John 1:3 - BAIBEL (BSI)

³ Alhou no pa vechewo thwokha lhoke eno pa sumoke loye kiumu lhoqhi pe puamoe.

Sümi Tiqhelimi Bible

³ Pa vechewo thime kümtsü lhophe ke; lhosüpüa keu thimeqo lakhimu pa sümo no lhosü pe püamoe.

Sumi Naga CL (Re-edited) Bible (BSI)

³ Pa vecheo thokha lho eno Pa sümo keloye kiumu lho püamoe.

John 1:3 ပူးပေါင်းရင်းမြစ်များ

BOTHUBO 1:1

Abothu lono Alhou no atsutsu ngo ayeghi lhoe.

BOTHUBO 1:26

Tileno Alhou no pi, “Ningu julho eno ningu kimihi shighi timi mlapheni nolo eno panoqo pelo azughilo akhaqo, ayeghilo aghauqo, tikishi ngo tughashiqo eno itikiche lhoxuqo kumtsu shou qhasulupenie.”

LESHELE 102:25

Kha-ghino nono ayeghi lhopheke, eno o-u ampino kungugha mlake.

LESHELE 33:6

AMPEU tsano kungugha lhoke, aqhi, tsukinhe eno ayepuqoye pa tuthu kisheno lhoke.

AHOLE 8:30

Aki kishilo kughukutsumi lakhi toi niye pa phivilo ake, tsalakipetsulo paye ilauno alovilu cheke. pa gholo akelo pulhapuju alokivi shike,

ISAIAH 45:12

Ayeghi lhokeu huye inoke eno tile kughunape nike timi jeli lhoke. Ikuka pesu ino kungughaqo sukhope qhike; ino tsukinhe, aqhi eno ayepuqo tsuqupe ani.

ISAIAH 45:18

AMPEU no kungughaqo lhopheke, Alhou ipichekeu huye pake! Pano ayeghi kughu eno lhopheke, pano hipau mutotoi shike eno pepushu niyeke. Paye hipau pesu munamghai lhoke kumoe, ikemu timi pelo kughunache peniyeke. Hipau pikeu huye panoke, “Ino AMPEU ke, alhou kutau kuhake.

John 1:10

Atsa huye ayeghiqhalo ae. Alhou no pa vechewo tsutsu yeghi lhoke, ikeghi tsutsu yeghilomino pa ikhilumoe.

John 1:2

Atsa huye inahuuno Alhou gholo ae.

1 Kor. 8:6

tishimu ningu ghenguye Alhou lakhi likhi ani, paye Apu ke, thwokha pa launo ighi eno pa ghenguno ninguye xuaghiluke; eno Ampeu lakhi likhi akeuye Jisu Khristo ke, pa vechewo thwokha ighi eno pa ghenguno ninguye xuaghiluke.

Ephesiami 3:9

Alhou wu tuqhou kukughu kishi shiwoni cheni keno timi kumtsu pelo ithulupe niyeke. Thwokha lhotsukeu Lhou no wovekeu tiqhelimi kumtsu launo pawu tuqhou huye kusupe puacheke,

IBRIMI 11:3

Akupulu lono tsutsu yeghiye Alhou tsano lhophe kepi ninguno ithi kuthulu cheni, tishi kehu kiu ithulu anikeno tipaqoye kumu kuhakeu lono mlaphepuanike.

1 John 5:1

Khunono Jisu ye Mesiya kepi pulube cheni keno paye Alhou nulike; eno khunono apu aza kimiye cheni keno ati anuli ghi kimiye cheni.

Piyeküsü 3:14

“Laodikia kukuhoulo kungumi akeu lau yelu ani: “Atsape hipauye Amen launoke, pukhukuluu eno ashepeu kuchou; Alhou no lhophe puakeqo shou atughiu launoke.

Piyeküsü 4:11

“NiMpeu eno niLhou! Nono akimthejekipi, agigihupu eno akuka ithulu kuzupuke; Kughengu thwokha nono lhopheke, opulou lono panonguye achenipe eno lhophepe qhike.”