JEREMIYA 7:18 - BAIBEL (BSI)

¹⁸ Itimino sukughupu su pesu ighi, timi qono ami shipe qhi eno totimiqono asho kununo panonguno kungugha kukaliu ipichekeu lhouliu ghenguno asho shiniyeke. Ighuzaniye panonguno kutau lhouqo ghenguno mllakeu tsayiji ghi leqhitsuke.

Sumi Naga CL (Re-edited) Bible (BSI)

¹⁸ Atianuliqo no asü kiche cheni, apu noqo no ami shi ani, eno topumiqo no asho kunu ani, atsütsü kükaliu ghenguno mülüike sho mla ani. Panongu no I mlo shikighide tsüniye kütau lhouqo lau atsaizü kümllagho lephe ani.

JEREMIYA 7:18 ပူးပေါင်းရင်းမြစ်များ

KUKAMI ATUGHIU 14:9

Noye ozuu ayehkipemi nguno alau axine kije shiva. Noye imiliveno asu-atu julho eno ayino shisukeu julho shino mllauvekeu huno imlo shikighideve tsuae.

KUKAMI ATUGHIU 16:2

“Noye khumu kumokemi lakhi ikemu ino okugha pesu iwu timi Israilmi shou saphetou shilupe. Ikemu noye Jeroboam toi axine shiveno iwu timiqo sasu axine lo ilove tsua. Panongu xineno imlo shikighideve tsua,

LESHELE 16:4

Khunono kutau lhouqo pape cheni keno panoqo mlo-kusapu kighishe cheni. Panoqono lhoxu heqhipe mllache keulo niye chhosumoe, momu niye pano lhouqo mllamoe.

ISAIAH 3:8

Kughengu Jerusalem ye xale qhivae! Juda ye ikiqivae! Panonguno pi shikeu kumtsu AMPEU hebide anike; panonguno kumtsu nhekithe lono AMPEU phimo gihumoke.

ISAIAH 57:6

Nonguno tipau lono atumlo muduniyikeu ikhipewo alhouqo kepi mlla chenike. Tipaqo kumtsu shikeulo niye aloqi cheni kughashi nonguye kumsu ani kesha?

ISAIAH 65:11

“Ikemu nongu iqhiveno Zion ikimthe toqhi gihumoveno anguksa lhou Gad ngo Meni mlla chekemiqoye pakutakeu anani.

ISAIAH 65:3

Panonguye kujomomitheno imlo shikighide acheni. Panonguno chinichekeu ghutulo lhoxu heqhipe tughachine shike eno tughachine khachelo tsungquikeu-ta pitike.

JEREMIYA 1:16

Ino iwu timiqo ghimeqhi nani kughengu panonguno axine shike; panonguno ipheveno kutau lhouqo lau akumllagho heqhi tsuke eno ajulho shisuno tipaqo mllake.

JEREMIYA 11:17

“Ni, Aqokitikhi MPEU no Israil ngo Juda shosu ke ikemu itehiye kutsakungo keu pesu ino panoqo shikichike. Panonguno hipau pano likhi pano shou sughi ani kughengu panonguno alhoksa shiveke; panonguno Baal lau akumllagho heqhi tsupuzu ipelo aloghu idevepeke.”

JEREMIYA 17:2

Nowu timiqoye asubo phivilo ngo atoghi kutsuqalo eno aluzalo naghuto kutsuqalo Ashera lholiu ghenguno akumlla kiptia ngo jumichi shipuakeulo mlla cheni. Nonguno noyeghiqhalo axine shivekeqo kumtsu ghenguno ino noghumi pelo nowu kinikulu ngo pekutsukishe puakeu jeli ikhi suwuve pe nani.

JEREMIYA 19:13

Jerusalem lo aki akeqo, Juda lo kukamiqo ki eno aki khijehi kutsuqalo tsungquikeu ta pesu ayepuqo lau pitikumna cheni eno khilehino kutau lhouqo mllakeu shi aji peleqhi cheni keno tipaqo kumtsu Tofet toi mithekumo shive nani.”

JEREMIYA 25:7

Ikemu AMPEU ampino pianike nonguno pa tsa initsumoe pike. Tishinike zuqhulo, nongu su-atu julhono pa mlo shikighideve tsuke eno nolikhi noshou aghimepu sughiveke.”

JEREMIYA 32:29

eno ami pesu pitile nani. Panonguno tipau gholono aki kutau ghi pitile kuqha nani, timiqono aki kutsuqo lono Baal lau tsungquikeu ta pitikumna eno kutau lhouqo lau aji kumllagho leqhi tsukeu ghenguno imlo shikighideke.

JEREMIYA 44:25

Aqokitikhi MPEU, Israil Lhou no pianike: Nongu eno nonipunoqono Atsutsu Kukaliu lau iquighai keu shoqhi shipe puanike. Nonguno li lau akumllagho tsunikeu eno aji pesu akumllagho shi li lau leqhitsu nikeu tushoqhike eno nonguye ashoqhi tipau pelu acheni. Ighono alovae! Tishi nongu shoqhi pechelo! Nochine shoqhi tipau shiachelo!

JEREMIYA 44:4

Ino nongu lau iqemi tungkupmi puwu acheke eno panoqo no nongu vilo ino jumithi chekeu thime kusakugha hipau shikevilo pi picheke.

JEREMIYA 7:17

Juda phughilo ngo Jerusalem laghilalo panonguno kiu shi ani keno noye ithumla kesha?

AKUMLO 5:13

Niwu apumiqoye anguka lono aquaxemi toi athi tsughupeke; Asu ape kimshi xapukeuno kiptimi itimiqoye kulokuloi veke.

EZEKEL 16:26

Nono okisughuu aghichikupou Ijipmi pelo osasu azu-a lakhi shipeke eno nono osalha pesu iloghu kighideve tsuke.

EZEKEL 20:28

Ino panoqo tsuniye tushoqhive keu yeghilo ino panoqo saghike. Ikelaye, kughou panonguno atoghi qhemghai keu eno asu minipho ithulu keno panonguno tipaqo kumtsu-alo heqhipe mllaukhave. Panonguno lhoxu heqhipe pitikeu eno akumllagho atsayiji peighikeu huno ipelo aloghu idevepeke.

EZEKEL 8:16

Ike pano Achineki kikhala alou kudau isasu wu. AMPEU ghunoalo ahukikha kichi phivilo agho kiptia ngo ikulola dolo timi muku pungua ake. Panonguye AMPEU ghuno-a kudau panoqo zupo kughopuwoveno kipelau kudau itsaiqi puzu tsukinhe ipechekeu mlla ae.

EZEKEL 8:17

AMPEU no ivilo pi, “Thinikuau timio, noye tipau ithulu anima? Juda lo akemiye kuchhube kutsula thime nono ithulukha keu hu tipaqo shiche keu likhiye aghaqimovae eno heqhi buqhikeu aghakhuqha kumtsu nhakha akeu likhiye aghaqimovae. Panonguye Achineki alou ghi ighieno shiauvae eno ipelo alau aloghu ide anipeke. Julepi, panonguye ihulo molokeu shi itha igha auveake!

1 Kor. 10:22

Momu ninguye Ampeu nhekushupu xukuthoni kesha? Ninguye panguno akumtou kepi nonguye kumsu ani kesha?

ZAKINIU 32:16

Panoqono ajulho mllakeu huno AMPEU ye anheshuve; Panonguno alhoksa shikeuno pa pelo axuidevepe.

ZAKINIU 32:21

Pano julho pesu panonguno iloghu kighide, pano wu alhouqo ipikeu lau anheshu, alhou ipi kemu kuchouno alhou kumoe. Tighenguno ashiayeh ipi chekemi ino peithano pano loghu kighideve tsu nani; Kughuzumi shiayeh qo shou ino panongu pelo anheshuvepe nani.

ZAKINIU 4:19

Atsutsu lo kiu ithulu ani keno tsukinhe aqhi momu ayepuqo mlla eno qenikeulo msuluve pekevilo. AMPEU nongu Lhou no timi kutami pelo tipaqo mlla penike tsuve ake.