John 12:34 - BAIBEL (BSI)

³⁴ Timi aqokitikhino pa khochile, “Ni yezah kakulo Mesiya ye alhokupuju ache nani kepi pipuanie. Tishiaye noye kishi puzu Timi Nu ikhiqhenikeu tsa piani kya? Timi Nu huye khuu kya?”

Sümi Tiqhelimi Bible

³⁴ Aqokitikhi no ishi pi ipeghi, “Ningu no Ayeza lono chilu keu ye Messiah ye pülhapuju acheuve nani ipie, tishiaye no ye kíshi no, ‘Timi nu ye süqheve moayesa nani,’ ipi ani kea? ‘Timi Nu’ ipi akeu hiye khuu kea?”

Sumi Naga CL (Re-edited) Bible (BSI)

³⁴ Ikehu aqokitikhi no pa khochile, “Ningu no Ayezah lono chiluke Khristo ye alholo ache nani ipie. Tishiaye no ye kishino Timi Nu ye ikhiqhe luve masae piani kea? Timi Nu huye khuu kea?”

John 12:34 ပူးပေါင်းရင်းမြစ်များ

SAMUEL AKINIU 7:13

Tipau huno ighenguno achineki shitsu nani eno pa lagha ye alhokuthulo ishokibe wopenike mutsumishei shitsu nani.

LESHELE 110:4

AMPEU no tsaquikeu shoqhi shivae eno tipau ikhichileluvemo nani. “Noye Melkhizedek chine ghola lono alhokupujulo achineu lakhi shiniake.”

LESHELE 72:7

Pa kuxu thaqhulo amikuchono thuwulu pelo, eno aqhino akuvu ake kutolo alokughuno no chhi apelo.

ISAIAH 53:8

Paye kughaluve, pithive nikeu shi kughathave eno pithinike sawuveke; timi milakhimu paye kishive nani kela jukutokeu kuhave. Paye ni timiqo xine ghenguno pithiveke.

ISAIAH 9:7

Pa kuka yehkipeye thuwu ache nani; pa kukaqhaye pulhapuju iquneyi anani. Paye Akukau David thisupe ayehpe nani, achipiu xakutha eno amikucho lono pa kuka peitha nani, itehi eno alhokupuju kutolo tishi anani. Aqokitikhi shou AMPEU wu amlo tsuqhiyikeuno hipaqo kumtsu shi nani.

DANIEL 2:44

Panoqono akukau shi ake ghuloki lono kungulo kukau Alhou no akukaqha lakhi shi nani, tipau khilemu puhavemla nani. Ikemu pano kutami kukami kumtsu puhave tsu nani eno pa kukano ashekha kuha acheuve nani.

DANIEL 7:14

Akuka, agigihu eno ayehkipe kuka pe pa tsuve, ayeghiqhalo timi kumtsu, shiyeh kumtsu ali kumtsu eno atsa jeli kumtsu paqe peniye ke. Pa kukaye alholo acheni keu eno pa kukaqhaye khilemu ashekha shivemoe.

DANIEL 7:27

Ayeghilo akuka kughushu ajekipi kumtsu kughape Akughushu Lhou wu timiqo tsuve nani. Panongu yehkipe kuka ashekha kuha nani eno ayeghilo kukami kumtsu pa huthu pa gholu nani.”

MICAH 4:7

Panonguye aphi a-u ichheve ake eno aghakhu lono putou ani, ikemu puxupe puaghi kemiqo sasu abothu lono akithe kiukela lakhi ino shi nani eno panonguye ashiayeh kuloghi lakhi shive nani. Tipa ghuloki nguno alhokupuju kutolo Zion Toghilo ngo puzu ino panoqo shou ayehpe nani.”

MATTHEW 16:13

Kughou Jisu no Kaisaria Filip yeghi kokutha qhalo akeno, pano ishi pa khopemi iniju, “Timiqoye ni Timi Nu pesu khuu kepi picheni kya?”

MATTHEW 21:10

Kughou Jisu no Jerusalem lo iloghikeno, aphughi tipau kumtsulo, “Huye khu-u kya?” ipi timiqono kughathuve.

MATTHEW 8:20

Jisu no pa khochile, “Sherqoye ngokepu tuki acheni, eno aghauqono apusu ani; ikemu ni Timi Nu ye pa kutsu mukhu kepu-a ghi kuhae.”

John 10:34

Jisu no panoqo khochile, “Alhou no pikeu nongu yezahlo ishi yepuani, ‘Nonguye alhouqo ke.’

John 12:32

Kughono ayeghi lono ni ikhiqheni keno, ino timi kumtsu sunheluve nani.”

John 15:25

Hiye tishimasa kepushive, tishianguno panongu yezahlo ishi yepuakeu tsa shikupuni kehu, ‘Jekujeli lakhimu kuha kemu panonguno kutsazu lono imithike.’

John 8:28

Ikehu Jisu no pi, “Kughou nonguno ni Timi Nu ikhiqheni keno nonguno ‘Niye nike’ ipikeu ithi nani; eno niye kiumu ikutoshino shichemo puzu Apuh no kiu ishika keno tipau likhi pichekeu nonguno ithi nani.

Rommi 3:19

Ninguno ithi anike, Ayezahlo pi puakeu kumtsu Ayezah qholo akemiqo vilo pi anike, tishianguno timino jekukivi shichekeu kumtsu hakhave no ayeghiqha kumtsu Alhou kughakutha qholo saghiniye ke.

Rommi 5:18

Ikehu, hebidekeu xine lakhino timi kumtsu kileqhive ketoi timi lakhino achipikalukeu ghushoghili no timi kumtsu akipimi tsumokeu eno akuxupi ani.

IBRIMI 7:24

ikemu Jisu ye alhokupuju xu acheni eno pano achine kumla shikeuye kutami lau pekishetsumlae.