JEREMIYA 9:18 - BAIBEL (BSI)

¹⁸ Timiqono pike, “Panoqo vilo papashilo pilo eno nighenguno kithikuhalo le phelo, tiye ninhethilo anhezu pijimoke kuto, eno igha qakeu lono ni-nhebo khoivemoke kutolo phelo.”

Sumi Naga CL (Re-edited) Bible (BSI)

¹⁸ panongu pelo mtazü ni ghenguno mlo pelo, tishiaye ni nhethi lono anhezü qoipeghi nani eno ni nhebo lono anhezü qowu nani.

JEREMIYA 9:18 ပူးပေါင်းရင်းမြစ်များ

LESHELE 119:136

Inhezuye aghoki toi qoiqighi ani, kughengu timino oyezah ghokulu shimoke.

ISAIAH 22:4

Itehiye ilikhi qhivelo eno ipelo niwu timi khunoqo thivekeno tipaqo ghenguno kukhukimji shi qalu pelo. Ilokughuno tsunikeu kumsu kevilo.

JEREMIYA 13:17

Ikemu nonguno initsumo aye, Nongu qhekuza ghenguno ino kusuuno qa nani; Ino kukhu kimjishi qa nani eno inhezuno qoipeghi nani kughengu Alhou wu timiqoye akughumi shi sawuveni ake.

JEREMIYA 14:17

AMPEU no timiqo vilo imlokusa pipenike ahza itsuke. Ishi pilo pike; “Ipelo putho pucho qaita pemono inhezu qowu apeniu kughengu ni timiye aghuza kitikhi shi izavae eno ighono shipusuvae.

JEREMIYA 3:24

Ikemu Baal akukujopu lhou mllakeu lono nitsu aqu, anu anga noqo, kha-ghi ghuloki lono nipuasuno mlla chekeu kumtsu puhakhave tsuake.

JEREMIYA 3:25

Ninguye akukujo launo ihozuno shikuputhano ninhaluve pelo. Ningu eno nipuasuqoye pulhapuju niLhou AMPEU zulo axine shi chenike. Ninguye khilemu pa zah kutsu papelu chemoke.”

JEREMIYA 4:20

Kutsakungokeu lakhino lakhi papecheni; aghakhuqha kumtsu shipusa khavetsua. Zuleno niphiki kutsakhave, tipau nhaqhi phi suxupinyivetsu.

JEREMIYA 6:26

AMPEU no pawu timi vilo pi, “Yeqhiye phi ulo eno ayevulo ihilo. Nonguno anu lakhi likhi akeu shou qa keshi anhezu piji qalo, kughengu nongu kutsaniye che keuye zuleno nongu leighi nani.

JEREMIYA 7:29

“Mlo qahlo, Jerusalem lo akemi; nongu kutsusa ghope pevelo. Naghuto kutsuqalo akithilo le lakhi phelo, kughengu ni, AMPEU ye aloghu ide ani, eno iwu timiqo peveake.”

JEREMIYA 9:1

Ikutsuye azukikhe lo akeu zu shi aghi keaye, eno inhethiye anhezu puki keaye, putho pucho iwu timi ghiqhivekeqo ghenguno igha qa ani cheke.

JEREMIYA 9:10

Ino pi, “Niye naghutoqo ghenguno mloqah eno aluza ghenguno anhezu pijinike, kughengu tipaqoye qhaive ake eno khunomu tipaqo kathasu izuwumove ake. Amshi ghugha khilemu chilumovae; aghau ngo tughashiqoye yewu khavae eno chekhavae.”

JEREMIYA 9:20

Ino pike, “Nongu totimiqo, AMPEU tsa inilo, pa tsa amlo tsuqhiyi kumsujulo. Kishi mloqa kepu keno nongaqo shikalo, kishi kithikuhalo le phekepu keno nopumiqo shikalo.

AKUMLO 1:2

Lino puthotsu qa acheni, anhezuno agimuchulo qoiqighi acheni. Puzuu li kusapami gholo milakhimu li lokughunotsupe nike ghupe puaghimove. Li kusapamino li pesu athe shive eno panongu kumtsu itehiye li ghumi shiva.

AKUMLO 2:11

Inhethiye qake launo anhebo khoyivae; ingulhoye kutakihi ani. Niwu timi kutsave keulo niye amlo ghime launo lhokutuvae. Aphughi laghilalo itimi ngo anga kughunuqoye thiqhi thiqhi anike.

AKUMLO 2:13

O Jerusalem, kupuqhiyi chekeu Jerusalem Niye okugha pesu kiu kimihi shitsuni kya? niye kishi puzu olokughunotsu luni kya? Khumu hikithipu shi aghime shimphike. Azughi mighiwo tomlake toi okutsa kungovekeuye titoivae; lajupu kiumu kuhavae.

AKUMLO 2:18

O Jerusalem, nowu putukha puakeu pelo AMPEU vilo ighamuku pelo! Nonhezu pelo putho pucho aghoki qo toi qowu pelo; Amlo kighishi ngo qanimlo keu lono nolikhi noghime qhilo!

AKUMLO 3:48

Niwu timi kutsaleveke ghenguno ni nhezuno aghoki toi qowu ani.

AMUS 5:16

Ike AMPEU, Aqokitikhi Lhou no pi, “Aphughi laghilalo igha qakeu eno amloksashi qakeu anani. Kithimiqo shou mlo qapenike akumolo qasutsu peniye ame tsukeqo likhi kumono alulo huakemi ghi qasu kuphupe nike kuwu nani.

Luke 19:41

Pano Jerusalem phughi kupunu ighive eno kughou ti ithulu keno tipau ghenguno mloqa ghi pi,