JEREMIYA 6:21 - BAIBEL (BSI)

²¹ Ikehu ino timi hipaqo pelo kupuxalupe eno veqhipe nani. Apunoqo ngo anuliqono thive nani, tihutoi shompami ngo akisughumi ghi thi nani.”

Sumi Naga CL (Re-edited) Bible (BSI)

²¹ Ikehu Ampeu no ishi piani: ‘Julo, timiqo pelo küpxalu penike I no apukhu küpsüpu qhitsüni; apu-anu kümtsa, akisüghümi eno akümsami kümtsü pühave nani.’”

JEREMIYA 6:21 ပူးပေါင်းရင်းမြစ်များ

YEKIKITHI AKINIU 36:17

Tighenguno AMPEU no Babilon kukau saghi puzu panoqo levepe. Akukauno Juda lo lhothemi kiptimiqo Achineki lo aghinamu heqhi pithive tsu. Paye lhothemi, kitemi, kiptimi, totimi, kusukinimi momu viakemi milakhi shou pimu kimiyeqhiyi keu shimoke. Alhou no panoqo kumtsu pa ulo suvetsu.

ISAIAH 8:14

Ino shishe akimtheke ghenguno niye atuqu lakhi toi timino kupuxalu cheni; ino alichhe lakhi toi shieno Juda ngo Israil kukaqhalo akemi ngo Jerusalem lo akemi meluni cheni.

ISAIAH 8:15

Timi kutomono kupuxaluni cheni; panonguye veqhive nani eno kutsapinyive nani. Panonguye alichhe lono meluveni cheni.”

JEREMIYA 13:14

Tileno muchomi na lhothemi pinamu ayeghi tughuko toi lakhino lakhi shou ino panoqo vedaqhi nani. Niye amlo ighiqhiyi keu momu amloksa kiunomu ilakhamlano ino panoqo kutsaqhi nanike.’ ”

JEREMIYA 13:16

Pano akuzu sughi miphi lono eno nonguno naghutolo kupuxa pukulu miphi lono; Nonguno akuvu laju akeu pano pesu akuzu kutho shivetsu miphi lono nongu Lhou AMPEU gihulo.

JEREMIYA 18:21

Ikemu itehiye O AMPEU, panoqo tianuli pelo akhuava shi thive pelo; panonguye aghukishi lono pithive pelo. Totimiqo pelo panoqo kimi ngo atianuli puhave pelo; kiptimiqo pelo kusukini lono thive pelo eno lhothemiqoye aghukishi lono pithive pelo.

JEREMIYA 18:23

Ikemu AMPEU, panonguno iheqhi pithiveniye kumqukeu kumtsu nono ithi ani. Panoqo lhoksa kipimi qhitsu kevilo momu panoqo xine akipimi ikhivetsukeu shi kevilo. Panoqoye ozulo halepinyi tomove pelo eno ologhu kighidelo panoqo kutotsulo.”

JEREMIYA 21:7

Ikemu no ngo owu kijemiqo eno timi khunoqono aghukishi, puqumiyekeu eno kusukini lono puxupe aghini keno nongu kumtsu ino akukau Nebukadnezar ngo pawu timi noghumiqo pelo kughalukhavepe nani, nongu kuxuluve tsuniye phuchekemi ulo suvetsu nani. Pano nongu pithi khave nani. Pano nongu lakhimu ghumo nani momu nongu kimiyeqhiyikeu piyemo nani. Ni, AMPEU no piqhiveake.”

JEREMIYA 8:12

Iwu timiqo, nonguno aphikumqhupu hikithipu shikeu ghenguno nonguye kujoju akema? Moe, nonguye khilemu kujo chemoke: nonguye kujoke yeh ghi mthake! Tighenguno kutami veqhiveke toi nongu ghi veqhive nani; kughono ino nongu ghimeqhi nikeno tipauno nongu puhave nani. Ni, AMPEU no piqhiveake.”

EZEKEL 3:20

“Tsala timi kivimi lakhino axine kumla shiuve puzu shiluksa sholuamu nono pa vilo pitsumo aye paye pa xine ghenguno thive nani eno pa kumla kivi kihitsumo nani, ikemu pa kithi makho ino oshou betsu nani.

EZEKEL 5:10

Tishikeulo, Jerusalem lo apuazaqono atianuli chu nani eno atianulino pano puazaqo chu nani. Ino oshikighime nani eno khuu puxupe puaghini keno tipaqo aqha kumtsulo hakughutsuve nani.

ACHINE 26:37

Timi khunomu nongu hachemo namu nonguye lakhino lakhi kupxalu nani eno nonguye aghumi khuumu sasu kumjomla nani.

Rommi 11:9

David no pi: “Panoqono tiqhetini shiake lono meluve eno khasuluve pelo, aqoh lo ilulovepe eno ghimevepelo.

Rommi 9:33

ti kuchoyesu lo pikehutoi: “Julo, Zion lo timi pelo pusupukulu penike atuqu lakhi ino qhipuani, tiye panongu pelo kupuxalu kepu tuqu lakhike. Ikemu khunono pa shou akupulu benikeno shikukujomo nani.”

1 Peter 2:8

Ike tipauye, “Timino kupuxalukepu tuqu lakhike panoqo pelo veqhivepe nikeu tuqu lakhike.” Panonguno kupuxalukeuye atsa papelumokeu ghenguno panoqo pelo tishivepe nikeushi Alhou no kughupe qhiveke.