John 11:52 - BAIBEL (BSI)

⁵² panoqo ghengu likhi kumo ikemu Alhou nuliqo apanagha akeqo kumqo sawo lakhi shinikehue.

Sümi Tiqhelimi Bible

⁵² eno tiye shiye tipau ghengu likhi no kumoe ikemu Alhou nuli apanaghave no akeqo ghenguno ghí ke, tishi keu vechewo panongu kümtsa süghi no lakhi shitsü niye ke.

Sumi Naga CL (Re-edited) Bible (BSI)

⁵² eno shiye ghengu likhi kumono Alhou nuli apanagha akeqo kumqo sawo lakhi shini keu ghengu ghike.

John 11:52 ပူးပေါင်းရင်းမြစ်များ

BOTHUBO 49:10

Akukau kusu ye Juda phemoe, eno pa pukhuno tsape ke; Tipau mipeu shikuzuu ighieno timi kumtsu shou ayeh pemoke kuto pa kuka pe anani.

LESHELE 22:15

Ikughokiye alitsa toi kishiqhaivae; eno imiliye ataha medaluvae. AMPEU, nono ipelo thivepe niaye ayeghi mukhulo iqhivae.

LESHELE 22:27

Timi jeli kumtsuno AMPEU kumsulu nani eno pa lau xaideghi nani; Ashiayeh jeli kumtsuno pa gihu mlla nani.

LESHELE 72:19

Alhokupujulo paje kipipu sheqhelo! Pa jukuvuno ayeghiqha kumtsu chhilu pelo. Amen! Amen!

ISAIAH 49:18

Vehomxa julo eno kiu shiani keno julo! nowu timiqoye kuhokumqo anike eno panonguye aki kudau cheake! Kuchouno niye xuakeu Lhou keghenguno nonguye nowu timi jupesu akijivilo nani, tiye kulaliuno liwu achila jupesu akijivilokeu toi nani.”

ISAIAH 49:6

AMPEU no ivilo pike, “Iqeu, niye oghenguno akumlapu saje kije lakhi ani. Noye Israilmi puxu puaghikeqo kije shikepulo sachilewoni keu likhi kumo, ikemu ino opelo ashiayehqo lau akuvu lakhi shipeni cheni, tishianguno ayeghiqha kumtsu xaluvepe nike.”

ISAIAH 55:5

Itehiye nonguno inaghami shiayeh qo kupuwu nani; ghuthu lakhi panonguye nongu mthake ikemu itehiye panonguno nogholo kuqhalunike poighi nani! Ni, nongu Lhou AMPEU, Israil Lhou akimtheuno hi kumtsu shipe nani, Ino agigihupu ngo ajekipipu nongu tsu nani.”

ISAIAH 56:8

Aqokitikhi MPEU no Israilmi hapiyepighive keu lono akilo saghikeu Lhou no itaghi timi kutami saghino panoqo gholo xukimepe nikeu piqhipe puani.

ISAIAH 60:4

Nongu nhethi peqhepe julo eno kiu shiani keno julo: Nowu timiqoye aki kidiu ighinike kumqo ayeake! Nonuqoye putouno ighini cheni; Nongaqoye anuliqo toi xapughi nani.

EZEKEL 34:12

Bherikheuno paw bheri hami hapiye pighivekeqo phujuwu puzu saghi kithe keshi ino iw bheriqo phuwu nani. Ti akuzu eno kutsapinyive keu tsalalo a-a khipaqolo panoqo hapiye pighive keno tilauno ino panoqo sachile saghi nani.

HOSIYA 1:10

Israil lo akemiqoye azughilo asaye paphi shive nani, panoqoye kihikhamla eno mighiwo tomla kepu shive nani. Itehiye Alhou no panoqo vilo, “Nonguye iwu timi kumoe.” ipike, ikemu pano panoqo vilo ishi pinikeu tsala wocheni, “Nonguye akuxupu Lhou nuliqoke!” ipi pi nani.

Luke 15:8

“Momu kumsujukelo topumi lakhino ghuka chighi akelo lakhi puhave kelo liye kiu shinia? Lino akulu kuqu puzu phulumoke kuto aki khughi chekucheghu kumtsu ju cheni.

Luke 2:32

Akuvu lakhi hi Judakumomi pephepiye anike, Eno ajukuvu owu Israilmi tsunike.”

John 1:12

Ikemu khamiye ikhilu eno pa shou pulubeke, ike tipanoqo pelo Alhou nuli shikulupu kuka pano panoqo tsue.

John 1:29

Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

John 10:16

Hipau bheri bokuthalo kuhakeu iwu bheri kutau ghi ani; niye tipaqo ghi saghi masae; panonguno isutsa chilu nani, tilehino aqo lakhi eno akheu lakhi shive nani.

John 12:32

Kughono ayeghi lono ni ikhiqheni keno, ino timi kumtsu sunheluve nani.”

Apostolmi 18:10

kughengu ino ogholo ani. Khunomu oshipusa mla nani, kughengu aphughi hipaulo iwu timi kutomo ani.”

Rommi 3:29

Momu Alhou ye Judami Lhou likhi kesha? Paye ashiayeh kutami Lhou ghi ke kumokesha? Iye, paye ashiayeh kutami Lhou ghie.

Rommi 4:17

Kuchoyesulo pikeu hutoi, “Ino opelo ashiayeh kutomo papuh shiveapeke.” Ikehu Abraham no puluchekeu Lhou zuloye piqhipuakeu huye tishini putsae. Alhou hipauye kithimi puxuve cheni eno kiumu kuha namu pano piaye aghive cheni.

Ephesiami 1:5

Pano kimiyekeu lono Jisu Khristo vechewo ninguye pa nuliqo shipenike ado tomphi lono kutope qhive, tiye pa puloulo mijipe puakeu kiqilono ke.

Ephesiami 3:11

Hiye pano lhokta lono mijipe puachekeu ningu Mpeu Jisu Khristo lono mutsuqheyi shilupeke.

James 1:1

Alhou ngo Ampeu Jisu Khristo qeu Jems no ashiayeh chighikini Apanaghavekemi lau yehani. Petha tsu ani.

1 Peter 1:1

Jisu Khristo wu apostol Pitor no Pontu, Galatia, Kapadokia, Asia eno Bithiniya lo Apanagha hapiyepighi pesu akemiqo lau yelu ani.

1 John 2:2

Khristo ye nixineqo pevetsu nikeu ghenguno aghakishiuke, eno nixineqo ghengu likhi kumoe ikemu ayeghilomi kumtsu xineqo ghenguno ghike.

1 John 3:1

Apuno kishi shishe ningu kimiyeve akeno julo. Pa kikimiye ighono kije ke ninguye Alhou nuliqo kepi kuluvae, eno kuchouno ninguye tike. Highenguno ayeghilomino ningu mtha eno Alhou mtha ishike.

1 John 3:10

Alhou nuli ngo Tughami nuliqo dolo kutuqu akeuye hipau lonoke: khunono achipiu shi chemo keno Alhou laumi kumoe eno khunono athikuzumi kimiye chemo keno tipaqoye Alhou laumi kumoe.

1 John 3:2

Ino kimiye chekemiqo, itehi ninguye Alhou nuliqoke ikemu ninguye kiu shiuve nani keno pephepiye mphike, ikemu kughou Khristo no ipeghini keno ninguye pa toive nani kepi nino ithi ani, kughengu paye kuchouno kiukeno ninguno ithulu nani.

Piyeküsü 5:9

Panonguno alekithe lakhi ishi phea, “Nono likuzu kaku ikhilu puzu mekhakeu xukhonikeu akuzupuke; Kughengu oghiqhiveke eno okithi vechewo ashiayeh, atsajeli, timi kututa muqo gholono Alhou timi shi lupenikeu qhuluke.