JEREMIYA 7:10 - BAIBEL (BSI)

¹⁰ Nonguye ino jumithikeu thime hipaqo shicheni eno tishi puzu igizulo, ichinekilo puthugho puzu, ‘Ninguye kiumu shimoe!’ ipi cheni.

Sumi Naga CL (Re-edited) Bible (BSI)

¹⁰ püzü I je lono kukeu ki hipau lo ighi no I zülo puthugho, eno kuchhube kümla hipaqo shi aniye, ‘Ningu ye xaphe luvae’ ipi cheni keshea?

JEREMIYA 7:10 ပူးပေါင်းရင်းမြစ်များ

KUKAMI ATUGHIU 9:3

AMPEU no pa vilo pi, “Ino okighini chiluvae. Nono alhokuthu imllapeniye akumllaki shitsukeu-a ino shikimthe tsu ani. Ino ado kumtsu lo ti khe eno sushotsu anani.

KUKAMI AKINIU 21:4

Pano AMPEU kumlla-a Achinekilo hu asu-atu kumlla kiptia mlavetsu.

YEKIKITHI AKINIU 33:4

Achineki khilehi AMPEU no alhokupuju lo pa mlla chelo pikeno tipa-a lo pano asu-atu kumlla kiptia mlape qhike.

YEKIKITHI AKINIU 33:7

Alhou no David ngo panu Solomon vilo pipua keu Achine ki lo pano ajulho lakhi qhike. Alhou no pi keuno: “Jerusalem Achine ki hipauye Israil lo ashiayeh chighi kini ghakhu gholono ino kishelu puzu tipa-a lono imlla penikeu shike.

AHOLE 15:8

Kughou timi kivimino inikhuni keno AMPEU mloqi cheni ikemu kixikilamino aghashipe pa mlla nike sughikeu mithi cheni.

ISAIAH 48:2

Tishikeghi nonguye aqhekuzashi akimtheu phughilo kihikusumi kepi picheni, eno nonguye Israil Lhou, pa jeye Aqokitikhi MPEU shou bepe acheni kepi picheni.

JEREMIYA 32:34

Panonguye imlla nike Achineki shipe qhipuakeulo thotsu panoqo wu niqhunilai keu su-atu julho pewo qhike eno achineki tipau kitiqeveke.

JEREMIYA 34:15

Atsala kinia kuthua shiaphike nonguno nomlo kilive eno ipulou shike. Nongu kumtsuno nokusami Israilmi pheve nikeu pulokileve eno achineki khile imlla cheni keno tilehino nonguno igizu lono puloshoqhi shike.

JEREMIYA 44:9

Nopuasuqono eno Juda lo kukami eno panoqo nipu eno nongu eno nongu nipuqono Jerusalem laghilalo eno Juda lo taun akeqolo kixikila lhoksa kumla kumtsu shikeu nonguye kumsumave akesha?

JEREMIYA 7:11

Ichinekiye heqhi suxakulumi kughutshua kepi nonguye kumsu ani kesha? Nonguno kiu shiani keno ino ithulu khavae.

JEREMIYA 7:14

Tighenguno Shilo shou kiu shikeno nonguno pukhu achekeu ichineki hipau shou ghi ino shitsu nanike. Ino nongu puasu ngo nongu tsukeu-a hipau lono ino Shilo shou shike paphi lono ino tipau shinanike.

JEREMIYA 7:30

“Juda lo akemiqono alhoksapu lakhi shipuani. Panonguno panoqo su-atu julho khikhi ino jumithi cheni keno tipau pesu ichinekilo qhike eno tipau kitiqeveke.

EZEKEL 20:39

Akughushu MPEU no pi, “Itehiye nongu Israilmiye nolikhi nongu pulou shialo! Pututa su-atu julho qewuvelo! Ikemu ino nongu kutughuve anike tipathiu nonguye igholumasa kepu shi nani eno nowu asu-atu julho lau akumllagho tsukeu lono ije kusapu shichekeu tavekepu shi nani.

EZEKEL 23:29

Panonguno omithi chenike ghenguno nono mlaqhipe puaghikeqo jeli kumtsu pewuve nani eno thwokha xaluveno kusalhami lakhi toi noye aphi kumsa tishi qhipe puave nani. Nono iyighe eno salha shupu chekeuno oshou hipau sughivae.

EZEKEL 23:37

Pamaye salhakeu ngo ghiqhikeu shivae, asu-atu julho sasu salhakeu eno anuli punu itsukeu ghiqhike. Pamano inuli heqhi pesu pano su-atu julho lau mllave ke.

EZEKEL 23:39

Pamano asu-atu julho lau inuli heqhi mllake tsala lono pamano ichinekilo ighi no tipau kitiqevetsuke!

EZEKEL 33:25

“Ni, Akughushu MPEU no kiu piani keno tipau panoqo vilo pilo: Nonguye ashilo ahji pususu aphi lono tipau chuke. Nonguno asu-atu julho mllake. Nonguno ghiqhi chenike. Kiu lono ayeghiye nongu wu kepi kumsu kepushi ani kya?

EZEKEL 33:31

Ikehu iwu timiqoye nono kiu pinikeno ininike kukokiki ighi ani, ikemu panonguye nono panoqo vilo shilo pikeu shichemoe. Panonguno amtsulo likhino otsa kupuke ikemu panoqono aghukha shi xu achephi.

EZEKEL 5:11

“Niye xuakeu Lhou ke ghenguno Akughushu MPEU tsaye hike - nonguno alhoksa jeli pesu ichineki kitiqevetsu, aphikumqhupu jeli nono shikeu ghenguno, kimiyemomithe puzu ino omicheveni cheni.

DANIEL 9:18

Nitsa iniju tsulo, O Alhou, nilau jupuwo tsulo nino ime akeu eno ojelono achekeu phughi ghimeqo jutsulo. Nino achipilo shilukeu ghenguno kumoe, ikemu nono kimiye kiniuke ghengu ovilo inikhu ani.

HOSIYA 6:9

Tilehi achinemiqoye timi chekeu khe aketoike. Shekhem akimthe-a lo kuwulalo ghi panonguno timi ghiqhike. Panonguno puthaputsano alhoksa hipaqo kumtsu shi cheni!

AMUS 4:5

Tishi puzu shikimthikeu shi-ghi kholaqhi sukeu sho pesu Alhou mllalo eno nonguno akumllagho achili sughikeu asheshu alo! Nonguno hikithipu kupuqhiyi achenike.”

ZEFANIA 1:5

Khuno aki kutsuqalo ikupuzu aqhi, tsukinhe eno ayepu mlla nikeno ino kutsaleve nani. Khunoqono imlla cheni eno igholu akeu shoqhi shicheni ikemu tishi puzu Milkom lhou jelono ashoqhi shicheni keno ino tipaqo kutsaleve nani.

MALAKI 3:15

Nino ithulukeuye aqhekuzamino alokivishi ani. Alhoksamiye kinikulu shiluke likhi kumono panonguno panoqo kumla lhoksa shikeu pesu Alhouw kheakulu ghuju cheni tishi keghi kiumu shimono aluve cheni.’ ”

MATTHEW 23:13

“Nongu Ayezah kukutsumi ngo Farisimi ghenguno ahakusapue! Nongu kuhakughaqo! Nonguno timiqo launo Kungugha yehkipe hukikha khavetsu; nonguno iloke kumo puzu tipaulo iloniye pukaputsa akeqo pelo ilopemoe.”

John 13:18

Niye nongu kumtsu ghenguno piamoe; ino khunoqo kishelukeno ino ithi anie. Ikemu kuchoyesulo akeu kupuve masa kehu, ‘Igholo kumtsa chukeu timi huno ishou chhophisue.’

John 18:28

Tileno panonguno Kaifa ki lono Ahng no achekeu akighiki kudau Jisu sawuve. Tiye inaqhe noke eno Judamiye akighiki sholokuu ilomo kughengu panonguye achine kitiqemo puzu Hechekulu libe chulu kepu shiniyeke.