JEREMIYA 6:19 - BAIBEL (BSI)

¹⁹ Ayeghi, inilo! Julo, ino timi hipaqo shou alhoksapu sughini cheni tiye panoqo wu muqumugha ghenguno, kughengu panonguye ino kutsukeu peveke eno itsa papelumoke.

Sumi Naga CL (Re-edited) Bible (BSI)

¹⁹ O ayeghi, inilo, I no timi hipaqo shou pano mqü lhoksa xathi ghenguno amhekiqi süghini cheni, kughengu panongu no I tsa lo amlo tsümove eno I yezah milive ke.

JEREMIYA 6:19 ပူးပေါင်းရင်းမြစ်များ

AHOLE 15:26

AMPEU no alhoksa kukumsu mithi cheni ikemu paye shompami shilukeu tsalo amloqi cheni.

AHOLE 28:9

Nono ayezah peluchemo aye Alhou ye okighini initsunikeu ighono mithi kutu cheni.

ISAIAH 1:2

AMPEU nopi, “O ayeghi ngo atsutsu, ino kiu piani keno inijulo! Atianuli ino tuchomujo puthu keqono ishou hebide ani.

ISAIAH 5:24

Tighenguno amilo aghiji teni pitive keshi eno ami mililo atsuni kithi piti hailove keshi nongu kuhu aghuye tsumunave nani eno nongu kupu puakeu ye amukhu shiveno fupewuve nani; kughengu nonguno Aqokitikhi MPEU, Israilmi Lhou akimtheuno nongu shikakeu miliveke.

ISAIAH 59:7

Nonguye pulhapuju kiuala alhoksa pughuqhi acheni, eno nonguye tipau shiniaye khekulhoshi acheni. Nonguye pimimo kemi heqhi buqhinike khilemu sukichile kuhae. Nonguno khile khile wuni keno hexapinikeu eno kutsapinikeu qhivetsu cheni,

ISAIAH 66:18

Ino panoqo kukumsu eno panoqo kumla ithi ani. Ashiayeh kumtsu gholo timiqo hekutsunike niye cheae! Kughono panongu kumqoluveni keno, ikukaye kiu shilu nani keno panonguno ithulu nani,

JEREMIYA 11:11

Tighenguno itehiye, ni AMPEU no panoqo kutughu ani niye panoqo shou kutsakungo keu sughini cheni eno panonguye povemla nanike. Kughou panonguno kuphupe nike ilau ighamukuni keno niye panoqo ghugha initsumo nani.

JEREMIYA 15:6

Nowu timiqono ipeive nonguno ilau nongu zupo kughopuwo tsuke. Ike ino i-u chhopuwo nongu munuqhike kughengu niye iloghu ghasukeu lono ingaveke.

JEREMIYA 17:10

Ni, AMPEU no timi kukumsu lheju eno timi mulo ijoju cheni. Pututano mlachekeu kiqi lono ino milakhikhi peithaju cheni.’

JEREMIYA 19:15

Aqokitikhi MPEU, Israil Lhou no pilo pikeu pesu ishi pi, “Ino aphughi hipau shou eno taun akupunulo akeqo shou aghimepu shinikeu shi pipuakeu kumtsu sughiniye ani, kughengu nonguye kuthoviloke eno ino kiu piniye anikeno nonguye initsumo nanike.”

JEREMIYA 19:3

AMPEU no ivilo ishi pilo pike, “Juda lo kukamiqo eno Jerusalem lo akemiqo, ni, Aqokitikhi MPEU, Israil Lhou no kiu piani keno inilo. Ino a-a hipau shou kutsakungo keu lakhi sughini cheni eno tipau shikeu chilukemi kumtsu mamaive nani.

JEREMIYA 21:14

Ikemu nono kiu shipuani keno tipau ghenguno ino oghimeqhi nani. Ino okighikiqolo ami sutsu nani eno tipau sukumxalo akeu kumtsu amino pitileqhive nani. Ni, AMPEU no piqhiveake.”

JEREMIYA 22:29

O aghakhuo, aghakhuo, aghakhuo! AMPEU no kiu piani keno initsulo:

JEREMIYA 29:19

Panoqo shou hipau shinani putsake kughengu ino panoqo lau iqemi, tungkupmi vechewo atsape puwu achekeu panonguno agholumoke. Panonguno initsumoke.

JEREMIYA 4:14

Jerusalem, oxaluvepe kepushi amlo lono axine qhuvelo. Nonguye khitotohi kutolo axine shikeu kukumsu kumsu anani kya?

JEREMIYA 4:16

Panonguno ashiayehqo kutughu nike ighi ani eno Jerusalem vilo aghumiye ayeghi putouno cheni kepi piniyeke. Aghumi hipaqono Juda lo aphughiqo shou igha ikughi nani

JEREMIYA 4:4

Now puloshoqhi isasu shilo, niye nongu MPEU ke eno nonguye ikhipesu itsuvelo nongu Juda ngo Jerusalem lo akemiqo, nonguno tishimo napiaye nonguno axine shiveke ghenguno iloghuye ami toi iqu nani. Tipauno iqu nani eno khunomu tipau pinhemla nanike.”

JEREMIYA 49:37

Ino Elam lo akemiqo pelo aghumi panoqo pithive nishi achekemi musakutuvepe nani. Iloghu kije lono ino Elam lo akemiqo kutsaleve nani eno ino panoqo jole puhavemoke kutolo panoqo shou aghushi puwu nani.

JEREMIYA 6:10

Ino khochile, “Ino panoqo vilo pinikelo eno panoqo kutughuni kelo khuno itsa initsuni kya? Panonguye kuthoviloke eno atsape initsumo kepike; nono ivilo pilo pikeulo panonguno junuke.

JEREMIYA 6:18

Ikehu AMPEU no pike, “Inilo, nongu ashiayehqo, iwu timiqo lau kiu shini cheni keno tipau ithilo.

JEREMIYA 8:5

Tishiaye, iwu timiqo, nonguye kushiye ilau xaideghimono ilauno tsughusu wuvea kya? Nonguno asu-atu julho lau amlo tsu auveno ilau ideighimo pike.

JEREMIYA 8:9

Nogholo alokutsumi shikukujove ani; panoqoye avehu kughuzu shivepe eno meluve cheni. Panonguno itsaqo peveke itehiye kiu lokutsu anani kya?

DANIEL 9:11

Israilmi kumtsu oyezah hephoveno nono kiu pikeno inimono tuchileve tsuke. Nino ozulo kuquvae, tighenguno oqeu Muse vechewo sughikeu yezah kiqi lono angsu nishou ighi ani.

HOSIYA 10:13

Ikemu tishi nike zuqhulo nonguno alhoksa shosuve eno tipau xathi xoluke. Nonguye nongu kimki pesu lhophekeu xathi chuvae. “Nonguno nowu khurkulu pukhu eno nowu aghushimi kutomo shivekeu shou pukhuke ghenguno

HOSIYA 4:6

Iwu timiqo puhave nikeu shivae kughengu panonguno ni ikhilumoke. Nongu achinemiqono ni ikhilumoe eno ino kutsupiyekeu milive, ikehu ino nongu milive eno nongu nuliye ichinemi shi nikeu ino panoqo ikhilu move nani.

AMUS 2:4

AMPEU no pi, “Juda lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ino kutsupiyekeu jukunathake eno ino ahza tsukeu pechemoke. Panoqo puasuno qechekeu kichile lhouqo huno tipatho shi panoqo sabideveke.

MICAH 1:2

Ashiayehqo kumtsuno hipau inilo; ayeghilo akemi kumtsuno hipau inilo! AMPEU Alhou no nongu shou thopiu shi nani. Inilo! Pa kimthe Achine ki lono pano pianike.

MICAH 6:2

Nongu naghutoqo, nongu ayeghi boqhaqo, AMPEU wu kughakepu akeu inijulo! AMPEU ye pawu timiqo shou kughakepu lakhi ani. Pano Israil shou ngukube kepu lakhi sughini chenike.

John 12:48

Timi khunono ni ikhilumo nikeno kughakuthau lakhi anie. Ino pivekeu tsano ashekha tsalalo pa shou kughakuthau shive nani.

Apostolmi 8:22

Alhoksa hipau lono xakide ighivelo eno Ampeu vilo inikhulo, tishianguno shikulupu shi aghiaye omlolo kuchughupe akeu olauno pevetsu penike.

ZAKINIU 30:19

Ino itehino nongu pelo akuxu ngo akithi kuma dolo, Alhou kukumgha ngo Alhou wu musuini keu kuma dolo kishekulupu tsuani eno nonguno kishelu keulo thopi shipenike ino kungugha ngo ayeghi kusu ani. Akuxupu kishelulo.

ZAKINIU 32:1

“Ayeghi eno atsutsu itsa initsulo, ino kiu pini keno tsaqui inilo.

ZAKINIU 4:26

Ino atsutsu ngo ayeghi kupuzu ishi tsala lono nongu shou thopi shianipeke nonguno ighobideve aye nonguye aghakhu lono pai hauve nani. Nonguye Jordan hukukuu nonguno ngoluniye kuto akeu ghakhulo ado kushuwa xumlave nanike, nonguye ghumono kutsaleve nani ke.

SAMUEL ATUGHIU 15:23

Pa ghobide keuye atumu sasu aphiphie, eno amlo kumka huye ajulho mllakeu xine sasu aphiphie. Kughengu nono AMPEU zahkutsu milive kehu pa ghi okuka kishi milivae.”

SAMUEL ATUGHIU 15:26

Samuel no khochileve, “Niye osasu idewomlae, kughengu nono AMPEU zahkutsu milive kehu pa ghi noye Israilmi shou akukau shi akeu lono omilivae.”