John 1:29 - BAIBEL (BSI)

²⁹ Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

Sümi Tiqhelimi Bible

²⁹ Tishiwo thoghiu Jisü no pa küdau chekeu ithulu kelo John no ishi pi, “Julo, Alhou’w Ambeti khuu ayeghilomi xiné pevetsü keno hi chenie!

Sumi Naga CL (Re-edited) Bible (BSI)

²⁹ Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

John 1:29 ပူးပေါင်းရင်းမြစ်များ

IPEKULU 28:38

Aron ye tipau pa kishelo pepulo tishianguno Israilmino akumllagho pephepe itsu keu tsala momu timiqono tipaqo pesu imllakeulo kuquve pinamu, Ni AMPEU no ikhilu tsu nani.

ISAIAH 53:10

AMPEU no pi, “Pano aghime shikeuye ipulou ke; pa kithiye peve tsukile keu sughinike aghashikeuke. Ikehu paye pa laghami ithulukha nani; paye akuxu kushuwa xu nani, eno pa vechewo ino kimji pesu akeu tokulupu shi nani.

ISAIAH 53:11

Ghichhe ghime kuxu thikhauno, paye itaghi alovilu nani, paye adou lono imepuamo kepi ithilu nani. Iqeu amlo tsuchekeu, khuu shou ilokiqipu acheni keno timi kutomo ghimepu pano pepuluve nani eno pa ghenguno ino pano xine pevetsu nani.

ISAIAH 53:7

“Mughachhoi pa peithake, ikemu akumtsa shi puqheluveke; paye atsa lakhimu piqhimoe. Bheriti lakhi ghiqhiniye akelo toi, bheri lakhi amhi gholuveniye akelo toi paye atsa lakhimu piqhimoe.

HOSIYA 14:2

AMPEU lau ide ighivelo eno pa lau akumllagho shikeu kighini hipau shilo: “Nixineqo kumtsu pevetsulo eno nikukhu kighini ikhilutsulo, eno ninguno tushoqhive keu toi ninguno osheqhe nike.

ACHINE 10:17

“Nonguye kushiye axine kumllagho akimthea lono chuvemo kya? Tiye ighono akimtheke eno AMPEU no aqoahomi xine ikhisuwuve tsuniaye tipau nongu tsuveake.

ZEKHARIA 13:1

“Tipa tsalalo David polo kughukomi ngo Jerusalem lo kughuna akemi axine ngo ajulho mllakeu qhukimtheve tsunike ghenguno azupuki lakhi khaqhitsu nani,” ipi Aqokitikhi MPEU no pike.

AKIKIHI 18:1

AMPEU no Aron vilo pi, “No, onuliqo eno Levi laghaqono ino ngochekeu Phiki lo thosulo mlacheu kikimelo kiuano kuqulu aye tipau kipimiye nonguno pumayesa ke, ikemu no eno onuli likhino achineu kumla sajelo shipimilu keu makho pumayesa nani

AKIKIHI 18:23

Hinguno hilau ye Levimi likhino Aphiki jukutolo eno tipau makho kuchopu pumasake. Iqemokepu yeh hipauye nolagha kughuko shou ghi be anike. Levimiye Israil lo iqemokeu kialu mheghi pighimoni,

AKIKIHI 21:9

Titoi Muse no alazayi pesu apighi lakhi kughulhono aqhaqhi lakhi shou bepe qhi. Khuu khumu mighi puaghikemiye alazayino shikeu pighi shou jupukuno viluve cheke.

MATTHEW 1:21

Lino anu lakhi punu nani eno noye paje Jisu kutsulo, kughengu pano paw timiqo xine lono xalu nani.”

MATTHEW 20:28

Timi Nu thotsu kutami pelono pa qepeniye ighike kumoe, ikemu kutami qeniye ighike eno timi kutomo xaphelu nike pa kuxu tsuniye ighie.”

John 1:35

Tishiwo thoghiu tsalani Johan no pa khopemi kini sasu itaghi tile puthugho akelo

John 1:36

Jisu no chesu wucheghi keu jupuzu pi, “Julo, Alhou wu Bheriti!”

John 1:43

Tishiwo thoghiu Jisu ye Galil lo wunikeu shi kughuve. Pano Filip sasu kusholu kelo pa vilo ishipi, “Igholo ighilo!”

John 2:1

Atsala akuthuni Galil yeghilo Kana ipikeu phulo kulakupu lakhi shia eno Jisu paza ghi tile ae,

John 3:16

Kughengu Alhou ye ayeghilomi kimiyekutuke ghenguno pa Nu lakhi likhi akeu tsuke, tighenguno khunono pa shou pulube nikeno puhavemo nani, ikemu lhokta kuxu ithulu nani.

John 4:42

tipaqono atotiu vilo pi, “Nono pikeu ghengu likhino puluke kumo puzu ningu ampino pano pikeu chiluvae, eno kuchouno paye ayeghilomi xakuluu kepi ninguno ithivae.”

John 6:51

Niye timi puxulukepu sho kungugha lono iqighie. Timi khunono hipa sho chuni keno paye alhokupuju xu nani, eno ino asho tsuniye akeuye ishi ajike, hi ayeghiqha puxunike ino tsu anie.”

Apostolmi 13:39

Muse yezah qholo khikhi nongu phepuwuve mlakeu thime kumtsu ani keno, pululukemiye kumtsu pa launo phepuwuve kulupu shilue.

Apostolmi 8:32

Pano kuchoyesu phichekeu kihe doye hike: “Paye Bheri lakhi toi pa ghiqhipe kepushi sawupe; Pa ye Bheritino amhi gholukeu zulo ighamoke toi; Pa ye atsa lothi lakhimu piqhimoe.

1 Kor. 15:3

Kughengu ino kiu ithulukeno ighono akhotou kepi nongu lau ino ikhiphe pesu tsuke: ike kuchoyesu kiqi loye Khristo no ningu xine ghenguno thivetsu,

2 Kor. 5:21

Khristo ye axine kuhae, ikemu Alhou no pa pesu axine kughulhovetsu, tishianguno pa gholo kuqhape akeu lono ninguye Alhou mikucho kusajelupeniye ke.

Galatiami 1:4

Khristo no kixikila tiqheli xine lono ningu xapheluniaye pa mpi pesu tsuve, tiye ningu Lhou eno Apu pulou lonoke.

Galatiami 3:13

Khristo no ningu zuqhushi angusuu shive puzu Ayezah lo musuini puakeu launo ningu xapheluve, kughengu kuchoyesulo ishi pipuani, “Timi khuuno asubolono tshuqhi thiveni keno paye musuiniva.”

1 Tim. 2:6

Timi kumtsu xachilelu nike pano pa ampi tsuveke, ikehu ado achipi lono Alhou no timi xalu nishi akeu shepe shike.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

IBRIMI 1:3

Paye Alhou kimthejukuvu wu mulapuyi yebidekeuke, paye Alhou lhoaye sasu aphiphishi kimihi anike eno tsutsu yeghi thwokha kumtsu pa tsalo akuka akeu huno sukimepe anie. Timiqoye axine lono shikimthe kulupushi pano shivetsu kethiuye, paye kungughalo Akughushu Lhou uajeu iqae.

IBRIMI 2:17

Tighenguno paye thwokha jeli lono pa thikuzumiqo kimihi shimasaveke, tishianguno panoqo wu pukhubekulupu eno amlo ighiqhiyi keu achinetou lakhi shipuzu Alhou huthupeniyeke, tishilukeuno timiqo xine pevetsukulupu shiniyeke.

IBRIMI 9:28

Tihutoi Khristo ghi timi kutomo xine puluvetsu nike ghuthu khavino pa likhi pa ikhiphetsuve. Paye ghuthu akiniu ipeghi nani, tiye axine ikhive tsunike ghenguno kumoe ikemu pa huqhekhe aghikemiqo xaluniyeke.

1 Peter 1:19

ikemu bheri tukutiye kuhakeu jih toikeu Khristo jih amekusho pesu nongu xapheluke.

1 Peter 2:24

Khristo ampino kros lo pa phimpi lono ningu xine xapuluveke, tishianguno ninguye axine launo thive puzu Alhou lau amikucho kuxu xupeniyeke. Pa zakuqo pesu nongu shipiviluvae.

1 Peter 3:18

Kughengu Khristo ghi axine ghenguno ghuthu khavilo kumtsu ghenguno thiveke, amikuchouno amikuchokumomi ghenguno thive, tishianguno Alhou lau ningu saghiniyeke, eno aphimpi lono pa pithive ikemu angu-aghapu kuxulo pa xuputhuve;

1 John 2:2

Khristo ye nixineqo pevetsu nikeu ghenguno aghakishiuke, eno nixineqo ghengu likhi kumoe ikemu ayeghilomi kumtsu xineqo ghenguno ghike.

1 John 3:5

Nonguno ithianike Khristo no ipeghikeuye axine ikhisuwuve niyeke, eno pa lolo axine kiumu kuha.

1 John 4:10

Kikimiye ye hipauke: ninguno Alhou kimiyeke kumoe ikemu pa no ningu kimiyeke eno pa Nu puwu puzu ningu xine pevetsu nike ghenguno aghakishiu shivepeke.

Piyeküsü 1:5

eno Jisu Khristo no amikuchoshi ashepe shichekeu, kithimi gholono xuputhu tughiu, ayeghilo kukami shou ayehkipeu launo kupukini eno aloinokeu nongu wu shilupeniu. Khuno ningu kimiye eno pa jih vechewo axine lono ningu xaphelu,

Piyeküsü 12:11

Ni thikuzumi qono Bheriti jih pesu eno panonguno kuchou shepetsa pesu pa shou toluvae; kughengu nithikuzumiqoye thivekepu shike kutolo panongu kuxu tsuvenishike.

Piyeküsü 13:8

Ghiqhivekeu Bheriti wu akuxupu kakulo aje yepuku puaghi kemi nguno alauye ayeghi lhophe kelono acheghi kemi kumtsu tughashi hu mlla nani.

Piyeküsü 14:1

Tileno ino jukelauye, Bheritino Zion naghutolo puthugho aghi, eno pa gholo timi 144,000 aghi, eno panoqo kishelo Bheriti je ngo pa Puh je yepuku pesu ae.

Piyeküsü 14:10

timi tipauye Alhou loghu ji lekitemokeu pa jukhulo lesuno shope nani. Timi tipauye kungumi akimthemi zulono eno Bheriti zulono ami ngo amichu pesu pitipuzaqhi nani.

Piyeküsü 14:4

Timi hipaqoye totimi pelo pano kuxu shipusapemoe, kughengu panonguye akimthe shi acheke. Panongu ye Bheritino khilau wuni keno tipau papeche; xachile luve kemi timi hipaqo gholono amsumi shighi Alhou lau eno Bheriti lau pesu tsuvekemiqoke.

Piyeküsü 15:3

Panonguye Alhou qeu Muse sheqhekeu le eno Bheriti sheqhe keu le ishi pheae: “Ampeu, Alhou Akumtou, okumlaqo ye kije eno akumzapu ke! Ashiayeh kumtsu shou Akukau, olaghiye achipi eno kuchou ke!

Piyeküsü 17:14

Panonguno Bheriti sasu aghushi nani; ikemu Bheriti no panoqo leluve nani, kughengu paye ampemi shou Ampeu ke eno kukami shou Akukauke; eno pa papemi, kukulumi, kishekulumi kuqhano pa shou toluve nani.”

Piyeküsü 19:7

Ningu alokiqishi alovini nolo; paye shishe kije kehu ninguno pa sheqheni nolo! Kughengu Bheriti wu kulakupu ghuloki ighivae, pawu kulaliuye tipau ghenguno kutopesu ngoluvae.

Piyeküsü 19:9

Tileno kungumi huno ivilo ishipi: “Hipau yepe qhilo. Bheriti wu kulakupu ghulhulo khunoqomi kusuni keno tipano kumghae.” Pano ivilo highi pi, “Hipaqoye Alhou tsa kuchouke.”

Piyeküsü 21:14

Aphughi puwupe akeu huye atuqu chighikini shouno shipukupe puae, atuqu tipaqo shou Bheriti wu apostolmi chighikini je yepukupe puake.

Piyeküsü 21:27

Ikemu kiukiumu alhoksano kitiqevekeu thaqhuye aphughi tipaulo ilomla, momu khunono akukujopu kumla shi cheni eno miki cheni keno tilehi ilomla nani. Timi khunoqo je Bheriti wu akuxupu kakulo yepe puaghini keno tipaqo likhino aphughi tipaulo ilolu nani.

Piyeküsü 21:9

Kungumi tsuni pusa bohu tsuni peakeqo gholo lakhino ilau ighino pi, “Ighilo, Kulaliu, Bheriti nipu opiyenike.”

Piyeküsü 5:6

Tileno akuka lakhu ngo akuxu akeu lhoxuqo dolo eno muchomiqo gholo Bheriti lakhi puthugho aghikeu ino ithulu. Bheriti huye ghiqhipuakeu toi ipeghi. Tiye akibo tsuni pua, tipaqoye Alhou kimthe ghahwu tsuni ayeghiqhalo puwu puakeqoke.

Piyeküsü 5:8

Kughou pano likuzu kaku ikhilu keno, akuxu akeu lhoxu bidi ngo muchomi mukubidi no Bheriti zulo itsaiqi. Panongu lakhi khino akighi lebo ngo tsungquikeuno abohu chhitoikeu pesu ae, tipaqoye Alhouw timiqo kukhukighinike.

Piyeküsü 6:1

Tileno Bheritino likuzu kaku mekhapuakeu tsuni gholo atughiu suphono lhaphe keu ino ithulu, ikelo akuxu akeu lhoxu bidi gholo lakhino tsutsukusu ghugha kimihi lono ishipi, “Ighilo!”

Piyeküsü 6:16

Panonguno naghuto ngo atuquqo vilo ishipi, “Ni veqaluvelo eno akuka lakhulo iqa akeu zulono eno Bheriti loghu launo nikughutshuvelo;

Piyeküsü 7:14

“Akijeu, nono ithiani thono niye mthae,” ipi ino khochileve. Tileno pano ivilo ishi pitsu, “Hipaqoye shikighimekeu kitikhi hechesu ighilukemiqoke. Panonguye Bheriti jih pesu chijebobokeu phi qhukimthe luvekeqoke.

Piyeküsü 7:17

Kughengu akuka lakhu mutalo akeu Bheritino panongu kheu shive nani, pano panoqo sasu akuxupu zupukilo sawu nani; eno Alhou no panongu nhezu isuvetsu nani.”