John 12:32 - BAIBEL (BSI)

³² Kughono ayeghi lono ni ikhiqheni keno, ino timi kumtsu sunheluve nani.”

Sümi Tiqhelimi Bible

³² Eno kughou I süqheveni keno, I no timi kümtsü I lau sünhe sasü ighive nani.”

Sumi Naga CL (Re-edited) Bible (BSI)

³² Kughou ayeghi lono ni ikhiqhe luveni keno, I no timi kümtsü I lau sünhe luve nani.”

John 12:32 ပူးပေါင်းရင်းမြစ်များ

SAMUEL AKINIU 18:9

Paikhavi lono Absalom ye David wu timi khami sasu kusholuve. Absalom ye khurshi lakhi shouno poche, eno posusu aphisubo lakhi sukho suzai akeu qholo poilolu, tileno asuloka lono Absalom kutsu hepiyeluve. Khurshiye pove ipuzu Absalom ye kunguu thuthu iju fupesu ngove.

ALE KIMCHI 1:4

Ogholo kumtsa wunike isawulo; ochebolo isawulo o akukau; Nikujo alovi kuqhani, okikimiye ye aji nguno alokiqipu ke. nono vape keuye ale nguno akiviuke!

ISAIAH 11:10

Tipa tsalani David kuka lagha lono akukau akithe ipeghikeu no ashiayehqo lau amchipu kumla lakhi shi nani; panonguno aphughilo pa phuighi nani eno ajekipishi pa gihu nani.

ISAIAH 49:6

AMPEU no ivilo pike, “Iqeu, niye oghenguno akumlapu saje kije lakhi ani. Noye Israilmi puxu puaghikeqo kije shikepulo sachilewoni keu likhi kumo, ikemu ino opelo ashiayehqo lau akuvu lakhi shipeni cheni, tishianguno ayeghiqha kumtsu xaluvepe nike.”

HOSIYA 11:4

Ino panoqo khapeqhe puzu igimuchu kutolo panoqo khadalue; Ino itsaiqi puzu panoqo lojike.

AKIKIHI 21:9

Titoi Muse no alazayi pesu apighi lakhi kughulhono aqhaqhi lakhi shou bepe qhi. Khuu khumu mighi puaghikemiye alazayino shikeu pighi shou jupukuno viluve cheke.

John 1:7

Pano timiqo vilo akuvu ghili pesu pinike ghenguno atsapeu lakhi shi ighi tishianguno kumtsuno pa vechewo pulu lupeniyeke.

John 12:34

Timi aqokitikhino pa khochile, “Ni yezah kakulo Mesiya ye alhokupuju ache nani kepi pipuanie. Tishiaye noye kishi puzu Timi Nu ikhiqhenikeu tsa piani kya? Timi Nu huye khuu kya?”

John 18:32

Hiye Jisu no paye kiu kithi shi thi nani kela pipuakeu tsa shikupunikehu ke.

John 19:17

eno paye khalau ipeveno pawu kros xapusu “Aboghe” ipichekeu-alo wuve. Ibrimi tsa loye tiye “Golgotha” ipi cheni.

John 3:14

Kiutoi Muse no timi kughunamoke alo ayino shikeu pighi ikhiqhepe piye keno tihutoi Timi Nu ikhiqhepe piye masae,

John 6:44

IPuh ipuwu puakeuno ilau pa sunhesaghi moke loye khumu ilau ighimlae; eno ashekha tsalani ino pa xuputhuve nani.

John 8:28

Ikehu Jisu no pi, “Kughou nonguno ni Timi Nu ikhiqheni keno nonguno ‘Niye nike’ ipikeu ithi nani; eno niye kiumu ikutoshino shichemo puzu Apuh no kiu ishika keno tipau likhi pichekeu nonguno ithi nani.

Galatiami 3:13

Khristo no ningu zuqhushi angusuu shive puzu Ayezah lo musuini puakeu launo ningu xapheluve, kughengu kuchoyesulo ishi pipuani, “Timi khuuno asubolono tshuqhi thiveni keno paye musuiniva.”

1 Tim. 2:6

Timi kumtsu xachilelu nike pano pa ampi tsuveke, ikehu ado achipi lono Alhou no timi xalu nishi akeu shepe shike.

IBRIMI 2:9

Ikemu ninguno Jisu ithikeuno paye ado kitila ghenguno kungumi nguno aqhokigheu shi lhoke, tishianguno Alhou wu kupukini vechewo pano timi kumtsu ghenguno thikepu shive. Ikemu pano akithilo aghimeshikeu ghenguno itehiye akimthejekipi ngo agigihupu pesu pa sheqhe ikhilu keu ninguno ithulue.

1 Peter 2:24

Khristo ampino kros lo pa phimpi lono ningu xine xapuluveke, tishianguno ninguye axine launo thive puzu Alhou lau amikucho kuxu xupeniyeke. Pa zakuqo pesu nongu shipiviluvae.

1 Peter 3:18

Kughengu Khristo ghi axine ghenguno ghuthu khavilo kumtsu ghenguno thiveke, amikuchouno amikuchokumomi ghenguno thive, tishianguno Alhou lau ningu saghiniyeke, eno aphimpi lono pa pithive ikemu angu-aghapu kuxulo pa xuputhuve;

1 John 2:2

Khristo ye nixineqo pevetsu nikeu ghenguno aghakishiuke, eno nixineqo ghengu likhi kumoe ikemu ayeghilomi kumtsu xineqo ghenguno ghike.

Piyeküsü 5:9

Panonguno alekithe lakhi ishi phea, “Nono likuzu kaku ikhilu puzu mekhakeu xukhonikeu akuzupuke; Kughengu oghiqhiveke eno okithi vechewo ashiayeh, atsajeli, timi kututa muqo gholono Alhou timi shi lupenikeu qhuluke.