John 11:40 - BAIBEL (BSI)

⁴⁰ Jisu no li vilopi, “Nono pulu aye noye Alhou kimthe jukuvu ithulu nani kepi niye ovilo piveake kumo kesha?”

Sümi Tiqhelimi Bible

⁴⁰ Ike Jisü no ishi pi, “Tsalá nono pülü aye, no ye Alhou juküvü ithulu nani ke ipi ni ye O vilo pike kumo keshea?”

Sumi Naga CL (Re-edited) Bible (BSI)

⁴⁰ Jisü no li vilo pi, “Nono pülü aye Alhou juküvü ithulu nanie pi ni ye o vilo pike kumo?”

John 11:40 ပူးပေါင်းရင်းမြစ်များ

YEKIKITHI AKINIU 20:20

Thanau inaqhe itheno timiqoye Tekoa kupunulo ato yeghi kudau wuve. Panonguno chesu wuche kelo Jehosafat no atsa hipaqo pesu panoqo vilo pi, “Juda ngo Jerusalem lo achekemiqo! AMPEU nongu Lhou shou pukhubelo eno nonguye mutotoi puthugholu nani. Pawu tungkupmi no nongu vilo pikeu pululo eno nonguye tolu nani.”

LESHELE 63:2

Ikehu nono ngochekeu alo olau jupuku; okuka eno okimthe jekipi lo jupukuluke.

LESHELE 90:16

Ningu, oqemi pelo nono akughushu kumla shikeu ithulupelo; nitianuli pelo owu akughushu jekipi ithulupelo.

IPEKULU 16:7

Inaqheno AMPEU gholo saghu saghuiakeu kuvu nonguno ithulu nani. Nonguno pa shou muchhokeu eno pipukukeu pano chiluvae kughengu ningu vilo shilopikeu likhi shitsu ani kethono.”

MATTHEW 17:20

Pano panongu vilo ishi khochile, “Hiye kutaulo kumono nongu kupulu mikhelo kehue. Kughengu kuchouno ino nongu vilo pini, nonguno aghanethi pahi likhimu akupulu aghi aye, nonguno naghuto hipau vilo, ‘Hileno hulau iqewuvelo’ ipi kelo, tino iqewuve nani. Nonguno shimlakeu kiumu kuha nani.

Mark 9:23

Jisu no pa vilo pi, “Nono shikulupushi aghi aye ya? Timi khuno akupulu ani keno thwokha shikulupu ani.”

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

John 11:4

Ikemu hipatsa chilu kelo Jisu no pi, “Akusu hipauye akithi kusu kumoe; hiye Alhou lau akimthe jekipipu ghenguno ke, eno hipau vechewono Alhou no pa Nu jekipipu shitsuniye ke.”

John 12:41

Isaya no hipau pikeuye pano Jisu jekipipu ithuluke ghenguno pa ghili pike.

John 9:3

Jisu no khochile, “Hiye timi hipauno axine shiveke ghenguno kumoe momu pa puazano axine shiveke ghenguno kumoe, ikemu pano anhethi iche akeuye Alhou kuka kumla pa shouno pephepiyeni ke.

Rommi 6:4

Ningu ye baptiz lukeu lono akithilo pa gholo qhovae, tishikehu Apu kimthe jukuvu kuka huno akithi lono Khristo xuputhuve, tishikeuno ningu pelo akuxu kithelo xuchepeniyeke.

2 Kor. 3:18

Ningu kumtsuno agi kuzupumono Ampeu kimthe jukuvu yebide achenipe, eno tipau kimthe jukuvu huno pa kimihi kuchoulo akimthe jukuvu alau lono ningu pesu miviu tsu acheni; kughengu hiye Ampeu khuu Aghungu keno pa launo ighikeuke.

2 Kor. 4:6

Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.