JEREMIYA 9:7 - BAIBEL (BSI)

⁷ Tighenguno Aqokitikhi MPEU no pi ani, “Ayi toi ino iwu timiqo ghukimtheve nani eno panoqoye pejukeulo qhi nani. Iwu timiqono alhoksa shivae, niye panoqo shou kiu shikepu kya?

Sumi Naga CL (Re-edited) Bible (BSI)

⁷ Tighenguno aqokitikhi MPEU no ishi piani: “Jualo, I no panongu thakütsüghü eno pejuni, Iw timiqo ghenguno Ni ye kiu shilo pi kea?

JEREMIYA 9:7 ပူးပေါင်းရင်းမြစ်များ

SAMUEL AKINIU 13:26

Ikemu Absalom no pi, “Tishimaye kutamiye ighimla namu ithikuzuu Amnon likhimu ighilu penima?” Akukauno iniju, “Kushiye pa likhi ku anikya?”

YEKIKITHI AKINIU 36:15

AMPEU, panoqo puasu Lhou no pawu timiqo lau kutughutsu penike tungkupmi puwu ache, kughengu pano Achineki ngo timiqo puxu puatsu niyeke.

LESHELE 120:4

Ghushimino pechekeu piji mili eno amiyi huchuyi pitiakeu pesu nongu ghime nani.

LESHELE 55:22

Omakho pe AMPEU shou pukhubelo eno pano oshikumto nani; paye khilemu amikuchomi pelo tomlave pemo nani.

LESHELE 62:5

Ingulho no inaqhoi Alhou likhi khe acheni; kughengu pa launo lakuju ighi cheni.

ISAIAH 1:25

Ino nongu shou i-u ghapuku nani eno ayi piti kimthe ketoi ino nongu thakutsughuni eno nongu baghu kumtsu ikhiphe nani.

ISAIAH 48:10

Ino ami pesu aghime tsukeu lono opeqhejuvae, tiye amiphoki lono tsandiyi ghukutsughu ketoike. Ikemu noye ame kuhakeu ino ithuluvae.

ISAIAH 59:3

Nonguye akimki, muqhumuza eno heqhi buqhi keu lono kuqu chenike.

JEREMIYA 31:20

“Israil noye inu ino qhuchekeuke, ino kumtsu nguno kimiyekeu nuke. Kughokughomu ino oje ku kelo, kimiyeqhiyi okumsuluke. Imloye okudau acheni; niye okupuqhiyi nani.

JEREMIYA 5:1

Jerusalem lo akemiqo, alaghilalo iqho iqijulo! Jukutolo eno kishi ani keno ithilo! Alhikishi-a kumtsu phujulo! Timi lakhi likhinomu achipiu shi kemi eno Alhou lau amikucho shi chekemi nonguye phulu anima? Nonguno phuluaye, AMPEU no Jerusalem kipimi qhivetsu nanike.

JEREMIYA 6:27

Jeremiya, timino ayi ghujuke toi iwu timiqo pejulo eno panonguye kiu toi anikela julo.

HOSIYA 4:1

Hipa ghakhulo kughuna akemiqo shou AMPEU no ngukukepu lakhi sughini cheni. Israilmiqo, pano kiu piani keno inijulo: “Aghakhu hipaulo amikucho momu kikimiye kuhake eno timiqoye niye Alhou kepi ithitsu amoe.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

MALAKI 3:3

Paye tsandiyi ghukimthe eno thakimthe chekeu toi kughatha nike ighi nani. Ayikiyiqimino tsandiyi ngo shunayi ghukimthe ketoi AMPEU ghinikishiuno achinemi ijokimthe nani, tishianguno panonguno AMPEU lau akumllagho achipiu jeli sughikepu shi nani.

1 Peter 1:7

Hitoikeulo akimji anike, tiye nongu kupulu pesu athicho kughulhotsu niyeke. Shunayi ghi shipusaluve cheni kemu ami lono pitiju cheni; tishiaye nongu kupuluye shunayi nguno amekushou kehu puqhelukepushi peju masae, tishianguno Jisu Khristo pephepiyeke Tsalalo nonguno shekiqhe, akimthe jukuvu eno agigihu ithulukepu shi nani.

1 Peter 4:12

Ino kimiyechekeqo, nongu pejuniaye shilukusa ghime nongu shou ikughi akeulo akichiqhi kevilo. Tiye kiuala akumo akukuhau nongu shou ighi ani kughashi kevilo.