John 11:4 - BAIBEL (BSI)

⁴ Ikemu hipatsa chilu kelo Jisu no pi, “Akusu hipauye akithi kusu kumoe; hiye Alhou lau akimthe jekipipu ghenguno ke, eno hipau vechewono Alhou no pa Nu jekipipu shitsuniye ke.”

Sümi Tiqhelimi Bible

⁴ Jisü no hipau chilu kelo ishi pi, “Aküsǜ hipau ye akithí shivemo nani. Moe! Hiye Alhou juküvüpu ghenguno ke, tishianguno hipau vechewo Alhou Nu juküvü shilu peniye ke.”

Sumi Naga CL (Re-edited) Bible (BSI)

⁴ Ikemu ti chilu kelo Jisü no pi, “Aküsü hi ye akithipu kumoe. Hi ye Alhou jekipipu ghenguno ke, eno hipau vecheo Alhou Nu jekipipu shiniye ke.”

John 11:4 ပူးပေါင်းရင်းမြစ်များ

IPEKULU 16:7

Inaqheno AMPEU gholo saghu saghuiakeu kuvu nonguno ithulu nani. Nonguno pa shou muchhokeu eno pipukukeu pano chiluvae kughengu ningu vilo shilopikeu likhi shitsu ani kethono.”

John 10:38

ikemu ino tipaqo shiaghi aye nonguno ishou pulubemo namu nonguye ikumla likhimu pulu kepue, tishianguno Apu ye igholo ani eno niye Apu gholo ani kepi nonguno mutsumishei ithi apenike.”

John 11:40

Jisu no li vilopi, “Nono pulu aye noye Alhou kimthe jukuvu ithulu nani kepi niye ovilo piveake kumo kesha?”

John 12:28

O Apuh, oje kipipu shilulo!” Tileno kungugha lono asutsa lakhi ishi ighi. “Niye ajekipipu shivae eno itaghi ajekipipu shi nani.”

John 17:1

Jisu no hipaqo pitave kethiu pa gi peqhepe kungughalo juno pi, “Apuo, atuqhudo hu ighivae, oNu jepipi tsulo tishianguno Anu pelo ojepipi tsupenike.

John 17:10

Iwu kumtsu owuke eno owu kumtsu iwuke, eno panoqo vechewo ijekipi shilue.

John 17:5

Apuo! ayeghiqha lhophe mphilo ino ogholo achekeu jekipi hu pesu itehino ogholono ijepipi tsulo.

John 2:11

Jisu no amchipu kumla shikeu gholo hino atughushi Galil yeghi lo Kana phu lono shike, eno pa kimthe jukuvu pephepiyeno pa khopemino pa puluve.

John 5:23

tiye panonguno Apu gihu ketoi kumtsuno Anu gihupeniyeke. Khunono Anu gihumoni keno pa puwu puakeu apuh hu gihumovae.

John 8:54

Jisu no khochile, “Ino ilikhi ijekipipu tsa piaye ijekipiye kiumu kuhae, iPuh no ijekipipu shichenie, paye nongu Lhou kepi nonguno pichekeu hu panoke.

John 9:24

Ghuthu akiniu ghi panonguno anhethi iche achekeu hu ku-puzu pa vilo pi, “Alhou jukuvupu shi kuchou tsa pilo! ninguno ithi anike timi huye axinemi lakhie.”

John 9:3

Jisu no khochile, “Hiye timi hipauno axine shiveke ghenguno kumoe momu pa puazano axine shiveke ghenguno kumoe, ikemu pano anhethi iche akeuye Alhou kuka kumla pa shouno pephepiyeni ke.

Rommi 11:11

Ikehu ino iniju ani, Judami no shokukholukeuye veqhiauve peniye kesha? Khilemu tishi moe! Ikemu panonguno axine shivekeu lono Judakumomi lau xakulupu ighi, ti Judami pelo panoqo jupe anheshupeniyeke.

FILIPIAMI 1:11

Alhou jekipipu eno shekiqhepu ghenguno Jisu Khristo lau likhino ighichekeu mikucho xathino nongu shepichhiluve nani.

FILIPIAMI 1:20

Kughengu ino khekulhoshi kumsupu eno laju achekeu ye ino shikepushi akeu tomoveno kujovemo niyeke, ikemu pulhapuju shicheketoi, eno akhotoshi itehighi niye amlo kumtono chhitoi shino, thikepu shina xukepu shinamu iphimpi hipau lono Khristo jekipipu shitsu nani.

1 Peter 1:21

Pa vechewo nonguno Alhou shou pulubekeu ani, pano akithi lono Khristo xuputhuve eno akimthe jekipi pa tsue, tishianguno nongu kupulu eno lajupuye Alhou shou apeniyeke.

1 Peter 4:11

Khunono asheshu cheni keno paye Alhou tsa pesu asheshulo, khunono kutami qe cheni keno paye Alhou no tsukeu kumto pesu qelo, tishianguno thwokhalo Jisu Khristo vechewo Alhou kimthe jekipipu shilupenike. Alhokupuju lono alhokupuju kutolo akimthe jukuvu eno ayehkipeqhaye pawuke. Amen.

1 Peter 4:14

Nonguno Khristo timi shiveke ghenguno timino nongu thaigha aye tiye nongu lokivipue; tipau kiqiye Akimthe jukuvupu Ghungu, Alhou Ghungu no nongu shou anike.