JEREMIYA 7:24 - BAIBEL (BSI)

²⁴ Ikemu panonguno agholumoe momu amlo tsuqhiyimoke. Tishinike zuqhulo panoqo mlolo kuthovi keu eno kusakughano panoqo vilo shilo pikeu shiwukhaveke, eno panonguye akiviu shinike zuqhulo alhoksau shikithe wuveke.

Sumi Naga CL (Re-edited) Bible (BSI)

²⁴ Ikemu panongu ye agholu moe eno akini mu kughopuwo mono alhoksa mlo xapu kuthovi ghi pano gho-apulou lono chewuve, eno azüu chewu mono athiu idewove.

JEREMIYA 7:24 ပူးပေါင်းရင်းမြစ်များ

NEHEMIA 9:29

Okukutsu tsa gholupe niye nono panoqo kutughuke, ikemu panonguno aqhekuza shi ozahqo milivetsu ke, tishi pinamu oyezah pelukeulo akuxupu la anike. Panonguno kuthovi puzu agholumo kepi milive ke.

LESHELE 81:13

Iwu timiqo pelo itsa initsu penishike; panonguye ighokulumi shipenishi ke!

JEREMIYA 13:10

Timi lhoksa hipaqoye igho lumo kepi miliveke. Panonguye pulhapujulo kuthovilo eno kusakughashi achenike eno kutau lhouqo mlla eno qe achenike. Tishi kehu chhekhaphi hipaqo kitilamu alomovekeu toi panonguye tipaphi shive nani.

JEREMIYA 13:11

Chhekhaphino achita lo tsu-tsu khapulu keshi Israil ngo Juda lo akemi pelo ilau tsuqukhoilu peni shikeu kumsupu ake. Ino hipau shikeuye panonguye iwu timi shiche peni eno akishe agigihu ilau sughi peniyeke, ikemu panonguno igholumoke.”

JEREMIYA 15:6

Nowu timiqono ipeive nonguno ilau nongu zupo kughopuwo tsuke. Ike ino i-u chhopuwo nongu munuqhike kughengu niye iloghu ghasukeu lono ingaveke.

JEREMIYA 16:12

Ikemu nonguye nopuasuqo nguno alhoksa kutukeu kumla mla puani. Nongu kumtsu ghano kuthovilo, kixikila eno nonguno ihebideke.

JEREMIYA 17:23

Panoqo puasuno itsa initsumo momu amlo tsuqhiyikeu shimoe. Tishinike zuqhu panonguno kuthovilo auve; igholumove eno ilauno shikalu keu kuhae.

JEREMIYA 17:9

‘Khuuno timi mlo ithikuthu luni kya? Tiye kutau kumtsu nguno pishikiqhiu ke; tiye vimo kutuke.

JEREMIYA 18:10

ikemu ashiayeh tipauno ihebide alhoksa shiwuve aye, niye ino shiniepi pivekeu shimove nani.

JEREMIYA 18:12

Panonguye ishi khochile nani, ‘Ninguye kilini chemoe, kushiye kili ani kya? Ninguye nino shinike thaqhu kuthovi eno alhoksa shi ache nanike! ’ ”

JEREMIYA 2:27

Nongu khunoqono asuboye nongu papu eno atuquye nongu paza kepi picheni keno, tipanoqo kumtsu shikukujoqhi nani. Hiye shini putsa kughengu nonguno ilau tsughu ighi nike zuqhu ilauno tsughusu wuveke. Ikemu nonguno kughou shiluksa shini keno ivilo nongu lau ighieno nongu xalutsu lopi iniju chenike.”

JEREMIYA 22:21

Nono kinikulu shi acheke lono AMPEU no oputsake, ikemu nonguno initsumoveke. Tiye nongu kuxu kupujulo tipau mla acheni; nonguye khilemu AMPEU gholu chemoke.

JEREMIYA 23:17

Ino kiu pikeno tipau initsumo kemiqo vilo panonguno piachekeuno tipanoqoye kumtsulo akivi shi anani kepi cheni. Panonguno hebide kuthovi ache kemiqo vilo kutsakungo keuno khilemu panoqo shou ikughimo nani kepi piachenike.”

JEREMIYA 3:13

Okuyiqu likhi ithichilelulo eno noye AMPEU oLhou shou hebideve kepi ithilulo. Asu minipho kumtsu qholono nono inagha lhouqo lau owu kikimiye tsuve eno noye ino ahza tsukeu papelumove kepi piphevelo. Ni, AMPEU no piqhi ani.

JEREMIYA 3:17

Kughono tipa tsala ighini keno Jerusalem ye ‘AMPEU kuka lakhu’ ipi kunani, eno ashiayeh kumtsu imllanike tilehi kumqo nani. Panonguye pano mlo lhoksa eno kuthovi keu mlono panoqo vilo pikeu shikide kithe move nani.

JEREMIYA 32:23

Ikemu kughou panonguno ayeghi hipaulo iloghi eno hipau amheghi shiluve keno, panonguye nono ahza tsukeu gholumove momu nono shikakeu kiqi lono xumove; nono panoqo pelo shipeniye ahza tsukeu panonguno kiumu shitsumoveke. Ikehu nono kutsakungokeu hipaqo kumtsu panoqo shou sughike.”

JEREMIYA 32:33

Panonguno azupo ilau kughopuwo veke eno ino panoqo shika piye apulaghi panonguno initsumo eno ithulumoke.

JEREMIYA 35:15

Ino tamono nongu lau iqemi tungkupmi kumtsu puwu acheni eno panonguno nongu vilo nongu laghi lhoksa pheveno kiuno achipi keno tipau shilopi cheni. Panonguno nonguye kutau lhouqo mllapemo eno qepemo nike kutughu acheni, tishianguno ino nongu eno nopuasuqo tsukeu yeghilo xuache peniyeke. Ikemu nonguno ino pikeu initsumoe momu ilau amlo tsukeu kuhae.

JEREMIYA 6:16

AMPEU no pawu timiqo vilo pi, “Alaghi shokuba lo puthughono julo. Khaghi laghiqo inijulo eno ala akiviu khile anikeno inijulo. Tipaulo chechelo eno nongu ye alokiqipushi xulu nanike.” Ikemu panonguno pi, “Moe, ninguye tishimoe!”

JEREMIYA 7:26

Ikeghi milakhi nomu initsumo momu amlo tsuqhiyikeu kuhake. Tishinike zuqhulo nonguno nopuasu nguno alau kuthovi kithe eno hebide kitheke.”

JEREMIYA 8:5

Tishiaye, iwu timiqo, nonguye kushiye ilau xaideghimono ilauno tsughusu wuvea kya? Nonguno asu-atu julho lau amlo tsu auveno ilau ideighimo pike.

JEREMIYA 9:14

Tishinike zuqhulo, panonguye kuthovi auve eno panoqo papuno shilopi shikakeu toi Baal su-atu julho mllawukhaveke.

EZEKEL 20:13

Ikemu timi kughuna moke-alo ghi panonguno ihebideke. Panonguno iyezah kuboleve eno ino ahza tsukeu khunono tipaqo pelu nikeno akuxupu sughi chekeu panonguno milive. Panonguno Sabat pinye shipixi khavetsu. Timi kughuna moke-alo ino panoqo pelo iloghu kighide kumgha pupeniye kutove eno panoqo kutsaveni keu shive.

EZEKEL 20:16

Ino tushokiqhi shiveke kughengu panonguno ino ahza tsukeu milive, iyezah kuboleve eno Sabat pinye shipixiveke; panongu mloye pano su-atu julho mllani keulo aukhaveke.

EZEKEL 20:21

“Ikemu tipano tiqhelimiqo ghi ihebideveke. Panonguno iyezah kuboleve eno ino ahza tsukeu pemoveke, khunono tipau peluni keno akuxupu sughi cheni kelauye tipau pemoke. Panonguno Sabat pinye shipixivetsu. Timi kughuna moke-alo niye panoqo pelo iloghu kighide kumgha pupeniye eno panoqo kumtsu pithive nikeu kutoveke.

EZEKEL 20:8

Ikemu panonguno ihebideke eno itsa initsumoe. Panonguye panowu kuchhube kutsula su-atu julho peivemoe momu Ijipmi lhouqo phevemoke. Ijip lono panoqo pelo iloghu kighide kumgha pupeniye kutoveke.

DANIEL 9:6

Nino oqemi tungkupmino pikeu inimoe, khunoqono oje kughape nipu nisuqo nikukauqo eno nishiayeh kumtsu vilo pikeno.

HOSIYA 10:6

Ajulho shisukeu huye asuqha kumlhoshi pesu Asiriya lo akukatou lau xapuwuve nani. Israil ye shikukujove nani eno kujomzaqhive nani, kughengu mijetsukeulo lino papewuveke.

HOSIYA 4:16

Israil lo akemiqoye gadahatsu toi kuthoviloke. Niye kishi puzu atsuni kiviqalo bheritiqo toi panoqo lojiluni kya?

MICAH 6:16

Hipaqo shi nanike kughengu akukau Omri ngo pa nu akukau Ahab pamano ghushoghili lhoksa shikeu nonguno papeke. Nonguye pamano mijepe puatsukeu pekishe pechephi ikehu nonguye shipsa keulo ino sawo suve nani eno timi kumtsuno nongu jukunatha nani. Aqha kumtsulo timino aphi kumqhupu shi nongu peitha nani.”

ZEKHARIA 7:11

“Ikemu iwu timiqono initsumoniye tsatsayi auve. Panongu kukumsu xukhomove eno inimoniaye panongu kini kiyikhaluve.

ZAKINIU 29:19

Mutsumishei shilo ike ishi tsalalo hile akemi lakhi nomu tsaqui piputovekeu tsa hipaqo chiluve keghi pa likhi pa ghoshi xu wuve aye pa ghenguno thwokha kumtsu akivipu shinani kepi kumsu kevilo. Tino nongu kumtsu akivimi eno alhoksami aphiphishi kutsave nanike.