John 1:51 - BAIBEL (BSI)

⁵¹ Pano pa vilo pi, “Ino kuchouno nongu vilo pini, kungugha khaqhive puzu Alhou wu kungumino Timi Nu shou ikuju eno iqiju akeu nonguno ithulu nani.”

Sümi Tiqhelimi Bible

⁵¹ Tisheno pa no pikibe ghi pi, “Kuchou no I no O vilo pìní, nono ‘kungugha khaqhive no Alhou’w kungumiqo no Timi Nu shou iku iqi,’ akeu ithulu nanie.”

Sumi Naga CL (Re-edited) Bible (BSI)

⁵¹ Pa no itaghi pi, “Kuchou no I no nongu vilo pini, kungugha khaqhi püzü Alhouw kungumi no Timi Nu shou iku-iqiju akeu nongu no ithulu nani.”

John 1:51 ပူးပေါင်းရင်းမြစ်များ

BOTHUBO 28:12

Pano asamo pumokeuno akala lakhi ayeghi lono iku atsutsu toa. Alhou wu kungumino tipaulo ikuju iqiju akeu ithulue.

EZEKEL 1:1

Ampe shighi, aqhi abidiu, atsala apunguni ni Ezekel achineu, Buzi nuye Judami hakughutsuve kemi sasu Babilon lo Kebar ghoki phivilo akelo atsutsu kiyeve eno ino kungunhetsu lono Alhou ithulu.

ZEKHARIA 13:7

Aqokitikhi MPEU no pi, “Idathughilo, azutakihi ipunukhoi mlachekeu bherikheu ghiqhilo! Pa ghiqhilo eno bheriqoye hapiye pighive nani. Ino iwu timiqo leni cheni,

MATTHEW 25:31

“Kughou Timi Nu no ajukuvu lono kungumi kumtsu pa gholo sasu ighini keno tile pano pawu akimthe jukuvu lakhulo iqa nani.

MATTHEW 26:24

Timi Nu huye kuchoyesulo pa ghenguno yepuakeu toi thive nani, ikemu timi khuuno Timi Nu pesu thechu shinikeno pa ghenguno kiutoi ahakusapu kela! Timi tipau ghenguye pa punumove keu pavini cheke!”

MATTHEW 3:16

Jisu no baptiz shilukelo pano azu lono ithughi kemtsa kungugha khaqhitsu eno Alhou Ghungu no miqhedu lakhi toi iqighino pa shou ngove keu pano ithulu,

MATTHEW 4:11

Tileno Ghukujuuno pa qhive, eno kungumi ighino pa huthu auve.

MATTHEW 8:20

Jisu no pa khochile, “Sherqoye ngokepu tuki acheni, eno aghauqono apusu ani; ikemu ni Timi Nu ye pa kutsu mukhu kepu-a ghi kuhae.”

MATTHEW 9:6

Ikemu ni Timi Nu ye ayeghilo akelo axine pevetsukulupu kuka akeu nongu pelo ithi peni.” Tishi pipuzu pano anhu ithamlakeu vilo pi, “Ithulo, ozua kuqha ikhiqhelulo eno akilo wolo!”

Mark 1:10

Kughou Jisu no azu lono ipeghi keno kungugha khaqhiveno Aghungu no miqhedu lakhi toi shino pa shou iqighikeu pa no ithulu.

Mark 14:62

Jisu no pi, “Iye, nike; eno nonguno ni Timi Nu huye Akughushu Lhou u-ajeu iqa akeu eno kungu-u khungkusu lono ighikeu ithulu nani.”

Luke 2:13

Paikhavi lono kungumi aqo kitikhino kungumi hipau gholo ipeghino Alhou sheqhe ghi pi:

Luke 2:9

Tile Ampeu wu kungumi lakhi panongu phivilo ipeghi eno Ampeu jukuvuno panongu homxa yepuvu luveno panonguye shishe musave.

Luke 22:43

Kungugha lono kungumi lakhi pa lau ipeghi eno pa shikumtoe.

Luke 22:69

Ikemu hinguno hilau ni Timi Nu ye Alhou akumtou ajeu kudau iqave nani.”

Luke 24:4

Panonguno highenguno avehu izu akelono paikhavi lono timi kini yevuqai keu phi upuzu panongu phivilo puthughoe.

Luke 3:21

Kughou timi kumtsuno baptiz shiluve keno Jisu ghi baptiz shilue. Pano inikhu akelo kungugha khaqhie,

John 1:50

Jisu no pi. “Ino ovilo nono khughuthibo qholo ake lono noithuluvae pikeu ghenguno noye pulu ani kesha? Hinguno alau thwokha kije nono ithulu nani.”

John 10:1

“Kuchouno ino nongu vilo pini, timi khuuno ahukikha vechesu bherikilo ilomono ala kutauno zumilisu iloghini keno paye kupukami eno suxakulumi lakhie.

John 10:7

Jisu no itaghi panoqo vilo pi, “Kuchouno ino nongu vilo pini: Niye bheriqo ghenguno ahukikha ke.

John 13:16

Kuchouno ino nongu vilo pini, aquaxemi lakhiye pampeu nguno akijeu kumoe; momu aghinikishimi lakhiye pa puwuakeu nguno akijeu kumoe.

John 13:38

Jisu no khochile, “Noye kuchouno ighenguno okuxu pephetsuluni kesha? Kuchouno ino ovilo pini, awuduno ighanike zulo ghuthu kuthu kutolo noye imthae pinani.”

John 14:12

Kuchouno ino nongu vilo pini, khunono ipuluni keno paye ino mlakeu kumla ghi mlalu nani, eno ino Apu lau wuniake ghenguno paye hipaqo kumla nguno akumla kije mlalukha nani.

John 16:20

Kuchouno ino nongu vilo pini: Nonguye igha qah nani ikemu ayeghiqhano alokivi shi anani; nonguye amloksa shi nani ikemu nongu mlokusa hu alokivipu shive nani.

John 16:23

Tipa tsala ighi kelo nonguye ivilo kiumu khumo nani. Kuchouno ino nongu vilo pini, “nonguno ije lono Apu vilo kiu-kiu khuni keno pano tipau nongu tsu nani.

John 21:18

Kuchouno ino ovilo pini, kughou nono apumi shichekeno olikhi ophi chighiche khapuche eno nono khilehi puloni keno tilehi wuche; ikemu kughou nono muchomi shiveni keno, noye o-u chhope ngo puzu kutamino chighiche okhapipe nani, eno nono khile pulomo keno tilehi oxapuwu nani.”

John 3:3

Jisu no pa khochile, “Kuchouno ino ovilo pini, timi khukhumu punu kithemo keloye Alhou yehkipe ithumlae.”

John 3:5

Jisu no pa khochile, “Kuchouno ino ovilo pini, timi khukhumu azu eno Aghungu Kimthe lono punu kithemo keloye Alhou yehkipelo ilomlae.

John 5:19

Jisu no panoqo khochile: “Kuchouno ino nongu vilo pini, Anu ye pa kutoshiye kiumu shimlae,papuhno shiaghikeu pano kiu ithulu nikeno ti likhi pano shi cheni. Apuh no kiukiu shini keno Anu ghi tishi cheni.

John 5:27

Tinguno alau ghi pano Anu pelo kughakutha peithalupe nike akuka tsuvae, kughengu paye Timi Nu ke.

John 6:26

Jisu no panongu khochile, “Kuchouno ino nongu vilo pini: Nonguye amchipu kumla ithuluke ghenguno kumo puzu nongu ghakiqishi asho chuluke ghenguno iphu cheni.

John 6:32

Tileno Jisu no panoqo vilo pi, “Kuchouno ino nongu vilo pini: Muse no kungugha lono asho nongu tsuke kumoe, iPuh no kungugha lono kuchou sho nongu tsue.

John 6:47

Kuchouno ino nongu vilo pini: timi khuno pulu ani keno lhokta kuxupu ani.

John 6:53

Jisu no panoqo khochile, “Kuchouno ino nongu vilo pini: nonguno Timi Nu shi aji chumo eno shomo aye nonguye nongu lolo akuxupu kuha nanie.

John 8:34

Jisu no panoqo vilo pi, “Kuchouno ino nongu vilo pini, khuuno axine shini keno paye axine quaxemi lakhi.

John 8:51

Kuchouno ino nongu vilo pini, timi khunono itsa peluni keno paye khilemu thimo nani.”

John 8:58

Jisu no pi, “Kuchouno ino nongu vilo pini, Abraham zuuno niye aighivae.”

Apostolmi 10:11

eno atsutsu kiyeveno kiukela lakhi ayephu kije xachhokeu toike ashekumtsu bidi lono ayeghi kudau kughujupiqi keu pano ithulu.

Apostolmi 7:56

Pano ishi pi, “Julo! Atsutsu khaqhi akeu eno Alhou- u ajeu Timi nu kungughalo puthugho akeu ino ithulu ani!”

2 Thes. 1:7

nongu nigholo aghime shiakeqoye pano alokughuno tsu nani. Hiye Ampeu Jisu no kungumi sasu kungugha lono ighi kelono tishi nani.

2 Thes. 1:9

Timi tipaqoye alhokupujulo kutsakungokeu ghime ithulu nani eno Ampeu kimthejukuvu lono hapupove nani.

1 Tim. 3:16

Ningu chineyeh tuqhouye kiutoi kije keno khunomu moe pimlakeu ke! Pano timi phi-ashi shi ighike, Achipi kepi Aghungu no piyeve. Paye kungumino ithulupuani, Judakumomi gholo pa pesu pikulhave. Ayeghiqha kumtsulo pa puluwove, Akimthejukuvu lono pa sasu ikuve.

IBRIMI 1:14

Tishiaye, kungumiye Alhou ghini shichekemi qoke eno pano tipaqo puwu puzu xakulupu ithuluniye akemiqo kuphu chenipeke.

Jude 1:14

Hiye Adam lono tiqheli akutsuniulo ikoighi akemi Enok no khaghi timi hipaqo ghenguno ishi pivae: “Ampeu no phikhakumla kungumi akimthemi sasu ighi puzu

Piyeküsü 19:11

Tileno kungugha khaqhikeu ino ithulu eno tilehi khurshi akimiye lakhi ae. Tipau shou iku puzu chekeu pesu Pukhukulu eno Kuchou ipi kutsue; pano achipiu xakutha pesu kughatha eno aghu shiche.

Piyeküsü 4:1

Tipathiu ino kungunhetsu kutau lakhi ithulu ike kungughalo ahukikha lakhi khaqhipua. Puzuu afuko ghugha toikeuno iputsakeu sutsa huno ishipi, “Hilau ikughilo eno hipathiu kiu shiveni cheni keno ino opiyenike.”