John 1:45 - BAIBEL (BSI)

⁴⁵ Filip no Nathana-el sasu kusho eno pa vilo ishipi, “Muse no Ayezah kakulo khuu ghili yepuakeno eno tungkupumino khuu ghili yeh ishikeno timi tipau ninguno phuluvae. Paye Nazaret noghami Josef nu Jisu ke.”

Sümi Tiqhelimi Bible

⁴⁵ Philip no Nathanael ithulu püzü pa vilo ishi pi, “Ningu ye Moses no Ayeza lo timi lakhi ghili yèpüa keu eno khuu tungkupumiqo ghí pa ghili yèpüa keno pa ithuluvae—pa ye Nazareth nó ghami Joseph nopu Jisü ke.”

Sumi Naga CL (Re-edited) Bible (BSI)

⁴⁵ Philip no Nathanael sholu no pa vilo pi, “Timi khuu vehu Moses no Ayezah kaku lo yepüani eno tungkupmi no yepüani keno, ningu no phuluvae, pa ye Nazarethmi, Joseph nu Jisü.”

John 1:45 ပူးပေါင်းရင်းမြစ်များ

BOTHUBO 22:18

Ayeghiqhalo ashiayeh kumtsuno ino oti kughuko kumghavetsu ke toi kumghatsulo pi nani eno tiye nono igholu keu ghenguno ke!”

BOTHUBO 3:15

Atotiu ngo okujo dolo ino kimthikile keu sutsuni, oti ngo li ti dolo ino kimthikile keu sutsuni. Pano oboghe chisheda tsupeni eno nono pa phitsu mighi peni.”

BOTHUBO 49:10

Akukau kusu ye Juda phemoe, eno pa pukhuno tsape ke; Tipau mipeu shikuzuu ighieno timi kumtsu shou ayeh pemoke kuto pa kuka pe anani.

ISAIAH 4:2

Ado ghuloki cheni, AMPEU no ayeghilo atsuni ngo asubo kumtsu jukighilepushi kije kushuwo shi thuwulupe nani. Israilmi achilishi aghikemi pelo ayeghi lono axabo ipeghikeulo akijivilo eno azukuvupu shilupe nani.

ISAIAH 53:2

Hiye AMPEU pulou shiaghive ike pa qeuye ayeghi qhaikeulo asubo lakhino akuhu qusu pesu thuwu akeu kimihi shiaghi kepu shive. Paye ningu pelo paju michilu penike athinibei keu momu jukivipu kuhae Kiu lonomu paye koghe kughu kivi kuhae, pa kudau nimusu sawukepu kiumu kuhake.

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

ISAIAH 9:6

Kughengu ningu lau anga lakhi punutsu ani! Anu lakhi ningu tsupuani! Pano ningu shou ayehkipeu shi nani. Pa pesu, Akichiqhipu Lokutsuu, Akughushu Lhou Shekhahau Apu, Alakishi Kukapuu, ipi ku nani.

MICAH 5:2

AMPEU no pi, “O Bethlehem Efrata, noye Juda lo taun aghulou lakhike, ikemu okudauno Israil ghenguno ino ayehkipeu lakhi saghi nani, pa kibolomi iko ighikeuye mulho ghulokilo idewo ani.”

ZEKHARIA 6:12

Pa vilo Aqokitikhi MPEU no pikeu pesu ishi pilo, ‘Timi khuu Aloka ipi kucheni keno paye pano khile ani keno tilehi no kinikulu shi nani eno pano AMPEU chineki shikithe puku nani.

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

MATTHEW 10:3

Filip ngo Bartholomew; Thoma ngo asuqhakuqhau Mathi; Alfaius nu Jems ngo Thadaius;

MATTHEW 13:55

Hipauye asu kumlami nuke kumo kesha? Pa zaye Maria kekumo kesha? Jems, Josef, Simon eno Judas ishiye pa thikuzumike kumo kesha?

MATTHEW 2:23

eno Nazaret taun ipi chekeulo wupuzu tila acheuve. Tiye tungkupmino, “Paye Nazorio lakhi ipi kunanie.” ipi puakeu shikupu niyeke.

MATTHEW 21:11

Timi tile chekeqono ishi khochile, “Huye Galil bocholo Nazaret noghami tungkupu Jisu huke.”

Mark 14:67

Pitor no ami pugha aghikeu ithulukelo lino pa ju puzu pi, “Noghi Nazaret noghami Jisu gholo cheke.”

Mark 6:3

Paye Maria no nu asu kiyiqimi shichekeuke kumo sha? Eno Jems, Jese,Juda eno Simon noqo pamu kekumo sha? Pa chelimiqoye ningu gholo anike kumo kesha?” Ikehu panonguno pa thaighae.

Luke 18:37

Panonguno pa vilo pi, “Nazaret no ghami Jisu no hechesu wuchenie.”

Luke 2:4

Josef ghi Galil yeghilo Nazaret phu lono Judia lo David phughi Bethlehem lo wu. Josef ghi David laghalomi kehu tilewue.

Luke 2:48

Pa puazano pa ithulu kelo pamaye akichiqhive eno pa za no pa vilo pi. “Anu, noye kushiye ishi ni-peitha kya? Opu ikujoye amlokusa shi ophu cheni.”

Luke 24:27

Muse kakuqolo eno tungkupmino yehpe puakeqo kumtsu lono huthu susu Kuchoyesu kumtsulo pa ghili pi puakeu Jisu no chixechilei pama vilo pi.

Luke 24:44

Tishino pano panongu vilo pi, “Ino nongu gholo aphi lono hipaqo kumtsu nongu vilo pivae!Muse yezahlo,Tungkupmino yehpe puakeulo,eno Leshele lo Ighili yehpe puakeu kumtsu shikupu masae.”

Luke 3:23

Kughou Jisu no pa kumla huthu keno, paye ampe shighia shia eno timino ishi kumsukeuno paye Josef nu, Heli nu,

Luke 4:22

Eno kumtsuno pa shepekeu shie eno pa kichi lono kupukini tsa pikeulo akumzaqhiyive; eno panonguno pi: “Hiye Josef nuke kumo kesha?”

John 1:44

Filip ye Bethsaida taun lono ighi. Tiye Andrew ngo Pitor pamano achekeu taun ke.

John 12:21

Ikehu panonguno Filip lau ighi, (Filip ye Galil lo Bethsaida phulono ighike) eno ishipi, “Akijeu, ninguye Jisu junishi ani.”

John 14:8

Filip no pa vilo iniju, “Ampeu, Apu ningu piyeve aye tino lukumkhae.”

John 18:5

Panonguno, “Nazaret noghami Jisu phuchenike,” ipi khochile kelo, pano pi, “Tihu nike.” Jisu kughape atheshivekeu Judas ye panoqo sasu kumtsa puthugho ae.

John 18:7

Itaghi Jisu no panoqo iniju, “Nonguye khuu phucheni kya?” Panonguno pi, “Nazaret noghami Jisu phuchenike.”

John 19:19

Pilat no piputokeu kaku lakhi yepesu kros shou qhi. Ishi yepe pua, “Nazaret no ghami Jisu, Judami shou Akukau.”

John 21:2

Simon Pitor ngo Thoma (ti Diduma ipichekeu), Galil lo Kana phu lono ighikeu Nathaniel, Zebedi nu pama eno akhopemi kutami kini ishi panongu kumqo ake.

John 6:42

ishipi, “Timi hipauye Josef nu Jisu ke kumo kesha? Nino papuh aza ithi anino paye kishi puzu kungugha lono iqighi kepi ani kya?”

John 6:5

Timi aqokitikhino pa lau chekeu pishipuwo ithulu puzu Jisu no Filip vilo pi, “Timi hipaqono chupenike ninguye achuqupu khilehino qhulu nani kya?”

John 6:7

Filip no khochile, “Ghuka 1000 no asho qhu namu timi hujejehi gholoye atachumu tsuwo toluni chemoe.”

Apostolmi 10:38

Alhou no kishi Nazaret noghami Jisu shou Aghungu Kimthe eno akuka lepuku keno nonguno ithi ani. Alhou no pa gholo ake ghenguno pano aqha kumtsu wu puzu akivi kumla shi eno tughami kuka qholo aghikeqo kumtsu shipivitsu.

Apostolmi 2:22

“Israilmiqo, atsa hi inijulo, Nazaret no ghami Jisu ye nongu lau Alhou no kophetsukemi lakhi nongu gholo Alhou no pa vechewo akumzapu ngo akichiqhipu eno amchipu shikeu nongu ghi tsaqui ithi ani.

Apostolmi 22:8

‘Ampeu, no khuu kya?’ ipi ino iniju kelauye pano ivilo ishi pi, ‘Niye Nazaretmi Jisu, nono shikighime akeu huke.’

Apostolmi 26:9

“Ni ampi ghi kumsuche keuno Nazaret noghami Jisu je mujochile kepushi ino shiluke thaqhu shimasa kepi acheke.

Apostolmi 3:6

Tile Pitor no pi, “Nikujoye shuna mu tsandi mu kuhae, ikemu nino kiu ani keno ti otsuni, Nazaret noghami Jisu Khristo je lono noye alachelulo!”