JEREMIYA 7:29 - BAIBEL (BSI)

²⁹ “Mlo qahlo, Jerusalem lo akemi; nongu kutsusa ghope pevelo. Naghuto kutsuqalo akithilo le lakhi phelo, kughengu ni, AMPEU ye aloghu ide ani, eno iwu timiqo peveake.”

Sumi Naga CL (Re-edited) Bible (BSI)

²⁹ “‘O sa tsave no pevelo; atoghi lono mloqa lo, kughengu Ampeu no Pa loghu lono hipa tiqheli milive no phevae.’

JEREMIYA 7:29 ပူးပေါင်းရင်းမြစ်များ

KUKAMI AKINIU 17:20

AMPEU no Israilmi kumtsu milive, aghime panongu tsu eno panongu kughapesu ayikusami aghumi ulo suvetsu eno ashekhaloye panongu pa nhekithe lono haphe puwuve.

JOB 1:20

Ikelau ye Job no puthughove puzu pa mlo ghime launo pa ku-uphi suxuve, pa kutsu miyeve eno pa gi pishiqho pe ayeghi lo ihozuve no pi,

ISAIAH 22:12

Tishiaye AMPEU Aqokitikhi Lhou ye nongu pelo qamlo eno anhezu piji penike eno nongu kutsusa miyeveno yeqhiyephi upenike nongu kuanike.

JEREMIYA 12:7

AMPEU no pi, “Niye Israil phevae; Niye ino kishelukeu shiayeh qhivae. Ino kimiye chekemi timiqo pesu pano ghumi ulo phesuve tsuake.

JEREMIYA 14:19

AMPEU, noye qhoi Juda peive akesha? Noye Zion lo akemiqo jumithini kesha? Noye kushiye shishe alhoksapushi nighuzavetsu no ninguye vimla vea kya? Ninguno alokughuno phujuke ikemu akivipu kiumu ipeghimoke; Ninguno shikipivi laju kemu tipa zuqhulo shikuighukeu ighike.

JEREMIYA 16:6

Hipau yeghilo kinimi ghi kumlhomi ghi thive nani, ikemu milakhinomu panoqo kumo shiqho momu panoqo ghenguno qani mlomo nani. Timi khuumu amlo kusa shi akeushi ashi aji ghalekeu momu akutsusa miyevemo nani.

JEREMIYA 3:2

Atoghi kutsuqalo jupukulo. Nonguno kusalhami toi zumokeu-a khile ani kya? Arabmino asayeqhalo timi heqhi nike miqe khe akeshi nonguno ala phivilo alojipumi khe acheni. Nongu salhano ayeghi shipixi khave ake.

JEREMIYA 3:21

Naghuto toghiqolo asutsa lakhi chilu. Hiye Israil lo akemino qa ani eno qhuiniju anike, kughengu panonguno axine shikeu kuxu xuke eno pano Lhou AMPEU kumsumaveke.

JEREMIYA 47:5

Gaza lo akemiqo shou amlo kusapu kije ighivae, eno Ashkelon lo akemiqoye inaqhoivae. Filistiya halau akeqoye khitotohi muloqa anani kya?

JEREMIYA 48:37

Panoqo kumtsu panoqo kutsusa miyevae eno panoqo kichimhi tsalevae. Panongu kumtsu panoqo ulo kihethale pesu ani eno kumtsu ghano yeqhiye phi uani.

JEREMIYA 6:30

Panonguye amekuha keu bazu ipi kunani kughengu ni, AMPEU no panoqo peveake.”

JEREMIYA 9:10

Ino pi, “Niye naghutoqo ghenguno mloqah eno aluza ghenguno anhezu pijinike, kughengu tipaqoye qhaive ake eno khunomu tipaqo kathasu izuwumove ake. Amshi ghugha khilemu chilumovae; aghau ngo tughashiqoye yewu khavae eno chekhavae.”

JEREMIYA 9:16

Ino panoqo kugha pesu ashiayeh kutami gholo kuthole puwuve nani, tiye panongu ke kumono pano puasu ghi chimla aphikemiqo gholo puwuve nani, ino panoqo qhoyi kutsale khavemoke kutolo ino aghushimi muqo panongu shou puwu nani.”

AKUMLO 5:22

Ikeo, noye alhokupujulo ni peivea kya? Omlo kighideye kihikutha kuha kesha?

EZEKEL 19:1

Alhou no ivilo pikeuno Israil lo kukapumi mikini ghenguno amloksa le hipau phelopike:

EZEKEL 28:12

“Thinikuau timio, Tur kukau shou kiu shiveniye kutope ani keno tipau ghenguno amlo sa-alo. Pa vilo ni, Akughushu MPEU no kiu piani keno pesu pilo: Ghuthu lakhilo noye kupukulai keulo kichekipiye lakhi shiacheke. Noye kiutoi alokutsu eno jukivipushi acheke la!

AMUS 5:1

Hipau inijulo, O Israil lo akemiqo, ino nongu shou akithilo le hipau phekeu inilo:

MICAH 1:16

Juda lo akemiqo, nonguno kimiyechekeu tianuliqo ghenguno mlo qakeu michishi nongu kutsusa miyevelo. Aluqu toi nongu kutsusa miyevelo kughengu nongu tianuliye haphe sawuve nani.

MATTHEW 12:39

Ikemu Jisu no ishi khochile, “Hipa tiqhelimiye alhoksa eno Alhou phimokeqo kehu amchipu likhi phu acheni; ikemu Jona tungkupu pesu amchi shipiyevekeu thono amchipu kutauye tsumo nani.

MATTHEW 16:4

Kusakugha eno Alhou kumtha tiqhelimino amchipu lakhi phucheni, ikemu Jona michipu nguno alauye amchipu kutau pesu nongu tiqhelimi tsumo nani.” Tishieno paye panoqo qhive puzu wuve.

MATTHEW 23:36

Kuchouno ino nongu vilo pini, itodolo akemiqo shou hipaqo kumtsu lame aghime ikughi nani!”

MATTHEW 3:7

Kughou Farisimi ngo Sadukimi kutomono baptiz shitsupe niye cheghi keu Johan no ithulu keno, pano panoqo vilo pi, “Nongu apighi tiqo! Khuno nongu kutughu puzu Alhou loghu chekeu lono polule pi kya?

Apostolmi 2:40

Pano atsa kutau kutomo pesu ashepe shi eno panoqo hakutho ghi pi, “Hi chighichilai keu tiqheli launo nongu xaluvepelo.”

ZAKINIU 32:5

Ikemu nonguye amikucho kumo eno pawu timi shikuzupu kumoe, axinepu eno pishikiqhi shiayeh lakhi.