Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




John 1:18 - BAIBEL (BSI)

18 Khunomu Alhou ithumla aphi. Ikemu Anu khuu Alhou sasu aphiphi keno pa vechewo Alhou ye kiu toi keno ningu lau pephe piyetsu.

အခန်းကိုကြည့်ပါ။ ကော်ပီ

Sümi Tiqhelimi Bible

18 Khunomu Alhou ithumla aphie, ikemu Apù ye Anu lakhi likhi akeu lau pa pephe-piyevae, Anu ye Alhou ke eno pa ye Apù sasü kupunukhoi kütshükime pe acheni.

အခန်းကိုကြည့်ပါ။ ကော်ပီ

Sumi Naga CL (Re-edited) Bible (BSI)

18 Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

အခန်းကိုကြည့်ပါ။ ကော်ပီ




John 1:18
41 ပူးပေါင်းရင်းမြစ်များ  

“Kuchono niye Alhou ithuluvemu ishi xuaghilu nani ke sha?” ipi lino pike. AMPEU no li putsa kehu paje, No Alhou no ijuthulue ipi ku-tsue.


Pano Abraham putsa tave kemtsa AMPEU ye pa lalo cheve eno Abraham no pa kilo idewove.


Pa jukutolo eno pa gho lulo. Pa shou hebide kevilo kughengu ino pa puwu anike eno paye hebidekeu kipimi qhitsumo nani.


Aki kishilo kughukutsumi lakhi toi niye pa phivilo ake, tsalakipetsulo paye ilauno alovilu cheke. pa gholo akelo pulhapuju alokivi shike,


Bherikheu lakhi toi pano pawu alojimi heju nani; pano bheritiqo hekutsu pesu pa ulono khapeni; pano mukhano tipaqo paza sawuni.


Muzuthi tughuthi kelauno panonguno azanoqo lau ighasu wuke; Panonguye izapu akeshi alaghilalo ikiqie, eno azano khape pulaghi pano kuxu sutha huve.


Tighenguno niye pa vilo aholeuno pimono agi kinheqhe no mutsumishei putsa cheni; paye ikoghe ghi ithulu apeke! Nokujoye kishi puzu ighumono iqeu Muse piputha anikya?”


“Ipuh no thwokha kumtsu itsuvae. Apuh likhino kumoaye khuu nomu Anu mthae eno Anu likhino kumoaye khuu nomu Apuh mthae, eno Anu no khunoqo pelo Apuh ithipe nike pephepiye nikeno tipaqono kumoaye khuunomu Apuh mthae.


Ipuno thime kumtsu pesu itsuvae; Apu likhino thono Anu ye khuu kela khunomu mthae,eno Anu likhino thono Apuye khu kela eno Anu no khuno lau pephepiye niye kishelu keno tipano likhino thono khunomu mthae.”


Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.


Isaya no hipau pikeuye pano Jisu jekipipu ithuluke ghenguno pa ghili pike.


Akhopemi gholo lakhi Jisu no kimiyechekeu huye Jisu mumupe iqa-a.


Jisu no pa khochile, “Filip, niye hitotohi nongu sasu a-ighivea puzu noye itehi kutolo nimtha kesha? Khunono ni ithuluve akeno paye Apu ithuluvae. Tishiaye noye kishi puzu, ‘Apu ningu piyelo’ ipi kya?


Ino panoqo pelo oje ithiveape eno ino ti ithiape nani, tishianguno nono kishi ikimiye keno tipau kikimiye panoqo lolo apeni, eno niye panoqo lolo apenike.”


“Ayeghilomi gholono nono khunoqo ikhiphe pesu itsu keno tipanoqomi lau ino oje pephe piyevae. Panonguye owu ake, eno nono panongu itsuke, eno panonguye otsa peluvae.


Kuchouno ino ovilo pini, nino kiu ithi ani keno tipau picheni eno nino kiu michiluvea keno tipau ashepe shitsu cheni, ikemu nonguno nino ashepe shitsukeu ikhilumoe.


Tipau kiqiye Alhou launo khuu ighikeno pa likhino Apu ithuluveake thono kumtsuno Alhou ithuluve akepi niye piamoe.


Panongu ghenguye hipau yeghilo tughakusano akukumsu sakughuzuve tsuke, tishianguno panongu pelo Alhou ngulho kimihiu Khristo kimthe jukuvu ghili atsakiviu launo akuvu ighichekeulo jupukulu pemoniyeke.


AMPEU no ami lono kishi nongu putsa eno nongu putsa keuye chilu kemu paye kiu julho koghe keno piyemo, tipau pesu nongu tianuli vilo pilo.


Khristo ye ithukumlau Lhou jukimihi ke. Paye lhophe puakeu kumtsu gholo anoghiuke.


Lhokta Kukau thivemlakeu eno ithulu chemokeu Alhou ye pa likhikeu pa lau alhokupujulo agigihu eno akimthe jekipi shi achelo! Amen.


Pa likhino thimlakeuke eno avilo wumlakeu kuvulo acheni, khunomu pa ithulu puamokeu, eno khunomu pa shou jupukumla keuke. Agigihu kije eno lhokta kukaqha pa lau alo! Amen.


Joshua no Jerikho kupunulo akelo timi lakhi paikhavi pa zulo puthugho aghike ithulu eno azutakihi pe aghi, Joshua no pa lau wuno, “Noye niwu ghushimi gholo lakhi keo nighumi kya?” pi iniju.


Timi khunomu Alhou ithulu mphie, ikemu ninguno lakhino lakhi kimiye aye Alhou no ningu gholo acheni eno pa kikimiyeye nilolo ani.


Timi khuno, “Niye Alhou kimiye cheni” ipi puzu athikuzumi mithi cheni keno paye kimkimi lakhike. Kughengu khunono pano ithulu chekeu athikuzumi kimiye chemokeno, paye ithulu chemokeu Lhou kimiye mlae.


Alhou kikimiye ningu gholo pephepiyeve keuye hipauke: Alhou no paNu akighipi akeu pesu ayeghiqhalo puwutsu, tishianguno pa vechewo ningu pelo xulupeniyeke.


Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ