo khochile, “Kuchouno ino nongu vilo pini, nonguno akupulu aghi puzu amlolo lipikeu kuha aye, khughubo shou kiu shivekeno nonguye tipau shilu nani, eno tilikhi kumo puzu nonguno naghuto hipau vilo, ‘Iqesusu azughilo ilulovelo’ ipi kelomu tishivetsu nani.

Mark 11:13

Pano putouno khughuthibo lakhi anipano mini boboshi akeu ithulu, ike pano tipaulo alothi pithi aghinimalaye juniye tila wue. Kughou pano tile ighi keno anipaqo likhi thono kiumu ithumlae, kughengu khughuthi pithikeu tusho kumo kehu.

Mark 16:17

Kupulumi lau amchipukuka hipaqo panongu gholo anani: Ije lono panonguno tughami haphelu nani, panonguno amli kithe lono pi nani;

John 14:28

Ino ishi pikeu nonguye chiluvae: ‘Niye wuveni cheni ikemu niye nongu lau ideighi nani.’ Nonguno ikimiye aghi aye, ino Apu lau wuni cheni pikeulo nonguye alokivi shikepue, kughengu Apu ye inguno akijeuke.

John 16:7

Tishiepimu ino nongu vilo kuchou tsa pini: nongu ghenguno ino wuvekeu pavi kughengu ino wuvemo aye Shikumtokutsuu ye nongu lau ighimo nani. Ikemu ino wuve aye nongu lau ino pa puwuni.

John 4:37

Kughengu ishi pichekeu huye kuchouke: ‘Milakhino xusu cheni eno milakhino ghile hucheni.’

John 5:20

Kughengu Apuh no Anu qhuiyivulai ke eno pa ampino shiakeu kumtsu pa piye cheni eno hinguno akumlapu kije akeqo pe pa piye nani, tishianguno nonguno akichiqhi nani.

John 7:33

Tile Jisu no pi, “Ino nongu gholo ado kitila aghini aphi eno tithiuno niye ipuwupuakeu lau wuve nani.

John 7:39

Jisu no hipau pikeuye timi khunoqono pa pulu nikeno tipaqono Aghungu Kimthe ithuluniye akeu ghili piake. Tikutolo Aghungu Kimthe ye tsumphike kughengu Jisu ye xuputhu pesu akimthejukuvu shive tsumphi kehu.

Apostolmi 10:46

Kughengu pano qono pakutakeu milino piakeu eno Alhou ye kijekepi sheqhekeu panonguno chilu.

Apostolmi 16:18

Lino ghulo atsu-tsulo hitoi shi ache. ike Paul no azuzuve puzu tsughuwo tughakusa ghungu vilo pi, “Jisu Khristo je lono ino oha ani, noye li launo ipeghi velo!” Tipa mtsa tughakusa ghunguno ipeghive.

Apostolmi 19:12

Kughusuphi momu aphimini pa phi-mpi dilu puaghi keuhu timiqono pesuwo khunoqo su aghini keno tipaqo lau pewu, eno tipaqo kusu shipuhave che, eno tughakusa ghungu huno tipaqo launo ipeve che.

Apostolmi 2:33

Pa xuputhu pesu Alhou-u ajeu qhieno ajepipi tsue. Apu launo tushoqhi puakeu hutoi Aghungu Kimthe ithulu puzu khikhi nonguno ithulu eno chilu anikeno hiye pano ningu shou lepukutsukeu ke.

Apostolmi 2:41

Ike khunoqono pa tsa ikhilu keno tipaqo baptiz shitsu eno tipani timi 3000 kutolo panongu gholo kihikusumi shiluve.

Apostolmi 4:16

“Ninguye timi hipaqo pesu kiu shiveni kya? Kughengu pakutakeu michipu panoqo vechewo shikeu Jerusalem lo kuami kumtsu lau tovae eno ninguno mikimlavae.

Apostolmi 4:33

Akuka kumtoshi apostolmino Ampeu Jisu xuilethughive keu shepe tsu, eno Alhou no panongu shou shishe kumghatsu.

Apostolmi 4:4

Ikemu pama tsa chilukemi kutomono pululuve eno kupulumi 5000 kutolo shi wove.

Apostolmi 5:15

Ikelauye kusukinimi ghi alaghi lalo khape ighino azua ngo ayephulo puzu, tishianguno Pitor no chewuchekelo pa kusho, likhimu tipaqo shou yekhu puku peniyeke.

Apostolmi 6:7

Ike Alhou tsa alaushi vekuphawove. Jerusalem lo papeluvekemi kikihi kutomo alaushi ikowove, achinemi ghi kutomono hipau kupuluyeh ikhiluve.

Apostolmi 8:7

Timi kutomo launo tughakusano ighamuku igha puzu panoqo launo ipeghi; eno aghi anhu thivekemi ngo apukhu kinitavekemi ishi ghi shipivi.

Apostolmi 9:34

Pitor no pa vilo pi, “Aina, Jisu Khristo no oshipivi anie, ithuno ozu-a kutsuvelo.” Aina no paikhavi ithuve.

Apostolmi 9:40

Ikemu Pitor no panoqo kumtsu khalau pipeve eno qhoqhunhepe inikhu, tishieno pano akumo kudau tsughu ighino pi, “Tabitha, ithuvelo.” Lino anhethi tsukho Pitor ithuluno ithu iqave.

Rommi 15:19

Tishikehu Jerusalem lono homuxa susu Ilurikiam qha hokumxa kutolo, niye Khristo tsakiviu pesu hipaqha kuchopulo kutughuvae.