JEREMIYA 7:31 - BAIBEL (BSI)

³¹ Hinom khilalo panonguno akipti-a lakhi Tofet ipi keu shipe qhi, tishianguno panonguno pano nu ngo angaqo amilo heqhi mllaniyeke. Niye panoqo vilo hipau shilo pi ahza tsumoe, tiye ikukumsu loghi kuhake.

Sumi Naga CL (Re-edited) Bible (BSI)

³¹ Panongu no pano pu-angaqo piti nike I no azah tsümo keu momu I kükümsü lomu küha keu Hinnom Nu Khila Topheth lo qhemghai ke-a mlae.

JEREMIYA 7:31 ပူးပေါင်းရင်းမြစ်များ

KUKAMI AKINIU 17:17

Panonguno panongu ti anuliqo kughapesu aghakishi kumlla shipesu asu-atu lhou tsu; panonguno saqhi-sali shi, tumukeu muthu keu shiwu eno AMPEU zulo kiuno akukuqu kuchou keno tiulono panongu kuxu tsuuve, tishikeuno AMPEU mlo shikighide tsue.

KUKAMI AKINIU 23:10

Akukau Josia no Hinnom qalo Tofet mllache keu-a ghi hexavetsu, tishino khuu pelomu anu momu anga pesu ighino Molek lhou lau akiptia kumllagho tsupe nikeu shimove.

KUKAMI AKINIU 23:20

Pano alhou kumthami achinemi kumtsu panongu kumlla kiptia lono heqhi pithi khaveno akumlla kumtsulo timi saghi suno pitive. Tishive kethiu paye Jerusalem lo idewove.

YEKIKITHI AKINIU 28:3

Hinom Khila lo tsungqui ta piti kumnauve eno pa likhi panuqo aghakishi shi pesu ajulho lau piti mlauve ke, tiye Israilmi no azuu haighi kelo AMPEU no aghakhu lono haphe vekemiqo no kusakugha pepimhe chekeu kishi shiuveke.

YEKIKITHI AKINIU 33:6

Pano panuqo pesu akipti kumllagho shi Hinom Khila lo agha shi heqhike. Pano saqhisali ngo kuduu pepimhe, auye kujumi pichekemi eno tumumi sasu kusholu che. Pano AMPEU shou ighono axine shike eno pa loghu shikighide ke.

ISAIAH 30:33

Asiriya lo akukatou ami lono piti kepushi kha-ghino a-a lakhi kutope auvae. A-a tipauye thonhei eno kijeke eno asu ghekisheqhe puani. Tipaulo ami sunike AMPEU no ami kuyiqu amuqo lakhi fupuwu nani.

ISAIAH 57:5

Nonguno nongu chine suboqo qholono ashi aji kutuqhakeu lono apiti kighishe lhouqo mlla cheni. Nonguno aghokitiqa phivilo atuki akeulo nongu tianuli pesu aghakishi heqhipe mlla chenike.

JEREMIYA 19:2

Alitsa Khagho vechesu Hinom Khila kudau wulo pike eno tilauno pano atsape itsunikeu shi akeu pesu ivilo asheshulo pike.

JEREMIYA 2:23

Noye kishi puzu olikhi oshipusa mphi kepi pilu nani, eno noye khilemu Baal mlla mokepi nani kya? Akhilalo nono kishi axine shikeno julo; nono kiu shivea keno julo. Noye tughalo akeu kemel no mutho ipeghi akeshi poiqho iqike, asayeqhalo koha wuke.

JEREMIYA 32:34

Panonguye imlla nike Achineki shipe qhipuakeulo thotsu panoqo wu niqhunilai keu su-atu julho pewo qhike eno achineki tipau kitiqeveke.

JEREMIYA 32:35

Panonguno Hinom Khila lo Baal lau eno panongu tianuliqo Molek lhou lau heqhi mllanike akipti-aqo mlape qhike. Niye hipau shipenike ahza tsupuamoe eno panonguye hikithipu shipuzu Juda lo timiqo pelo axine shipe nanike pikeu ikukumsulo pinamu iloghi moke.”

EZEKEL 16:20

“Tithiuye nono anuli khunoqo ilauno ithulukeno, tipaqo pesu agha shikeu gho shighi asu-atu julhoqo mllaveke. Osalhaye mikhemighe kughashi ani kesheno

EZEKEL 20:26

Ino panoqo pelo pano kumllagho pesu panoqo kitiqevepe eno ino panoqo pelo anu anoghiuqo heqhi mllapeke. Hiye panoqo ghimeqhiniye ke eno niye AMPEU kepi panongu piyeniyeke.

EZEKEL 20:31

Ishi tsala kutolo nonguye puzuu akumllagho atho pesu mlla cheni eno amilo nongu tianuli heqhipe puzuu tho asu-atu julho mllakeu lono nongu kitiqeve anike. Tishive keghi nongu Israilmiye ipulouye kiu keno inijuniye ighi cheni kesha! Kuchouno, ni Akughushu MPEU ye xuakeu Lhou ke, niye nongu pelo ivilo kiumu khu pemo nanike.

ACHINE 18:21

Molek lhou mllakeulo peitha peniye nongu tianuli khilemu tsupuwu kevilo, kughengu tiye shiputhakeu AMPEU Alhou je shou sughive nanike.

MICAH 6:7

Ino bheri qhethonhe kutolo sughi momu aghokizu kuqo toi oliv teli sughi aye AMPEU ye aloqi nani kesha? Ixineqo ghenguno niye inu anoghiu pesu pa mlla kepu kesha?

ZAKINIU 12:31

Panonguno pano lhouqo mllake ghola lono AMPEU nongu Lhou mlla kevilo, kughengu panoqo lhou mlla keulo panonguye AMPEU no aphimuqhu kepu jeli shi chenike. Panonguye pano tianuli ghi heqhi pesu akiptia lono aghashi piti chenike.

ZAKINIU 17:3

ti kutau lhou mlla eno qeuve momu tsukinhe ngo aqhi momu ayepuqo mlla eno qeuvekeuke eno AMPEU no ahza tsukeu hebide anike.

ZAKINIU 18:10

Nongu tianuli pesu akiptia lono piti agha shikevilo; nowu timiqo pelo hipaqo pepimhe pekevilo—saqhisali shikeu, muthu wukeu, zuluve kepu gha

JOSHUA 15:8

Hinom khila apeu kukau veche Jerusalem lo Jebusimi phughi kuto. Alughi apeu kudauye Hinom khila kuto ahuu shekha Refaim khila kuto.