JEREMIYA 8:19 - BAIBEL (BSI)

¹⁹ Inijulo! Aghakhuqha kuchopulo iwu timiqono ishi igha akeu chilu ani, “AMPEU ye Zion lo ngo chemovea kesha? Zion kukauye tilehi kuhavea kesha?” AMPEU, panoqo kukauno khochile, “Kushiye nonguye asu-atu mllakeu lono eno nowu inaghami lhouqo lau itsaiqi mllakeu lono iloghu shikighideve kya?”

Sumi Naga CL (Re-edited) Bible (BSI)

¹⁹ Julo, akuaqha lono Iw timi ngaqo no qa ani: “Ampeu ye Zion lo küha keshea? Li kükau ye tile küha keshea?” “Kushiye panongu gholo ajulho eno inaghami lhou julho pesü I xukutho ani kea?”

JEREMIYA 8:19 ပူးပေါင်းရင်းမြစ်များ

LESHELE 135:21

Zion lo eno paki Jerusalem lo akeulo AMPEU sheqhelo! AMPEU sheqhelo!

LESHELE 137:1

Babilon ghoki ghusa phivilo ninguno iqa; Zion kumsuluno ninguno qae.

LESHELE 146:10

AMPEU ye alhokupujulo akukau. O Zion, iLhou no ado kumtsulo ayehpe chenani. AMPEU sheqhelo!

LESHELE 149:2

Amlokiqi shilo Israil, kughengu oLhokutsuu anike; Alovilo, Zion lo timiqo, kughengu nongu kukau anike!

LESHELE 31:6

Noye kichile Lhou julho mllakemi mithi cheni, ikemu niye AMPEU pulu cheni.

ISAIAH 1:4

Nonguye axine shichekemi shiayeh, lhoksakugha eno shikupsapu ahakusa timiqoke! Nongu xineno nongu sunheqhike. Nonguno Israilmi Lhou AMPEU akimtheu miliveno nongu zupo pa tsuveke.

ISAIAH 12:6

Zion lo kughunakuami kumtsuno ighu iqha eno alephelo! Israilmi Lhou akimtheuye kijeke, eno paye pawu timi gholo acheni.”

ISAIAH 13:5

Panonguye ayeghi aghache lono ighi, ayeghi shekha lono ighi ani. Pa loghu lono AMPEU ye ayeghi kumtsu hexa pinyive nike cheni.

ISAIAH 33:22

AMPEU ye nishou kughakuthau, paye niyehkipeu, paye nikukau; pano nixalu nani.

ISAIAH 39:3

Tileno tungkupu Isaya no akukau Hezekiya lau wupuzu iniju, “Timi hipaqoye khilauno ighikemi eno panonguye ovilo kiu pikya?” Hezekiya no khochile, “Panonguye ala kushuwalo akeu Babilon ghakhu kudauno ighike.”

ISAIAH 52:1

Jerusalem mutolulo eno itaghi kije shiluvelo! Alhou phughi akimtheu, jukighilepu jukivi pepuluvelo! Mithekumomiye khilemu ohuki khalo itaghi ilomo nani.

JEREMIYA 10:15

Panonguye ame kuhae eno jumithi kepue; AMPEU no panoqo ghimeqhi kelo panoqoye kutsaleve nani.

JEREMIYA 14:19

AMPEU, noye qhoi Juda peive akesha? Noye Zion lo akemiqo jumithini kesha? Noye kushiye shishe alhoksapushi nighuzavetsu no ninguye vimla vea kya? Ninguno alokughuno phujuke ikemu akivipu kiumu ipeghimoke; Ninguno shikipivi laju kemu tipa zuqhulo shikuighukeu ighike.

JEREMIYA 14:9

Kushiye noye akichiqhi pesu akemi toi ani kya? Ghushimi lakhino kutami kuphunike akuka kuhano aketoi ani kya? Mutsuqheino AMPEU, noye nigholo anike! Ninguye ow timiqoke, niqhivetsu kevilo.’ ”

JEREMIYA 2:5

AMPEU no pike: “Nongu puasuqoye ino vimono akeu kiu ithulu keno panonguye ilauno putosuve kya? Panonguye ame kuhakeu asu atu mlla eno panongu ampino ame kuhakeu shiuveke.

JEREMIYA 27:10

Panonguye nongu pishiqhi anike eno noyeghi lono putosuu sawuve peniye kughu auveake. Ino nongu hapheveno kutsaleve nanike.

JEREMIYA 31:6

Kughengu, aghukhemino Efraim tolono ishi asheshu kupuwunikeu tsala wocheni: ‘Ningu Zion lo iqhoni nolo, AMPEU, niLhou lau wunike!’ ”

JEREMIYA 32:30

Inahu abothu xughili lonomu Israil lo timiqo ngo Juda lo timiqono kiu mulaqhi keno tipauno imlo shikighide acheni iloshipusu achenike.

JEREMIYA 7:19

Ikemu kuchouno panonguye ighuza ani kesha? Moe, panonguye pano likhi panoqo ghuza ani eno panoqo shou akukujopu sughi anike.

JEREMIYA 8:20

Timiqono ighamuku pi, “Mutsutusho wovae eno ghile huqhivae, ikemu ninguye xalu movae.”

JEREMIYA 9:16

Ino panoqo kugha pesu ashiayeh kutami gholo kuthole puwuve nani, tiye panongu ke kumono pano puasu ghi chimla aphikemiqo gholo puwuve nani, ino panoqo qhoyi kutsale khavemoke kutolo ino aghushimi muqo panongu shou puwu nani.”

EZEKEL 48:35

Aphughi puwupuakeu atupikiye ako bidi kujolo akushu lau khitohi keno pekuqhaju keulo tiye miter 9,000 ke. Hinguno hilau aphughi tipau jeye “AMPEU ye hile ani!”

JOYIL 2:32

Ikemu AMPEU vilo kuphu lepi qhuiniju kemi kumtsu xapheluve nani. AMPEU no piveke toi, ‘Jerusalem lo ngo Zion Tolo khamiye poluve ani; Ino kisheluve kemiqoye xulupe nanike.’ ”

JOYIL 3:21

Ino panoqo ghiqhikeu mukhu lutsu nani eno kuquvekeu niye qhimonanike, kughengu ni AMPEU no Zion Toghilo acheuve nanike.”

Obadiah 1:17

“Ikemu Zion Toghilo khamiye pokawulu nani eno tiye akimthe-a lakhi shi nani. Jakob wu timiqono pano mheghi ayeghi hu pano wu shiluve nani.

MICAH 4:9

Noye kushiye tishi vekipighi igha ani kya? Noye kushiye totimi apunukusu su akemi toi shilukusa shiani kya? Tiye nokukau kuhake ghenguno keo akukumsu tsuchekemiqo thive kehu kesha?

ZEFANIA 3:15

AMPEU no nono aghimeshi akeu kishekhave tsuae; oghumi kumtsu pano ikhive tsuake. AMPEU, Israil lo Akukauye ogholo ani; itehiye musa akepu akiqi kuhake.

ZEKHARIA 2:9

“AMPEU ampino nongu sasu aghushi nani eno ghuthu lakhilo nongu qemi shichekemi timiqono nongu xulepuwuve nani.” Kughono hipau shikupuni keno timi kumtsuno Aqokitikhi MPEU no ipuwu kepi ithi nani.

Apostolmi 14:15

eno ishi igha. “O nongu timiqo, nonguye hiye kiu shi ani kya? Ningu ghi nongu toi timi ke, eno ninguye atsakiviu nongu lau asheshu anike, tishianguno nongu pelo hi avehu kuhamithekeu lono nonguno akuxupu Lhou lau ideghi peniyeke. Akuxupu Lhou no atsutsu, ayeghi, azughi eno tile akeu kumtsu mlake.

ZAKINIU 31:17

Kughono tipau shini keno niye panoqo lau amlo ideve nani; ino panoqo qhiveno panonguye kutsaleve nani. Kutsakungo keu akumsapu kutomo panoqo shou ighi nani eno tithiuno panonguno kumsuchilelu nikeuno hipaqo panongu shou shikeuye ni pano Lhou ye panoqo gholo achemove ake ghenguno kena ipi ithi nani.

Piyeküsü 2:1

“Efesia kukuhoulo kungumi akeu lau yelu ani: “Atsape hipauye khuu-u ajeu ayepu tsuni pe ani keno eno khuno shunayino shikeu akulu kibepu tsuni mtalo ani keno tipau launoke.