John 1:14 - BAIBEL (BSI)

¹⁴ Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

Sümi Tiqhelimi Bible

¹⁴ Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

Sumi Naga CL (Re-edited) Bible (BSI)

¹⁴ Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 1:14 ပူးပေါင်းရင်းမြစ်များ

LESHELE 2:7

Kisheluve keu akukauno pi, “AMPEU zahkutsu pesu ino asheshuni. Pano ivilo pi, ‘Noye inu ake, ishi tsala lono ino opuh shiluvae.

LESHELE 45:2

Timi dolo noye ajukiviu ke, atsapilo noye aghileshi pilukemi, Alhou no pulhapuju okumghatsu cheni.

LESHELE 85:9

Kuchouno khunoqono pa gihuni keno paye tipaqo xalunikeu kutope ani, eno niyeghilo pawu xalu ache nani.

ISAIAH 40:5

Tileno AMPEU kimthe jukuvu pephe piye nani, eno timi kumtsuno tipau ithulu nani. AMPEU ampino hipau piqhipe puani.”

ISAIAH 53:2

Hiye AMPEU pulou shiaghive ike pa qeuye ayeghi qhaikeulo asubo lakhino akuhu qusu pesu thuwu akeu kimihi shiaghi kepu shive. Paye ningu pelo paju michilu penike athinibei keu momu jukivipu kuhae Kiu lonomu paye koghe kughu kivi kuhae, pa kudau nimusu sawukepu kiumu kuhake.

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

EZEKEL 37:27

Ino panoqo sasu tile kughuna nani; ino panoqo Lhou shive eno panonguye iwu timi shive nani.

MATTHEW 1:16

eno Jakob nuno Maria kimi Josef ke, Maria no Jisu punu, pa je pe Khristo ipi kutsu.

Luke 2:11

kughengu David phughilo itijino nongu lau xakuluu lakhi punu ani, tiye Khristo Ampeu!

Luke 2:7

lino anu atughiu punu lu, eno lino aphino kuzuno amshi khulo pa puzu, kughengu panongu ghenguno inami kuwu kilo akungoa kuhave.

Luke 9:32

Pitor eno pa kusamiqoye qeyi zuhuve, panonguno idaithughino pa jukuvu gholo timi kini puthugho aghikeu ithulue.

John 1:1

Inahu abothu lono Atsa ae, Atsa huye Alhou gholo ae; eno Atsa huye Alhou ke.

John 11:40

Jisu no li vilopi, “Nono pulu aye noye Alhou kimthe jukuvu ithulu nani kepi niye ovilo piveake kumo kesha?”

John 14:6

Jisu no pa khochile, “Niye alaghi, niye kuchou eno niye akuxupuke, ivechemo keloye timi khunomu Apu lau wumlae.

John 14:9

Jisu no pa khochile, “Filip, niye hitotohi nongu sasu a-ighivea puzu noye itehi kutolo nimtha kesha? Khunono ni ithuluve akeno paye Apu ithuluvae. Tishiaye noye kishi puzu, ‘Apu ningu piyelo’ ipi kya?

John 17:22

Nono akimthe-jekipi khikhi itsu keno, ino panoqo tsue, tishianguno nikujono lakhi shi ake toi panonguye lakhi shipenike;

John 17:24

Apuo! niye nono khunoqomi itsuve akeno tipaqo pelo niye khile ani keno igholo apenikeu ipulou ani, eno ayeghiqha lhophemphi lono nono ikimiye puzu akimthe jekipi itsukeu panongu pelo ikimthe jekipi ithulupeni shi ani.

John 18:37

Ikelo Pilat no pa iniju, “Tishiaye noye akukau lakhi kesha?” Jisu no khochile, “Niye akukau lakhi kepi nono pianie. Ipunukeu eno ino ayeghiqhalo ighikeu kimijiye highenguno ke: Kuchou ghili ashepe tsuniyeke. Khunono kuchou laumi keno paye isutsa inicheni.”

John 2:11

Jisu no amchipu kumla shikeu gholo hino atughushi Galil yeghi lo Kana phu lono shike, eno pa kimthe jukuvu pephepiyeno pa khopemino pa puluve.

John 3:16

Kughengu Alhou ye ayeghilomi kimiyekutuke ghenguno pa Nu lakhi likhi akeu tsuke, tighenguno khunono pa shou pulube nikeno puhavemo nani, ikemu lhokta kuxu ithulu nani.

John 3:18

Khunono Anu pulu nikeno kughakutha bemovae; khunono pulumo nikeno tipano shou kughakutha bevae, kughengu panonguye Alhou Nu lakhi likhi akeu shou pulubemoe.

John 6:51

Niye timi puxulukepu sho kungugha lono iqighie. Timi khunono hipa sho chuni keno paye alhokupuju xu nani, eno ino asho tsuniye akeuye ishi ajike, hi ayeghiqha puxunike ino tsu anie.”

John 8:32

nonguno kuchou ithi nani eno kuchouno nongu xaphe nani.”

Rommi 8:3

Timi lhoaye no tomo chhimo keghenguno Ayezah no shimlano achekeu hu, Alhou no shivetsuae. Axine shipuhavenike ghenguno Alhou no paNu kuchou, timi xine lhoaye kimihi lono pa puwu puzu timi lhoaye gholono axine kilevetsu.

Rommi 9:5

Panonguye apu-asuqo polokughukomi, eno Khristo ghi timi shi-ghi ighikeu kiqiloye panongu shiayeh ke. Kumtsu shou Alhou no ampi ke pulhapuju pa sheqhe akepue! Amen.

1 Kor. 15:47

Timi atughiuye ayeghimukhuno lhoke; timi akiniuye kungugha launo ighike.

2 Kor. 12:9

Ikemu pano ivilo ishipi, “Iwu kupukiniye oghenguno lukumkha; kughengu ikukaye tomo chhimokeu lono akumto kije shilucheni.” Tishiaye niye ino tomo chhimono akeulo qhezani cheni, tishianguno Khristo kuka igholo achepe niyeke.

Galatiami 4:4

Ikemu kughou ado kupukulai ighivekeno Alhou no pa Nu puwu, totimi pelo punupe, Judami yezah qholo xupe,

Ephesiami 3:8

Niye Alhou timiqo gholo kumtsu nguno aku amighiu ke, ikeghi Khristo gholo kihikhamlakeu kini akeu Judakumomi vilo atsakiviu pikulha penike Alhou wu kupukini itsuke,

Kolosiami 1:19

Kughengu Alhou no Anu lolo Alhou lhoayeh kumtsu apenikeu shike,

Kolosiami 2:3

Khristo gholo Alhou lokutsu eno akighithi khuki kumtsu kusupe puanike.

Kolosiami 2:9

Kughengu Khristo philo Alhou lhoayeh kuchopu kupu anike,

1 Tim. 3:16

Ningu chineyeh tuqhouye kiutoi kije keno khunomu moe pimlakeu ke! Pano timi phi-ashi shi ighike, Achipi kepi Aghungu no piyeve. Paye kungumino ithulupuani, Judakumomi gholo pa pesu pikulhave. Ayeghiqha kumtsulo pa puluwove, Akimthejukuvu lono pa sasu ikuve.

IBRIMI 1:3

Paye Alhou kimthejukuvu wu mulapuyi yebidekeuke, paye Alhou lhoaye sasu aphiphishi kimihi anike eno tsutsu yeghi thwokha kumtsu pa tsalo akuka akeu huno sukimepe anie. Timiqoye axine lono shikimthe kulupushi pano shivetsu kethiuye, paye kungughalo Akughushu Lhou uajeu iqae.

IBRIMI 1:5

Kughengu Alhou ye khilemu pawu kungumi lakhi vilomu ishipi puamoe, “Noye iNu; Ishitsalano ino oPu shiluvae.” Momu kungumi khuvilomu ishi pimoe, “Ino paPu shive nani eno paye iNu shive nani.”

IBRIMI 10:5

Tishike ghenguno, Khristo no ayeghiqhalo iloghi nichekelo pano Alhou vilo ishipi: “Noye lhoxu heqhipe aghashikeu eno mllakeulo aghaqi chemoe, Ikemu ighenguno nono aphimpi lakhi kutope qhitsuke.

IBRIMI 2:11

Pano timiqo xine shikimthetsu cheni, ike pa eno pano shikimthevekemi kumtsu Apu lakhike. Tipau ghenguno Jisu ye tipanoqo pesu pa thikuzumi kepi pinikeu kujochemoe.

IBRIMI 5:5

Titoi, Khristo ye pa pelo achinetou shipeniye pa likhi pa sunheqheke kumoe, ikemu pa susukeu Alhou no ishi pa vilo pi, “Noye Inuke; Ishitsala lono ino oPu shiluvae.”

1 John 4:14

Nino ithuluvae eno kutami vilo Apu Alhou Nu pelo ayeghiqhalo Xakuluu shipeniye puwu kepi ninguno ashepe shiani.

1 John 4:9

Alhou kikimiye ningu gholo pephepiyeve keuye hipauke: Alhou no paNu akighipi akeu pesu ayeghiqhalo puwutsu, tishianguno pa vechewo ningu pelo xulupeniyeke.

2 John 1:7

Ayeghiqha kumtsulo pishikiqhimi kutomo ipeghivae, timi tipaqono Jisu Khristo ye timi shiajih pepuno ighikepi ikhiluchemoe; titoikemiye pishikiqhimi eno Khristo Kimthiu ke.

Piyeküsü 19:13

Pano chijebobo phi tipau uchekeuye ahjino dapusu ae. Pa jeye “Alhou Tsa” ipi kuche.

Piyeküsü 21:3

Akuka lakhu lono asutsa kuloghi lakhi ishi pikeu ino chilu: “Julo, itehiye Alhou no timi gholo acheuvae! Pano panoqo gholo xu nani eno panonguye pawu timi shive nani. Alhou ampino panoqo gholo anani eno paye panongu Lhou shive nani.