JEREMIYA 7:4 - BAIBEL (BSI)

⁴ Pishiqhikeu tsa hipaqo pulu kevilo, ‘Ninguye kiumu shimo nanike! Hiye AMPEU chinekike, hiye AMPEU chinekike, hiye AMPEU chinekike!’

Sumi Naga CL (Re-edited) Bible (BSI)

⁴ Pishikiqhi tsa hipaqo shou pükhübe kevilo: ‘Hi ye Ampeu chineki, Ampeu chineki, Ampeu chineki ke.’

JEREMIYA 7:4 ပူးပေါင်းရင်းမြစ်များ

KUKAMI ATUGHIU 9:7

ino iwu timi Israilmi ino ayeghi panongu tsuvekeu alono hapheve nani. Imllapeniye a-a khikhi ino shikimthe vetsu akeno akumllaki hipau ghi phevetsu nani. Tithiuye a-a kumtsu lono timiqono Israilmi jukunathano pipusauve nani.

ISAIAH 48:2

Tishikeghi nonguye aqhekuzashi akimtheu phughilo kihikusumi kepi picheni, eno nonguye Israil Lhou, pa jeye Aqokitikhi MPEU shou bepe acheni kepi picheni.

ISAIAH 59:4

Nonguno kughakutha alo wucheni, ikemu kuchou xakutha nokudau ighi chemoe. Nonguno atsakukugha toniaye akimki shou bepe acheni. Nonguno kutami ghuzaniye akukughu shi cheni.

ISAIAH 66:1

AMPEU no pi, “Kungughaye ikuka lakhuke eno ayeghiye ipukhu kinepuke. Tishiaye, nonguye ighenguno kiu toikeu ki shitsuluni kya? Kiutoi keu alo ipelo ngopeni kya?

JEREMIYA 28:15

Tileno ino tipau pesu Hananiya vilo pi eno highi pikuqhatsuke, “Hananiya, inilo! AMPEU ye opuwu puamoe, noye timi hipaqo pelo akimki pulu anipeke.

JEREMIYA 29:23

Panongu kuxuye tishive nanike kughengu panonguye axine lhoksa shivekeu lono kuquvae, panonguno salhashupuke eno AMPEU jelono akimki tsa pike. Hiye AMPEU pulou kumoke; panonguno kiu shive keno pano ithi ani eno pano panoqo shou thopiu ke. AMPEU no piqhive ake.”

JEREMIYA 29:31

Babilon lo akughumiqo lau Shemaiya ghili hipau pesu tsupuwulo pi pike:” Ni, AMPEU no Shemaiya ngo pa laghami kumtsu ghimeqhi nani. Niye pa puwu puamoe ikeghi paye tungkupmi lakhi toi nongu putsa ke eno panongu pelo akimki pulu peke.

JEREMIYA 6:14

Iwu timiqo ghuzakuqoye kuxushope akeu paphi lono panonguno mla itha cheni. Kumtsulo akivishimono akelo ghi panonguno, ‘Kumtsu vi ani’ ipi cheni.

JEREMIYA 7:14

Tighenguno Shilo shou kiu shikeno nonguno pukhu achekeu ichineki hipau shou ghi ino shitsu nanike. Ino nongu puasu ngo nongu tsukeu-a hipau lono ino Shilo shou shike paphi lono ino tipau shinanike.

EZEKEL 13:19

Nonguno barli thi au kie lakhia kinia eno ashopa lakhia kinia ithuluni aye iwu timiqo gizu lono iphimo gihumo chenie. Nonguno timi thive kuzupu kumomi pithive cheni eno timi thive kuzupu timiqo puxupe qhive cheni. Ike nonguno iwu timiqo vilo akimki tsa picheni eno panonguye nongu pulu acheni.”

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

ZEFANIA 3:11

Tipa ghulokiloye nongu, iwu timiqoye ishou hebide kepi kujovekepu kuhave nani. Aqhekuza eno akulakimi kumtsu ino ikhive nani eno ikimthe naghuto loye nonguye khilemu ishou hebide kithemo nani.

Luke 3:8

Nonguye xukithe luvae pikeu kumla pephepiyelo. Eno nongu likhi nongu dolono, Abraham ye nisu ke ipi piakevilo. Kughengu ino nongu vilo pini, Alhou ye atu hipaqo pesu Abraham lagha shivetsu kulupu anie!