JEREMIYA 7:30 - BAIBEL (BSI)

³⁰ “Juda lo akemiqono alhoksapu lakhi shipuani. Panonguno panoqo su-atu julho khikhi ino jumithi cheni keno tipau pesu ichinekilo qhike eno tipau kitiqeveke.

Sumi Naga CL (Re-edited) Bible (BSI)

³⁰ “Judah nuliqo no I zülo alhoksa kümla shivae, Ampeu no asheshu. Panongu no I je lono kukeu ki shipixive tsünike kuchhube keu thimeqo ghope qhie.

JEREMIYA 7:30 ပူးပေါင်းရင်းမြစ်များ

KUKAMI AKINIU 21:3

Papu Hezekiya no hexave tsukeqo asu-atu kumlla-a kumtsu itaghi pano shikithevetsu; Baal mllape nike akumlla kiptia mlatsu eno alhouliu Ashera julho shisupe qhitsu, puzuu Israil kukau Ahab no mlaketoi shithuve. Manasse ye ayepuqo mllauve.

KUKAMI AKINIU 21:4

Pano AMPEU kumlla-a Achinekilo hu asu-atu kumlla kiptia mlavetsu.

KUKAMI AKINIU 21:7

Pano alhouliu Ashera julho shisukeu amchipu pesu Achinekilo qhive, khikhi AMPEU no David ngo panu Solomon pama vilo tipa-a pesu ishipikeno: “Jerusalem lo achineki hipau lono Israil lagha chighikini pelono imlla chepe niye a-a hipau kishephelue.

KUKAMI AKINIU 23:12

Juda lo kukamino akukau Ahaz no achekeu ki tsuqalo akumlla kiptia shikeu ghi akukau Josia no xalevetsu eno tipau gholo akukau Manasse no shipuku keu kumlla kiptia eno ti Achinekilo kughaki kini kuma ghi mukhumuno shi kubo piniyive tsuno Kidron Khila lo pelevetsu.

YEKIKITHI AKINIU 33:15

Pano Achineki lono inaghami lhouqo eno ajulho tilehi qhikeu ikhive eno Achineki achekeu toghilo ayeh kumthami kiptiaqo eno Jerusalem lo a-a kutauqo lo aghikeqo pano ikhipeve; pano tipaqo kumtsu aphughi nguno khalau pesu ipe puzu vepuwu khave.

YEKIKITHI AKINIU 33:3

Papu Hezekiya no asu-atu chine kumlla-a kutsaleve keqo pano shikitheve tsu. Pano Baal mlla kepushi akiptiaqo mlatsu, Ashera lhou liu julho shipe qhi eno ayepuqo mllake.

YEKIKITHI AKINIU 33:7

Alhou no David ngo panu Solomon vilo pipua keu Achine ki lo pano ajulho lakhi qhike. Alhou no pi keuno: “Jerusalem Achine ki hipauye Israil lo ashiayeh chighi kini ghakhu gholono ino kishelu puzu tipa-a lono imlla penikeu shike.

ISAIAH 66:4

Tighenguno ino kutsakungo keu panoqo shou sughi nani, ti panonguno musa achekeu hu, kughengu milakhinomu ino kukeulo khochilemoke momu ino pikelo initsumoke. Panonguye ighobide eno alhoksa shini keu kisheluke.”

JEREMIYA 16:18

Panoqo xine ngo lhoksakugha ghenguno kighishe kini ino panoqo pelo lochilepe nani kughengu panonguno asu-atu julho khikhi akuxu kuhano akithi kumo toi keu pesu iyeghi kitiqevetsuke eno panoqow kichileu lhouqo pesu tipa yeghi chhitoi anipeke.”

JEREMIYA 23:11

AMPEU no piani, “Tungkupmi ngo achinemiqoye Alhou kumthamike panonguno Achinekilo alhoksa shiaghi kelono ino tsuquluvae.

JEREMIYA 32:34

Panonguye imlla nike Achineki shipe qhipuakeulo thotsu panoqo wu niqhunilai keu su-atu julho pewo qhike eno achineki tipau kitiqeveke.

JEREMIYA 32:35

Panonguno Hinom Khila lo Baal lau eno panongu tianuliqo Molek lhou lau heqhi mllanike akipti-aqo mlape qhike. Niye hipau shipenike ahza tsupuamoe eno panonguye hikithipu shipuzu Juda lo timiqo pelo axine shipe nanike pikeu ikukumsulo pinamu iloghi moke.”

EZEKEL 7:20

Ghuthu lakhiye panonguye panowu achiku achila jukivi jupesu qheza cheke, ikemu tipaqo peitha puzu kuchhube kutsula julho shipeqhi cheke. Tishike ghenguno AMPEU no panoqo pelo pano kini kulu jupesu aphimuqhu vepeke.

EZEKEL 8:3

Pano au lakhi toikeu chhopuwo puzu ikutsusa lono itsuquluve. Kungunhetsu hipau lono Alhou ghunguno amlhu kunguu ipeqheluve eno Jerusalem lo isawuve. Pano Achineki lo ilochekeu ahuu kikha alou Alhou loghu kighide pushi ajulho qhipuakeu alo isa ilove.

DANIEL 11:31

Pawu ghushimiqo dolo khamino achineki lono shipixi keu kumla shi nani. Tsala kipetsu ghiqhino mllachekeu lakhave tsu nani eno tilehi Jukikichipu qhitsu nani.

DANIEL 9:27

Akukau tipauno ampe tsuni ghenguno timi kutomo sasu visho mlaveno, ado tuxa wove kemtsa, heqhino mllachekeu eno akumllagho tsu chekeu lakhave tsu nani. Akumsapu lakhi shipe achineki mtalo qhi nani eno timi khuuno qhikeno, Alhou no pa kuxu do ashekhashi kutope qhipua tsukeu sasu kushomoke kutolo tile qhi puache nani.