JEREMIYA 7:7 - BAIBEL (BSI)

⁷ Nonguno kililuve aye ino nopuasu mheghipushi tsupepuakeu yeghilo ino nongu pelo xuachepe nanike.”

Sumi Naga CL (Re-edited) Bible (BSI)

⁷ I no khaghi no alholo ghenguno no puasüqo tsüve keu yeghi hipau lo nongu pelo xülupe nani.

JEREMIYA 7:7 ပူးပေါင်းရင်းမြစ်များ

YEKIKITHI AKINIU 33:8

Israilmi no aghokulu shi ino ahza tsukeu pelu eno iqeu Muse no panoqo tsukeu Ayezah kumtsu pelu aye tithiu no ino panoqo puasu tsukeu yeghi lono panoqo haphevemo kepu shi nani ke.”

IPEKULU 22:22

Chimemi momu mighimgha lakhimu peitha pusa kivelo.

ISAIAH 1:19

Nonguno ilau aghokulu shiaye ayeghilo thime kivi jeli ipeghi pekeu chulu nani.

JEREMIYA 25:5

Panonguno nongu vilo kixikila kuxu laghi lono eno alhoksa kumla shiakeu lono tsughu ighive penike nongu vilo picheke tishianguno alhokupuju mheghipu shi AMPEU no nongu eno nopuasu tsukeu yeghilo xualu kepu shilupeniyeke.

JEREMIYA 26:13

Nonguye nonguno xu chekeu laghi eno mla itha chekeqo kililuve masake eno AMPEU nongu Lhou ghokulu shimasake. Nonguno tishi aye pano nongu shou kutsale nikeu pipuakeu pa kukumsu kilive nani.

JEREMIYA 3:18

Israil ye Juda gholo pekuqhave nani eno panongu kumtsa ahuu ayeghi akeu kudauno halepuwuve keu lono ighini eno ino nongu puasu lau amheghipu shi tsukeu yeghilo ide ighi nani.”

JEREMIYA 35:15

Ino tamono nongu lau iqemi tungkupmi kumtsu puwu acheni eno panonguno nongu vilo nongu laghi lhoksa pheveno kiuno achipi keno tipau shilopi cheni. Panonguno nonguye kutau lhouqo mllapemo eno qepemo nike kutughu acheni, tishianguno ino nongu eno nopuasuqo tsukeu yeghilo xuache peniyeke. Ikemu nonguno ino pikeu initsumoe momu ilau amlo tsukeu kuhae.

JEREMIYA 4:1

AMPEU no pi, “Israil lo akemiqo, nonguno ideighini aye ilau xaideghilo. Nonguno ino jumithichekeu julho ikhipeve aye eno ilau amikucho shi aye

ZEFANIA 3:7

Ino kumsukeuye iwu timiqoye tileno isumsa nani eno ino shikithe keu ikhilu nani eno panonguye ino shikapiye keu khilemu kumsumamo nani kepi kumsuke. Ikemu paikhavino panonguye puzuu toi alomokeu shiuve anike.”

ZAKINIU 4:40

Ishi tsalalo ino nongu tsuvekeu yezah kumtsu pelulo, nongu eno nongu polo kughukomi kumtsu akivishi alu nanike. Nonguye AMPEU nongu Lhou no alhokupujulo nowu shiche penike tsuakeu yeghilo xu alunani.”