JEREMIYA 7:13 - BAIBEL (BSI)

¹³ Nonguno axine hipaqo kumtsu shi acheni eno anguno anguno ino nongu vilo pi anamu nonguye initsumono miliveke. Ino nongu kukelo nonguye khochilemoke.

Sumi Naga CL (Re-edited) Bible (BSI)

¹³ Itehi ye, nongu no hi kümtsü shive kehu, Ampeu no asheshu, I no tamo mithe nongu vilo pi kemu nongu no ini tsümoe, eno nongu ku kemu nongu no khochile moe,

JEREMIYA 7:13 ပူးပေါင်းရင်းမြစ်များ

AHOLE 1:24

Niye nongu ku acheni, nongu pelo ighipe niye ku-su acheni ikemu nonguno initsu chemoe.

ISAIAH 50:2

‘Kushiye ino xaluniye ighikelo iwu timi khumu aghimove kya? Kushiye ino kuju kelo panonguye khochilemo kya? Panoqo xakulupulo niye miqemileyive kesha? momu panoqo xaphe lunikeu kuka niye kuhave akesha? Ino ahza lakhi tsupuzu azughi pesu qhaiyivelu nani, aghoki pesu asayeqha kughulhovelu puzu azukuha kelauno akha tile akeqo thivepelu nani.

ISAIAH 65:12

Nonguye ghuilo wokeu kithi shi akishelo yepuakeu shipe nani, kughengu kughou ino nongu kukelo nonguye khochilemo momu ino pikelo inimoke. Nonguno ighobide eno alhoksa shinikeu kisheluke.

ISAIAH 66:4

Tighenguno ino kutsakungo keu panoqo shou sughi nani, ti panonguno musa achekeu hu, kughengu milakhinomu ino kukeulo khochilemoke momu ino pikelo initsumoke. Panonguye ighobide eno alhoksa shini keu kisheluke.”

JEREMIYA 11:7

Kughou ino pano puasu Ijip lono saipe ghikeno igholupe nike ino tsaquino panoqo piputo puanike eno ishi tsala kutolo ino timiqo kutughu achenike.

JEREMIYA 11:8

Ikemu panonguye initsumoe momu agholumoe. Tishinike zuqhulo, kumtsu pututa shelo kuthovi ghi eno pulhapuju alhoksa shi achenike. Puloshoqhi pape penike ino ahza tsuvae ikemu panonguno miliveke. Tighenguno tipaulo aghimepu pipuakeuqo kumtsu ino panoqo shou ikughipeke.”

JEREMIYA 13:10

Timi lhoksa hipaqoye igho lumo kepi miliveke. Panonguye pulhapujulo kuthovilo eno kusakughashi achenike eno kutau lhouqo mlla eno qe achenike. Tishi kehu chhekhaphi hipaqo kitilamu alomovekeu toi panonguye tipaphi shive nani.

JEREMIYA 13:11

Chhekhaphino achita lo tsu-tsu khapulu keshi Israil ngo Juda lo akemi pelo ilau tsuqukhoilu peni shikeu kumsupu ake. Ino hipau shikeuye panonguye iwu timi shiche peni eno akishe agigihu ilau sughi peniyeke, ikemu panonguno igholumoke.”

JEREMIYA 25:3

“Amun nu Josiya no Juda lo akukau shikeu mpe chighi akuthuu lono ishi tsala kutolo, hi ampe muku kuthu dolo AMPEU no iputsa ke eno pano ivilo kiu pikeno niye khilemu nongu vilo pimovekeu shipuamoe. Ikemu nonguno amlo tsuqhiyikeu kuhae.

JEREMIYA 26:5

ino tungkupmi, iqemiqo khunoqo nongu lau puwu acheni keno tipaqo tsa amlo tsuqhiyi papekeu lono aghokulu shimasake. Nonguye khilemu panonguno pikeu aghokulu shichemoke.

JEREMIYA 29:19

Panoqo shou hipau shinani putsake kughengu ino panoqo lau iqemi, tungkupmi vechewo atsape puwu achekeu panonguno agholumoke. Panonguno initsumoke.

JEREMIYA 32:33

Panonguno azupo ilau kughopuwo veke eno ino panoqo shika piye apulaghi panonguno initsumo eno ithulumoke.

JEREMIYA 35:14

Jonadab tikughukomiqoye pano aji shokevilo pi ahza tsukeu papelu acheni eno ishi tsala kutolo panonguye khunomu aji shochemoe. Ikemu niye nongu putsa acheni eno nonguye ipapelumoke.

JEREMIYA 35:15

Ino tamono nongu lau iqemi tungkupmi kumtsu puwu acheni eno panonguno nongu vilo nongu laghi lhoksa pheveno kiuno achipi keno tipau shilopi cheni. Panonguno nonguye kutau lhouqo mllapemo eno qepemo nike kutughu acheni, tishianguno ino nongu eno nopuasuqo tsukeu yeghilo xuache peniyeke. Ikemu nonguno ino pikeu initsumoe momu ilau amlo tsukeu kuhae.

JEREMIYA 35:17

Ike, ni Aqokitikhi MPEU, Israil Lhou no itehiye nongu Juda ngo Jerusalem lo akemiqo shou kutsaleveni keu ino tushoqhi puakeu kumtsu sughini cheni. Ino hipau shinikeu shiani kughengu ino nongu putsa keulo nonguno itsa initsumoke, ino nongu kukelo nonguye ikhochilemoke.”

JEREMIYA 44:23

Ishi kutolo kutsakungo keu hipau nongu shou ighi ani kughengu nonguno kutau lhouqo lau akumllagho tsuke eno AMPEU shou axine shi anike tiye pano ahza tsukeu kumtsu papemokeu lonoke.”

JEREMIYA 44:4

Ino nongu lau iqemi tungkupmi puwu acheke eno panoqo no nongu vilo ino jumithi chekeu thime kusakugha hipau shikevilo pi picheke.

JEREMIYA 5:21

Tsaqui inijulo, nongu anikhamiqo nongu anhethi puapulaghi ithumlakeqo, akini puapulaghi chimlakeqo.

JEREMIYA 6:10

Ino khochile, “Ino panoqo vilo pinikelo eno panoqo kutughuni kelo khuno itsa initsuni kya? Panonguye kuthoviloke eno atsape initsumo kepike; nono ivilo pilo pikeulo panonguno junuke.

JEREMIYA 7:25

Nopuasuno Ijip lono ipeghikeu tsala lono hipa tsala kutolo ino iqemi tungkupumi nongu lau puwu acheni.

HOSIYA 11:2

Ikemu ino khije alau pa kukeno, tijejehi paye ilauno tsughusuwuve. Iwu timiqono Baal lau lhoxu heqhipe mlla; panonguno ajulho shisukeu lau tsungqui keu ta pitikumna.

HOSIYA 11:7

Panonguno tsumomo ilauno tsughusu wuve nikeu shi acheni. Kuokhasu panoqo shou akeu ghenguno panonguno ighamuku igha nani ikemu khunomu tipau peqheluvetsumo nani.”

HOSIYA 9:17

Ino qechekeu Lhou no timi hipaqo peve nani kughengu panonguno pa tsa lumoke. Panonguye ashiayeh kutami gholo iqho iqiju puha cheuve nani.

ZEKHARIA 7:13

Ino pikeu panonguno inimoke ghenguno kughou panonguno inikhu keno ino khochilemoveke.

MATTHEW 23:37

“O Jerusalem, Jerusalem! nono tungkupumi pithivetsu eno aghinimi olau puwukeqo atupesu veqhivetsuke! Awuquno achishibo qholo litiqo vakutsulu keshi ghuthu khijejehi niye owu timiqo ilau hekutsulu nishi acheni kya?