John 11:25 - BAIBEL (BSI)

²⁵ Jisu no li vilo pi, “Niye xuchilethughikeu eno akuxupue, khunono ishou pulubeni keno paye thive namu xuluve nani;

Sümi Tiqhelimi Bible

²⁵ Jisü no li vilo pi, “Ni ye xülekuthuu eno aküxü ke. Khuu no I pülüni keno panongu ye thive namu xüluve nanie;

Sumi Naga CL (Re-edited) Bible (BSI)

²⁵ Jisü no li vilo pi, “Ni ye Xüchilekulu eno aküxüpu ke, khunono I shou pülübeni keno, pa ye thive namu xüluve nani,

John 11:25 ပူးပေါင်းရင်းမြစ်များ

LESHELE 36:9

Nono akuxu jeli pukike eno okuvu lono ningu pelo akuvu ithulupe ke.

ISAIAH 26:19

Niwu timi khunoqo thivea keno itaghi xulu nani! Panongu phimpiye akuxulo ideghi nani. Akumolo zuakemiqo kumtsuno idathughi nani eno alokivishi alephe nani. Atsuzu phuphuyi keuno ayeghi vepuxutsu keshi, khunoqo kha-ghino thive keno tipaqo AMPEU no xukithetsu nani.

ISAIAH 38:16

O AMPEU, niye oghenguno xunike, oghengu likhi xunike; Ishipivitsulo eno ipelo xulu pelo.

Luke 23:43

Jisu no pa vilo pi: “Ino ovilo hi piani, ishi tsala lono noye igholo kungughalo aniae.”

John 1:4

Atsa huye pa lolo akuxupu ae, eno akuxupu hipauno timi lau akuvu sughitsu.

John 14:19

Ado kitila apuzu ayeghilomino ijuthumlave nani ikemu nonguno ijuthulu nani; ino xu anike ghenguno nongu ghi xu nani.

John 14:6

Jisu no pa khochile, “Niye alaghi, niye kuchou eno niye akuxupuke, ivechemo keloye timi khunomu Apu lau wumlae.

John 3:16

Kughengu Alhou ye ayeghilomi kimiyekutuke ghenguno pa Nu lakhi likhi akeu tsuke, tighenguno khunono pa shou pulube nikeno puhavemo nani, ikemu lhokta kuxu ithulu nani.

John 3:36

Khunono Anu shou pulube nikeno lhokta kuxu ani; khunono Anu gholumo nikeno tipanoye akuxupu kuhave nani, ikemu tipano shou Alhou loghu acheuve nani.

John 5:21

Kughengu Apuh no kithimi xaputhupe puxu ketoi Anu ghi pano khunoqo puxu nishi keno tipaqo puxutsu nani.

John 5:26

Apuh ampino akuxupu laghike, ike titoi pano pa Nu pesu akuxupu laghi shilupeke.

John 6:35

Jisu no panoqo vilo pi, “Niye akuxupu shoke, khunono ilau ighi nikeno khilemu muzuthimo nani, eno khunono ipulu nikeno khilemu tughuthimo nani.”

John 6:44

IPuh ipuwu puakeuno ilau pa sunhesaghi moke loye khumu ilau ighimlae; eno ashekha tsalani ino pa xuputhuve nani.

Apostolmi 3:15

eno nonguno akuxupu Mpeu pithiveke. Ikemu Alhou no akithi lono pa xaputhuve eno ninguye tipau thopimike.

Rommi 4:17

Kuchoyesulo pikeu hutoi, “Ino opelo ashiayeh kutomo papuh shiveapeke.” Ikehu Abraham no puluchekeu Lhou zuloye piqhipuakeu huye tishini putsae. Alhou hipauye kithimi puxuve cheni eno kiumu kuha namu pano piaye aghive cheni.

Rommi 8:2

Kughengu Jisu Khristo gholo akuxupi Ghungu yezah huno axine ngo akithi kuma yezah lono ikuqhophevae.

1 Kor. 15:18

Tishinikeloye Khristo kupulumi thivekeqoye puhavae.

1 Kor. 15:29

Tishimo aye, khunoqono kithimi ghenguno baptiz lupuani keno tipaqoye kiu shiniye kya? Kithimi khilemu xuputhu chemo aye timiqoye kushiye kithimi ghenguno panonguno baptiz lucheni kya?

2 Kor. 4:14

Ninguno ithi akeuno Alhou no Ampeu Jisu xuputhu kehu pano Jisu gholono ningu ghi xuputhu nani, eno ningu kumtsa pa zulo saghi nani.

FILIPIAMI 1:23

Hikuma dolono itsakibipe anie. Ino shinishi akeuye hipa kuxu qhiveno Khristo gholo auvenishi, kughengu tiu pavi kuchouke.

FILIPIAMI 3:10

Ino pulo chekeuye Khristo ithini pa xuputhuvekeu kuka ithi, pa ghimeqo kusaje eno pa kithi gholono pa kimihi shiwuniyeke,

1 Thes. 4:14

Jisu thive eno xuithuvekepi ninguno pulu cheni; titoi khunoqono Jisu pulucheno thive nikeno Alhou no Jisu gholono panongu saghi nani kepi ninguno pulu cheni.

Piyeküsü 1:18

eno niye xu achekeuke; niye thive ikemu itehiye alhokupujulo xu acheni. Ino Akithi ngo Kithimi-yeghi khadu peani.

Piyeküsü 20:5

Kithimi kutamiqoye ampe qhethonhe wovemoke kutolo xuithughimoe. Hino kithimi xuputhu keu atughiuke.

Piyeküsü 21:4

Panoqo nhethi lono anhezu kumtsu pano isuvetsu nani. Akithi khilemu kuhave nani, amlo imekeu, akuqa momu aghime hauve nani. Aqau thimeqoye wokhavae.”

Piyeküsü 22:1

Kungumi huno akuxupuzu akeu ghoki ghi ipiye, tiye mlapuyi mulla- ide ae, eno Alhou ngo Bheriti kuka lakhu lono qoipeghi puzu

Piyeküsü 22:17

Aghungu eno kulaliuno piani, “Ighilo!” Khunono “Ighilo” ipikeu sutsa chilu keno tipaqo pelo ighi pelo. Khunono tughuthi anikeno ighilo, khunono lunishi ani keno akuxupuzu kumsagho shighi ikhilulo.