John 10:1 - BAIBEL (BSI)

¹ “Kuchouno ino nongu vilo pini, timi khuuno ahukikha vechesu bherikilo ilomono ala kutauno zumilisu iloghini keno paye kupukami eno suxakulumi lakhie.

Sümi Tiqhelimi Bible

¹ “Phariseemiqo! Kuchou no I no nongu vilo pìní, khukhumu ambe khagho lono ambe khaküthabo lo ilomo püzü alaghi kütau lono milisü iloghini keno, pa ye küpkami eno süxakulumi lakhi ke.

Sumi Naga CL (Re-edited) Bible (BSI)

¹ “Kuchou no I no nongu vilo piani, khuu no ahukikha lono ambeki lo ilo mono ala kütauno zümili iloni keno, pa ye küpkami eno süxakulumi.

John 10:1 ပူးပေါင်းရင်းမြစ်များ

JEREMIYA 14:15

Tungkupmi hupaqoye ino panoqo puwumo amu ije lono aghukishi ngo akhu-ava ye hipa yeghi jole ighimo nani kepi pikeqo shou ino kiu shini cheni keno ni, AMPEU no ovilo piani, ike aghukishi ngo akhu-ava lono ino panoqo heqhipithi nani.

JEREMIYA 23:21

AMPEU no pivae, “Niye tungkupmi hipaqo puwu moke ikeghi panonguno wuke. Niye kiu tsapemu panongu tsumoe, ikeghi panonguno ije lono picheni.

JEREMIYA 23:32

Ni, AMPEU no kiu piani keno inilo! Niye tungkupmi khunoqono pano samo picheni eno tiye akimkino chhitoikeu pi acheni keno tipaqo shou ino moepi anike! Panonguno asamo tipaqo pipuzu panoqo kimki ngo panoqo qhekuza pesu iwu timiqo sakughuzuke. Niye panoqo puwumoke momu panoqo vilo wulo pimoke eno timiqo kiumu kuphulu anike kumoe. Ni, AMPEU no piqhivae.”

JOYIL 2:9

Tipaqono aphughi shou ikaiku; aliwo kuptu shou poiku; Tipaqono akilo mili ilo eno kupkami toi alashe lono kathauke.

MATTHEW 7:15

“Kichile tungkupmi jukutomasa, panonguno ashouye bheri toi nongu lau ighi cheni, ikemu panongu loloye tungtugha yikusa toike.

John 10:7

Jisu no itaghi panoqo vilo pi, “Kuchouno ino nongu vilo pini: Niye bheriqo ghenguno ahukikha ke.

John 3:3

Jisu no pa khochile, “Kuchouno ino ovilo pini, timi khukhumu punu kithemo keloye Alhou yehkipe ithumlae.”

Rommi 10:15

Asutsa kipemi puwumoke, kishi asutsa pikulhaluni kya? Kuchoyesulo pipuake toi, “Atsakiviu pikulhakemi ighikeuye kiutoi jukivi kela!”

Rommi 16:18

Kughengu timi tishi chekemiqoye ningu Mpeu Khristo qe amoe, ikemu panongu kive likhi qe ani. Panonguno ghaghu tsa kuju pesu akukumsu ilaleikemiqo pishiqhi cheni.

Titus 1:11

Panongu kichi lakhave tsu masae, kughengu panonguye pisa kimine launo kujomono shikamokepu pesu shika puzu akibo kumtsu vepusa anike.

IBRIMI 5:4

Timi khunomu achinetou shinike alikhi ampino kishephelu chemoe, ikemu Aron toi timi tipauye Alhou no kuluve cheni.

1 Peter 1:10

Tungkupmi khunono Alhou wu kupukini nongu wu shinikuau atsape shichekeno kishekulushi xakulupu hipau ghili phukidekudaju.

2 Peter 2:1

Ikemu timiqo gholo kichile tungkupmi ghi ipeghi, ike tihutoi nongu gholo ghi kichile kukutsumi ipeghi nani. Panonguno shikupusapu kuchoukumo kukutsu pesu kusuuno ighi nani eno panoqo xachilelukeu Ampeu milive nani eno pano likhi pano shou shikupusapu zuleno sughi nani.

2 Peter 2:3

Panonguno alamine kelauno akimikitsa pipuzu alla kighishelu nani. Khaghino panoqo shou kugha thabeve kepu shiakeu huye munuveake kumoe eno panoqo kutsavekepu shiakeu huye zuanike kumoe.

1 John 4:1

Kimiyechekemiqo, Aghungu aniepikeu jeli kumtsu pulube kevilo, ikemu tipaqoye Alhou launo ighikeo mokeno miqejulo. Kughengu kichile tungkupmi kutomo ayeghilo ipevae,