John 10:36 - BAIBEL (BSI)

³⁶ Ino ‘Niye Alhou Nu ke’ ipi keghenguno Apu no kishepheno ayeghiqhalo puwukeu vilo nonguye, ‘Niye Alhou thaigha anie!’ ipini kesha?

Sümi Tiqhelimi Bible

³⁶ Imaye Apù no pakütashi pa likhi paw shiqhive no ayeghi lo puwu keu ye kíshiveni kea? Tishiaye nongu ye kushiye I no, ‘Ni ye Alhou nu ke,’ ipikeu ghenguno ni ye Alhou pipütha ani kepi I nguku ani kea?

Sumi Naga CL (Re-edited) Bible (BSI)

³⁶ I no, ‘Ni ye Alhou Nu’ ipike ghenguno nongu ye khuu Apu no kishekimthe no ayeghiqha lo puwu keno, pa vilo ‘No ye Alhou thaigha ani,’ ipilu nani keshea?

John 10:36 ပူးပေါင်းရင်းမြစ်များ

LESHELE 2:2

Ayeghilo kukamino aghili kuto eno ayehkipemino hekutsu pesu AMPEU shou eno pano kisheluve keu akukau shou hebide ipeghi ani.

ISAIAH 42:1

AMPEU no pi, “Iqeu hi anike julo, ino sunheqhe chekeuke, Ino pa kisheluve keuke, imlo kiqishi chekeuke. Ino iGhungu pesu pa shepichhive ake eno pano ashiayeh kumtsu lau achipi xakutha sughi nani.

ISAIAH 42:3

Paye ayeghu iho akeu hechhevemo nani momu inhemimi akeu mibo pinhevemo nani. Pano kumtsu lau achipi xakutha sughi nani.

ISAIAH 55:4

Ino pa pelo ashiayehqo shou saki pheu eno ahza kutsuu shipeke, eno ino pa vechewo ikuka panoqo piyeke.

JEREMIYA 1:5

“Apolo azu ghomphi lono ino noithi ake, opunu mphi lono opelo ashiayehqo lau tungkupu shipe nike ino okutashi kisheluke.”

MATTHEW 27:43

Pano Alhou shou pukhube acheni eno paye Alhou Nu ke ipi cheni. Tishiaye, Alhou ye itehino pa xapheluni cheni kemo keno junie!”

MATTHEW 27:54

Ghushimi 100 shou akijeu ngo pa gholo ghushimi qono Jisu jughi khe akelo ayeghi ithakeu eno tile kishi akeno kumtsu ithuluno panonguye kichimamaiveno ishipi, “Paye kuchouno Alhou Nue!”

Luke 1:35

Kungumino li vilo pi: “Aghungu Kimthe no oshou ighi nani eno Alhou kuka oshou ngo nani. Hi ghenguno akimthe nga khikhi punu nani keno tiye Alhou Nu ipi ku nani.

John 10:35

Alhou tsa khunoqo lau ighikeno tipaqo pesu alhouqo kepi ku-puani (eno kuchoyesulo pipuakeuye pevemlake.)

John 17:18

Nono ayeghiqhalo ipuwu kehu toi nighi ayeghiqhalo panoqo puwuvae.

John 17:21

tishianguno panongu kumtsu lakhi shipenike. Apuo, nono ilolo aketoi eno ino ololo aketoi panongu ghi nigholo apeni, tishianguno nono ipuwukeu ayeghiqhano pulu penike.

John 17:8

Kughengu nono atsa khipaqo itsu keno ino panoqo tsuvae, eno panonguye tipaqo ikhiluvae; kuchouno niye olauno ighi kepi panonguno ithi ani eno nono ipuwu kepi panonguno pululuvae.

John 19:7

Judami qono pa khochile, “Paye thimasa kepu niyezah lakhi ani, kughengu pano pa likhi pa pesu Alhou Nu kepi chenike.”

John 20:28

Thoma no pa vilo pi, “IMpeu eno iLhou!”

John 20:31

Ikemu hile yesupe puakeuye nongu pelo Jisu ye Mesiya, Alhou Nu kepi pululu peniyeke eno tipau kupulu vechewo paje lono akuxupu alupeniyeke.

John 3:17

Alhou ye ayeghilo akemi shou kughatha keu betsu nike ghenguno pa Nu puwuke kumoe, ikemu pa vechewo ayeghilo akemi xaluniye ke.

John 3:34

Alhou no khuu puwukeno pano Alhou tsa pesu pitsu, kughengu Alhou no pa Ghungu kupukunoshi pesu pa tsuke.

John 5:30

“Ika-agho loye niye kiumu shimla; Apuh no ivilo pikeulo likhino ino kughathatsu cheni, ikehu ino kughatha keuye achipi, kughengu niye ighoapulou kumono ipuwupuakeu gho apulou shiniyeke.

John 6:27

Puhavekepu chuqupu ghenguno ime mla kevilo, ikemu lhokta kuxupu kutolo achekepu chuqupu ghenguno ime mlalo. Achuqupu tiye Timi Nu no nongu tsu nani, kughengu Apu Alhou no pa shou pa ghaqikeu michipu bevae.”

John 6:38

kughengu niye ighopulou shiniye kungugha lono iqighike kumoe, ikemu ipuwu puakeu ghopulou shiniye ke.

John 6:57

Apuh xuakeu huno ipuwuke eno Apu ghenguno nighi xulu ani. Tihutoi khunono ishi iji chu-shoni keno ighenguno paye xulu nani.

John 6:69

Nino pulu eno ithikeuno noye Alhou launo ighikeu Akimthe lakhike.”

John 8:42

Jisu no panoqo vilo pi, “Alhou no nongu pa puh keaye nonguye ikupuni cheke kughengu niye Alhou launo ipeghi puzu hi ighi. Niye ikutoshino ighike kumoe ikemu pano ipuwuke.

Rommi 1:4

ikemu akimthe pa nguagha vechewo akithi lono xuchile puthuveno akuka akeu Alhou Nu kepi pephepiye. Khristo jelono ashiayeh kumtsu akupulu eno aghokulu lono saphe peniye,

Rommi 8:3

Timi lhoaye no tomo chhimo keghenguno Ayezah no shimlano achekeu hu, Alhou no shivetsuae. Axine shipuhavenike ghenguno Alhou no paNu kuchou, timi xine lhoaye kimihi lono pa puwu puzu timi lhoaye gholono axine kilevetsu.

Rommi 9:5

Panonguye apu-asuqo polokughukomi, eno Khristo ghi timi shi-ghi ighikeu kiqiloye panongu shiayeh ke. Kumtsu shou Alhou no ampi ke pulhapuju pa sheqhe akepue! Amen.

Galatiami 4:4

Ikemu kughou ado kupukulai ighivekeno Alhou no pa Nu puwu, totimi pelo punupe, Judami yezah qholo xupe,