John 13:34 - BAIBEL (BSI)

³⁴ Ahzakutsu akithe lakhi ino nongu tsu ani tiye nongu lakhino lakhi kimiyekilelo; ino nongu kimiyecheke toi nongu ghi lakhino lakhi kimiyelo.

Sümi Tiqhelimi Bible

³⁴ “I no azakütsü kithé nongu tsü ani: Lakhi no lakhi kimiye lo. I no nongu kimiye ketoi, nongu ghí lakhi no lakhi kimiye moayesae.

Sumi Naga CL (Re-edited) Bible (BSI)

³⁴ Azakütsü kithe lakhi I no nongu tsü ani: nongu lakhino lakhi kimiye kilelo; I no nongu kimiye ketoi nongu ghi lakhino lakhi kimiyelo.

John 13:34 ပူးပေါင်းရင်းမြစ်များ

LESHELE 119:63

Niye khunono oyezah ghokulu shini keno oqemi kumtsu sasu ashouke.

LESHELE 16:3

Ayeghilo AMPEU no pukhube kulumiye kiutoi akighiche kela! Panoqo shou ighakiqi kutsasa acheni.

ACHINE 19:18

Khuu shoumu amkhu lukevilo momu pa mithi acheuve kevilo, ikemu olikhi okimiyeke toi okisughumi kimiyelo. Niye AMPEU ke.

ACHINE 19:34

Nongu kusami Israilmi toi panoqo peithalo eno nolikhi nokimiye ketoi panoqo kimiyelo. Nongu ghi ghuthu lakhiye Ijip yeghilo inaghami shi achekepi kumsululo. Niye nongu Lhou AMPEU ke.

MATTHEW 5:44

Ikemu ino nongu vilo pini, noghumi kimiyelo eno nongu peithapusa chekemi ghenguno inikhutsulo,

John 15:17

Ino ahza hipau nongu tsu ani: Nonguye kimiyekilelo.”

John 17:21

tishianguno panongu kumtsu lakhi shipenike. Apuo, nono ilolo aketoi eno ino ololo aketoi panongu ghi nigholo apeni, tishianguno nono ipuwukeu ayeghiqhano pulu penike.

Rommi 12:10

Athikuzumi kimiyekile ketoi nongu lakhino lakhi kimiyekilelo; gihukilenikeulo kuhakilelo.

Rommi 13:10

Khunono pa kisughumi kimiye ani keno khilemu pa kisughumi lau alhoksa mla chemoe. Tighenguno kimiyekeuye Ayezah shikupulu ani.

Rommi 13:8

Lakhino lakhi kimiyenikeu piagha nguno alauye khuu laumu apih pukevilo. Khuno pa kusami kimiyeni keno Ayezah shikupuluvae.

Galatiami 5:22

Ikemu Aghungu xathiye Alhou launo ighikeu kikimiye, alokiqi, alokivi, kheakulu, alokeu, akivi, pichebekulu,

Galatiami 5:6

Kughengu ninguno Khristo Jisu sasu kimepe ani aye aphighu yiko ghana ghamonamu aphiphi ke, ikemu Alhou wu kimiyekini vechewo mla keu kupulu huno akhotoke.

Galatiami 6:10

Tishiaye, akivi shini nolo, eno akhotoshi akupulu lono abolomi shiluvekeqo lau akivi shiani nolo!

Galatiami 6:2

Lakhino lakhi makho putsukilelo, tishikeu lono Khristo yezah shikuputsulo.

Ephesiami 5:2

Khristo no ningu kimiyeno axokutsungu kumllagho eno Alhou lopushi tsungquyikeu kumllagho eno lhoxu pesu akumllagho lakhi ningu ghenguno pa kuxu pephetsuveke toi nonguye kimiyekeu lono xulo.

Kolosiami 1:4

Kughengu Khristo Jisu gholo nongu kupulu akeu eno nonguno Alhou timiqo kumtsu lau kimiyekini akeu ninguno chiluvae,

1 Thes. 3:12

Ninguno nolau kikimiye piyeke toi Ampeu no nongu pelo lakhino lakhi kimiyekeulo eno timi kumtsu kimiyekeulo alau thuwulu eno ikowolupeniu.

2 Thes. 1:3

Athikuzumiqo, ninguye nongu ghenguno pulhapuju Alhou shikimthi aniputsake! Ninguno titoi shikeuye achipike, kughengu nongu kupuluye ihulokeu shi thuwulu ani eno nongu lakhino lakhi kimiyekile keulo thuwu anike.

IBRIMI 13:1

Khristo lono nongu lakhino lakhi kimiyekile chelo.

James 2:8

Nonguno kuchou Akukaqha yezah khikhi kuchoyesulo, “Okusami olikhi otoi kimiyelo,” ipi puakeu shikupulu aye nonguye achipiu shilu ani.

1 Peter 1:22

Itehiye nonguno kuchou lau aghokulu shino nongu kuxu shikimthevae eno kupulumi akusamiqo mutsuqheyino kimiyekeu anie, tishiaye nonguno amlo tsuqhiyi shino lakhino lakhi kimiyekilelo.

2 Peter 1:7

Alhou lau amlo tsuqhiyikeu shou Khristomi kimiyekilekeu pesu veqabelo eno Khristomi kimiyekilekeu shou kikimiye pesu veqabelo.

1 John 3:11

Kughengu abothu lono nonguno chiluvekeu tsaye hike: ninguye lakhino lakhi kimiye kepue.

1 John 3:23

Pano ahza tsukeuye hike ninguye paNu Jisu Khristo jelo pulube kepue eno lakhino lakhi kimiyekile kepue.

1 John 4:21

Khristo no ahza ningu tsupua keuye hike: khunono Alhou kimiye cheni keno athikuzumi ghi kimiyelu kepue.

2 John 1:5

Ikemu kimiyeche keu Atotiu, ino oqhuiniju ani: ningu kumtsu lakhino lakhi kimiyeni nolo. Ino hipau nongu lau yelu akeuye ahzakutsu akithe kumoe, hiye inahu abothu lono ninguno ikhilukeuke.