John 1:10 - BAIBEL (BSI)

¹⁰ Atsa huye ayeghiqhalo ae. Alhou no pa vechewo tsutsu yeghi lhoke, ikeghi tsutsu yeghilomino pa ikhilumoe.

Sümi Tiqhelimi Bible

¹⁰ Pa ye ayeghi lo ae, eno pa vechewo ayeghiqha lhophe kemu ayeghilomi no pa ikhilumoe.

Sumi Naga CL (Re-edited) Bible (BSI)

¹⁰ Pa ye ayeghi lo ae, eno ayeghiqha ye Pa vecheo lhoke, ikeghi ayeghi lomi no Pa ithimoe.

John 1:10 ပူးပေါင်းရင်းမြစ်များ

BOTHUBO 16:13

“Kuchono niye Alhou ithuluvemu ishi xuaghilu nani ke sha?” ipi lino pike. AMPEU no li putsa kehu paje, No Alhou no ijuthulue ipi ku-tsue.

BOTHUBO 17:1

Abram no ampe lhotoku toku shi akelo, AMPEU no pa lau ipeghino pa vilo pi, “Niye Tuchomujokulu Lhoue,

BOTHUBO 18:33

Pano Abraham putsa tave kemtsa AMPEU ye pa lalo cheve eno Abraham no pa kilo idewove.

ISAIAH 53:3

Ninguno pa jumithike eno pa miliveke; paye aghichhe ghime eno sakutu keu puqheke. Milakhinomu pa kudau jupuwu moke - paye kiumu kumo kehutoi ninguno pa phimoke.”

MATTHEW 11:27

“Ipuh no thwokha kumtsu itsuvae. Apuh likhino kumoaye khuu nomu Anu mthae eno Anu likhino kumoaye khuu nomu Apuh mthae, eno Anu no khunoqo pelo Apuh ithipe nike pephepiye nikeno tipaqono kumoaye khuunomu Apuh mthae.

John 1:11

Pano pa yeghi lau ighi ikemu pawu timiqono pa ikhilumoe.

John 1:18

Khunomu Alhou ithumla aphi. Ikemu Anu khuu Alhou sasu aphiphi keno pa vechewo Alhou ye kiu toi keno ningu lau pephe piyetsu.

John 1:3

Alhou no pa vechewo thwokha lhoke eno pa sumoke loye kiumu lhoqhi pe puamoe.

John 1:5

Akuvu huno akuzulo yepuvu, eno akuzuye khilemu tipau kuzuphove mlae.

John 17:25

Apu Amikuchou! ayeghiqhaye omtha ikemu niye no ithi ani, eno nono ipuwukepi hipaqono ithi ani.

John 5:17

Ike Jisu no Judamiqo khochile, “Ipuh ye itehi kutolo mla ani eno niye mla amasae.”

Apostolmi 14:17

tishimu paye aniepikeu shepe timiqo lau qhitsumoke kumoe. Pano kimiyekeu hitoi shi pephepiye: atsutsu lono tsutsughu piqi tsu eno atusho kiqi lono axa jeli nongu tsu; pano achuqupu nongu tsuke eno pano alokivi pesu nongu mlo piqi tsue.”

1 Kor. 1:21

Tighenguno Alhou no pa suqekighithi lono ayeghilo timiqo pelo panoqo suqekighithi vechewo Alhou ithikepu shitsumove. Tishinike zuqhulo ninguno mbomzu sutsa pesu asheshu keu vechewo khunoqomino ti pulukeno tipanoqo xalupe nikeuno Alhou pulou shiaghive.

1 Kor. 2:8

Hipa yeghilo ayehkipemi lakhinomu hipau suqekighithi mthake. Panonguno hipau ithi ke aye panonguye akimthe jekipi Mipeu kros lo yedapithi moni cheke.

1 Kor. 8:6

tishimu ningu ghenguye Alhou lakhi likhi ani, paye Apu ke, thwokha pa launo ighi eno pa ghenguno ninguye xuaghiluke; eno Ampeu lakhi likhi akeuye Jisu Khristo ke, pa vechewo thwokha ighi eno pa ghenguno ninguye xuaghiluke.

Kolosiami 1:16

Kughengu pa su-puzu kungughalo, ithukulu, ithukumla, akuka lakhu, ayehkipe qha, ayehkipemi eno ayehkipeqo namu kumtsu Alhou no lhopheke. Thwokha pano lho eno pa vehupu ghenguno lhopheke.

IBRIMI 11:3

Akupulu lono tsutsu yeghiye Alhou tsano lhophe kepi ninguno ithi kuthulu cheni, tishi kehu kiu ithulu anikeno tipaqoye kumu kuhakeu lono mlaphepuanike.

1 John 3:1

Apuno kishi shishe ningu kimiyeve akeno julo. Pa kikimiye ighono kije ke ninguye Alhou nuliqo kepi kuluvae, eno kuchouno ninguye tike. Highenguno ayeghilomino ningu mtha eno Alhou mtha ishike.