JEREMIYA 9:4 - BAIBEL (BSI)

⁴ Pututa shelo pa kusami jukutokugho masaveke eno khunomu athikuzumi ghi pukhubemlake; Kughengu athikuzumi kumtsu Jakob toi pishikiqhike, eno kumtsuno pututa kusami piputhake.

Sumi Naga CL (Re-edited) Bible (BSI)

⁴ Kümtsü no pa kisüghümi launo kutokupui lo, eno athiküzümi khuu shoumu pükhübe kevilo, kughengu athiküzümi kümtsü pishikiqhimi ke, eno akisüghümi kümtsü no pishikiqhi shi itsüwu ke.

JEREMIYA 9:4 ပူးပေါင်းရင်းမြစ်များ

BOTHUBO 32:28

Timi huno pi, “Hinguno hilauye oje Jakob ipi moni, ikemu Israil ipini. Kughengu nono Alhou sasu eno timi sasu kukhakulue eno okhaqhilu pemoe.”

LESHELE 101:5

Khukhumu kutami ghili lhoksa pikeuye ino kuqhuleve nani; Niye aqhekuzami eno lahilaza xuchekemi pelo panonguno kiu shinikeno shiauve pemo nani.

LESHELE 15:3

khunono pano mili pesu timi pipusa chemo keno akusami lau alhoksa shichemo keno, momu akisughumi punapughayi chemo keno;

AHOLE 10:18

Khunono pa mlolo mithichekeu susuni keno paye kimkimike. Khunono axikishi pekulha cheni keno panoye anikhake.

AHOLE 25:18

Akimki lono okisughumi nguku keuye azuta, asuthalu momu apiji toi akithipuke.

AHOLE 4:16

Kixikilamiye panono kiuala akumou shilumoke loye zukeghi zuhulu chemoe. Kutami ghuzalu moke kutolo zuhumono tsukhutsuvae acheni.

AHOLE 4:17

Kixikila eno heqhi buqhikeu no panoqo chuqu-kusho shi acheni.”

AHOLE 6:16

AMPEU no mithi chekeu thime tsuni ani, paye tipaqo khilemu kutuu mlae:

ISAIAH 59:13

Ninguno oshou hebide, omilive eno opapemo kepi hebideve. Ninguno kutami qodaqhi eno olauno tsughuchile wuve. Nikukumsuye kichileu eno nitsaye akimki ke.

ISAIAH 9:16

Kughengu khunoqono timiqo saphe chekeno alakumo lono panoqo sapheke eno panoqo saphekemi kumtsu kubang khavae.

JEREMIYA 12:6

Othikuzumi, nobolomi kuchou thotsu ojechuveke ohakuqo qhikeulo panongu ghi chhosuke. Panonguno ashou toi oputsa pinamu noye panoqo pukhu kevilo.”

JEREMIYA 6:28

Panonguye kumtsuno hebideghi kuthovi acheni, ayi eno alazayi toi tsatsayike. Panongu kumtsu mithe movae, iqho iqi pipusa acheni.

JEREMIYA 9:8

Panoqo miliye tughu akeu piji toike; panonguye pulhapuju miki cheni. Kumtsuno pututa kusami vilo shompami toi putsakile cheni, ikemu kuchou loye pa ghenguno alichhe shipe qhianike.

EZEKEL 22:9

Nowu timi khamiye kutami pithive nike ghenguno panoqo ghili akimkitsa picheni. Nowu timi khamiye asu-atu julho lau heqhi mllavekeu shi chu cheni; khamiye pulhapuju panoqono aghichipo chekeu ghapiqi acheni.

ACHINE 19:16

Kutami ghili akimki tsa vekupha kevilo timi lakhino pa kuxu ghenguno atsa kugha aghiaye eno oshepeno pa kuphulu kepushi aghiaye pitsulo. Niye AMPEU ke.

MALAKI 2:10

Ningu kumtsu apu lakhike kumo kesha? Alhou lakhino ningu kumtsu lhopheke kumo kesha? Tishiaye ninguye kushiye lakhino lakhi vilo ashoqhi shikeu kuboleve cheni eno kushiye Alhou no nipuasu sasu puloshoqhi shikeu jumithi cheni kya?

MATTHEW 10:17

Timiqo jukutokupuyi alo, kughengu panonguno nongu sasu kughakutha-alo sawu nani eno panonguno Sinagog lono nongu ghaqhi nani.

MATTHEW 10:21

“Athikuzumino athikuzumi kughapesu pithive peniaye tsuve nani, eno apuhno pa tianuli shou tipaphi shive nani; anuliqono apuaza shou akumou shi ithughive nani eno panoqo pithivepe nani.

Luke 21:16

No-puaza, nothikuzumi, nobolomi eno shompami ghi nongu kughape kutami ulo suvetsu nani, eno nongu khamiye pithivepe nani.

1 Thes. 4:6

Hipau vehulo timi khumu pa thikuzuu lau akumou shikevilo momu pawu kiu keno hexatsu kevilo, kughengu ninguno puzuuno nongu kutughuve ketoi khunoqono tikithipu shicheni keno Ampeu no tipauqo ghime nanike.